#سهى_الشمري
#مابعد_اجبارهم _احببته
گعدت الصبح الساعة 6علمود احضر الريوك واجهز نفسي لان ب8ونص يجون فسويت الريوگ وگعدت ماما
ام قمر:صباح الخير ماما
قمر:صباح العافية تعاي تريگي سويته وكملته
الام:شمكعدج من الصبح
قمر:غير راح يجون اليوم
الام:ايي
قمر:بس ماما اني خايفة
الام:من شنو
قمر:مااعرف
الام:ماكو شي يخوف لاتخافين اهدي ماشي
قمر:ان شاء الله
كملنا ريوگ ورحت سبحت وبدلت
لبست:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وتمكيجت مكياج خفيف وحضرت روحي وانتظرتهم
صارت الساعة 7ونص
،،،،،،،،،،
في جانب اخر
ام مهند:يحيى اگعد يلا
يحيى:عوفيني راسي يوجعني كلش عوفيني انام
ام مهند:طبعا من المشروب الي تشربه
يحيى:يمةة مابية حيلج عوفيني
ام مهند:مااعوفك اليوم گتلهم نشتري حلقات للعالم گوم
يحيى:روحو انتم ومن تجون راووني عود
ام مهند:مايصير انت لسة ماشايف البنية فشلة بلكوة البارحة طلعتلك عذر حتى ماتجي مايصير اليوم ماتجي
يحيى:هاي البنت من كل عقلها و مصدكة روحها دواج حقيقي مو هية بنفسها كالت زواج عالورق المن هالبطيخات الي راح نسويهن
ام مهند:ولككك كوووم
يحيى:مابية روحي انتي وميس وعوفني وكلولهم مريض شي
ام مهند:يبوووو منك موتتني وراح تفشلني گدامهم من وراك
يحيى:ايي ايي ورجعت نمت
ميس:ها ماما گعد
الام:لا موتني عسة شنگول للعالم
ميس:هسة شنو هالدلال فشللة
الام:مو اگول
ميس:حرامات مهند مو هنا بسفرة جان گعده غصبن ماعليه
الام:اييه يلا بدلي خل نروح للبنية
وبدلو وكملو
وصارت الساعة ب8 وراحو بالطريق
لحد ماصارت ب8ونص دكو الباب
قمر:منووو
ام مهند وميس:احنا
قمر انقبض گلبي فتحتلهم الباب وسلمت هم ماجاي بس خالة وميس استحيت اسئل فبلعتها وسكتت
اجت ماما سلمت وسئلت عليه گالن مريض بيه افلاونزا قوية ماادري ليش مااقتنعت يعني شنو السالفة البارحة عنده شغل عبرناها اليوم نشتري الحلقات وهم مامتواجد شنو سالفته لهل الدرجة ماطايفني زين هو يعرفني اني الي دافع عني لو لا مادرت اسئل گلت خل اسكت احسنلي بس جنت ضايجة رحنا للسوك اني ولين وماما وام مهند وميس
واشترينا حلقتين نازكات اني اختاريتهم ورحنا لمحل البدلات اشتريت فستان قصير نيلي وبيه زينة سمائي كلش نازك ومرتب واختارولي الصالون الي اروحله حجزولي وكملنا كولشي ورجعنا للبيت وماما ضلت تسئل وتدردم ليش مااجة وشنو هالسوالف وهالحجي واني ازددت ضوجة بالزايد من وراه وصار العصر گعدنا نباوع للتي في اني وحمودي وصافنة يعني هسة هو مقتنع بروحه يعني لحد الان لاشايفني ولاشي وصار الليل ونمت وماصار شي هاي الفترة وتتواصل وياي ميس كل يوميا واروح للكلية وارجع وسولفت لنور ظلت تهدي بية وتقنعني وهالحجي واجة يوم الخميس اجو امه واخته وبنت خالته نهال خطيبة مهند يعني مرت حماي المستقبلية طبعا هية تدري بكلشي ومبينة حبابة وخوش بنية لايكة وية مهند اثنينهم خوش اثنين ورحنا للصالون سوولي تسريحة بسيطة وحلوة ولبست فستاني النيلي ومكيجوني وعدلت حواجبي طلعت اخبل ورجعوني لبيتنا وگعدوني عالكرسي واجة السيد الي يعقدلنا والوادم وكلها اجت واشتغل الدك والرگص مال النساوين وخطية امي فرحانة كلش ومنتظرين الافندي مرت ساعة ونص وهوة مااجة حتى السيد ضاج وگام يلح وينه وينه شنو سالفته والنساوين گامن يتبسبن صدك موقف محرج لشوي سمعت صوت الهلاهيل والرياجيل تسلم وهالشغلات عرفت اجة وگعدو بالاستقبال لبسوني شال وغطولي رجلية وگعدت يم الباب وظل يحجي السيد وينطي احاديث وهالشغلات وايات بالزواج واخر شي 12مرة ظل يحجي هاي الموافقة الي انوب گللي قولي نعم وانت وكيلي وگلتها النساوين هلهلت انوب عادهن اله وسئله گال نعم وانت وكيلي واشتغلت الهلاهل والجكليت على راسي مو عبالك جكليت عبالك طابوك تكسرت تكسر
يحيى اجة يوم العقد مالتي واني ماشفت البنية لسة وگلت عليمن اشوفها بهاي الايام خليتها ليوم العقد يلا اشوفها وبيومها اني شربت شوي بس ماكثرت واتاخرت عليها وجماعتي اخروني انوب رحت لبيت البنية ومهند رزلني واولاد عمي واولاد خوالي وخالاتي هم كلها تگلي مستهتر ومامسؤؤل فشلتنا ومن هالكلام انوب گعدت حجة وية البنية السيد واني بس اافاف منظرهم يخلصون حتى اروح تعبت سگاللها وافقي وكولي قبلت وانت وكيلي وگالتها صوتها كلش حلو وهادئ ومئلوف بس ناسي وين سامعه انوب گالي الي وگلت واسمعلك هلاهل النساوين گعدنا شوية انوب گالو لازم العريس يدخل يگعد يم البنية گلت اجت الساعة السودة اشوفها والبسها الحلقات شاورني مهند گال موتنسة اول ماتدخل روح بوس راسها ومن تگعد گلها طالعة حلوة شي مو تصير صنم ماشي يحيى:😒😒
قمر گالو راح يجي يگعد يمي ذبي الشالات عنج اني استحيت ولحو وخروهم عني والنسوان عدلت حجاباتها اتي جنت مدنگة واشتغلت الهلاهل ودخل شلت راسي ااافيييش طالع صااك بشكل ابيض والعيون خضر واشگر على جوزي شعره وطويل ولابس قاط اسود ورباط احمر طالع يمووت اجة گعد يمي باسني براسي وگعد يمي
يحيى دخلت بستها براسها جانت مدنكة انوب شالت راسها ومبينة خجلانة اتفاجأت هاي نفسها البنية الي لگيت واحد لازمها وتعارك وياها وگال خطيبتي وتعاركت وياه ودخلني سجن وانوب من طلعت من المركز شفتها صفنت هاي شلون وخطيبها مافهمت شي گلت خل اسئل
يحيى بصوت ناصي: ماداافهم شي شنو انتي غير مخطوبة
قمر:لا
يحيى:جا شنو سالفتج غير انتي ابن عمج گالي مخطوبة ودخلني سجن
قمر:هو مو خطيبي بس ابن عمي وفارض نفسه علية ويحبني واني مااحبه
يحيى:انتم عالم مخابيل تدرين لو لا
قمر:انعم الله عليك اسمك يحيى مو؟
يحيى:ايي وانتي قمر غير؟
قمر:اي
قمر منتظرته حاله حال الي يخطبون يشاورني يگلي طالعة حلوة شي ا والكبر 👐
يحيى هية صدك طالعة حلوة بس شون عود اگوللها انوب گالو لبسو الخواتم لزمت ايدها كلش نازكة وحلوة لبستها ولبستني والنسوان تهلهل كسرن طبلة اذاني بهلاهلهن
انوب وكلتها وشربتها العصير كلت بكلبي عاساس انتي ماتعرفين تشربين وتاكلين وحدج تهي بهي
قمر وكلني وشربني العصير والكيك من ورة خشمه واشتميت ريحة شرب ايوووو نقرف ماردت احسس الناس بشي وظلو يطگولنا صور انوب صعدوني لغرفتي وصعدو يمي علمود نتعارف المفروض ظل حط رجل على رجل وگعد عالقنفة
يحيى:اريد اعرف شي
قمر:شنو
يحيى:انتي ليش وافقتي علية؟
قمر:شون يعني
يحيى:يعني انتي تعرفين بية اشرب وافقتي مع ذلك
قمر:يي مو محبة بيك بس علمود اتخلص من ابن عمي
يحيى:امم مفهوم
وظلينا ساكتين وخلصت الحفلة وراحو وبدلت وانوب اخذت رقمه وحفظته لگيت مسوي فايبر حلوة صورته وعنده صفحة عالفيس اسمه يحيى النائلي صوره حلوة بس منشوراته كولها حزينة تفاجأت انوب طفيت الموبايل ونمت
،،،،،،،ستووووب خلص البارت 934كلمة تعبت نزلت بارتين تفاعلو حتى انزل بعد 😘
أنت تقرأ
مابعد اجبارهم احببته ((الجزء الاول))
ChickLitقد اكون حواء لكن لدي عقل افكر به واختار الذي يناسبني ولكن اجبرت على الزواج الخاطئ فكيف تكون نهايتي،،،مابعد اجبارهم احببته،،،بقلم سهى الشمري
