#سهى_الشمري
#مابعد_اجبارهم_احببته
بعد ماراحت ام مهند گمت رحت للمطبخ
ام قمر:ماما اظنج سمعتي كلام ام مهند زين شنو رئيج
قمر :خل ناكل والله كريم
ام قمر:ماماتي انصحج توافقين هم ترتاحين من ابن عمج ضرغام وهم تساعدين يحيى حتى يترك المشروب وانتي سمعتي ام مهند كالت كلش حلوة شخصيته ويشتغل بس هو يشرب فاانتي اعرفج بنيتي اذا خلت شي براسها تسوي وخليه براسج واكيد راح تنجحين
قمر:ماما جوعانة
ام قمر:براحتج فكري زين وكلميني
قمر:الله كريم
خابرت نور وظلينا نسولف نصحتني اوافق عسا ولعل
تتحسن وضعيته ومايگوم يشرب خلصت منها وسديته صاحتني ماما اكل
نزلت دااكل ودك موبايلي
قمر:افففف
لين:ها منو
قمر:صخام
لين:اهوووو شون بهذا اللزكة لاتردين احسن
قمر:اي احسن
تننننن تننننن
ام قمر:ردي ماما خاف شغلة مهمة
لين:ليش هو يجي منه شغلات مهمة
احمد:منووة 😕
لين:ماعليك حبيبي
قمر:اففف امري لله
قمر:الوو😒
ضرغام:هلو يحلو
قمر:اهلا ضرغام شونك 😒
ضرغام:انتي بخير؟؟
قمر:اي؟
ضرغام:معناتها اني بخير ماطولج بخير
قمر:اممم 😒
ضرغام:اليوم عازمكم عالعشا بمطعم،،، ،،،،،
قمر:شكرا بس
ضرغام:مااقبل بسبسة انطيني امج احجي وياها وج ياگلبي انتي صارلي كوومة ماشايفج مشتاقلج
قمر(بداخلها):يشتاقلك المرض اي والله
ضرغام:الوو
قمر:هسة انطيك ياها
قمر:هاج
ام قمر:شونك عمة
ضرغام:الحمدلله وانتي
ام قمر:الحمدلله
ضرغام:ان شاء الله دومج عمة اگول
ام قمر:گول
ضرغام:عمة عازمكم عالعشا انتي وقمورة وليونة وحمودي
ام قمر:والله يعمة
قمر ولين:لالالالالا يأشرنلها
ام قمر:اا مااكدر اجي عدي اختي مريضة واويد اروحلها
قمر ولين:يسسسس
ضرغام:اي عمة روحي لاتشيلين هم اني اخذهم وارجعهم
ام قمر بعدت الموبايل:يبنات يكول روحي واني اخذهم
قمر ولين ضربن على كصتهن
ضرغام:هاعمة
ام قمر:ماشي
قمر ولين:😲😲
ضرغام:شكرااا عمة شكرااا مع السلامة
ام قمر:الله يسلمك الله وياك
قمر ولين:لييييش
ام قمر:وجعيش جا شسويله ماشفتن شون طاح بعيني
قمر ولين:😒😒
وصار الليل بدلنا ودك موبايلي
قمر:الوو
ضرغام:من اروح فدوة لهل الصوت
قمر:😒
ضرغام:يلا حبيبي تعاي انتي واخوتج ابويه وامي منتظرينا بالمطعم
قمر:ماشي 😒
قمر:يلا يااقوام
لين:يلا
احمد:ياييي
لين:قمر بس اريد اعرف شبيه اخونا فرحان هيج
قمر:حقه مايعرف مياعة وبياخة ضرغام
لين:داامشي حبيب گلبج منتظرنا
قمر:انجبي
ضرغام نزل من السيارة وسلم علينا
ورحنا فتحلي الباب الي بالصدر
بس اني سديته وگعدت ليورة وخليت حمودي يصعد ليگدام
ضرغام:قمورة ليش گعدتي ليورة شنو سايقكم اني بشقة
قمر:اا تلعب نفسي من الگدام
ضرغام:ماشي 😔
ورحنا للمطعم لگيت عمي ومرته وبنتهم ضحى هناك
سلمنا وگعدنا وسئلو على امي انوب طلبنا الاكل وورة ماخلصنا گال ضرغام
ضرغام:قمر شنو رئيج نتمشة اني وياج ونخلي الاطفال يلعبون بالالعاب الي جوة
لين:اني مو طفلة فمااحب هاي الالعاب واريد ابقة گاعدة وية قمر
قمر:اي صح
ضرغام:لاموقصدي بس نتمشة وهيج گومي
قمر:مااريد
ابو ضرغام:عمو روحي تونسو ننتظركم هنا
انجبرت بعد مالحو علينا ورحت وياه ظلينا نتمشة اني وياه اثنينا ساكتين اخر شي
ضرغام:قمر
قمر:هممم
ضرغام:انتي تحبيبني؟؟
قمر:ليش هالسؤال
ضرغام:انتي تدرين بية من صغري واني احبج واريدج تكونين مرتي
قمر:بس
ضرغام:خليني اكمل
قمر:امم
ضرغام:اني اريد اتزوجج واتمنى تصيرين مرتي
قمر:ضرغام
ضرغام:اريدج مرتي قمر اني تعرفيني احبج اني
قمر:قررت اتزوج
ضرغام:قمر انتي
قمر:مثل ماسمعت اني راح اتزوج واحد
ضرغام لمعت الدمعة بعينه:ليييش لج اني تدرين بية
بصوت عالي
والوادم كولها گام تباوعلهم
قمر: فضحتني نصي صوتك منا عالم
ضرغام:انعل ابو العالم. طز بيهم انتي من زمان الي وتعرفين هالشي 😡
قمر:ماعد يفيد هالحجي اني راح اتزوج عما قريب ومااريدك تقترب مني ماشي ضرغام وانساني
ضرغام كمشتها من زنودها بقوة
قمر :انت شجاي تسوي لك هدني اخخخ گاعد توجعني
ضرغام:ليييييش هيج لييييش ولج قمرر
يحيى:اكو شي اختي محتاجة مساعدة
ضرغام:مالك دخلللل خطيبتي واني حر بيها
قمر:اسكتتتت عوفني ضرغام انت واحد مخبل
يحيى:خوية حتى لو خطيبتك اتركها مايصير
ضرغام:لللك حل عني وضربه بوكس
يحيى جنت طالع اريد اجيب كم شغلة من السوبر ماركت قريبة عالبيت فما رحت بالسيارة ورحت مشي لگيت الوادم ملتمة على شي نزلت لگيت شاب لازم زنود بنية ومبين ماأذيها وهية تصيح عوفني ومايعوفها والوادم محد تدخل فردت اساعدهم ظل يزمخ بية الشاب واخر شي ضربني بوكس
يحيى:لك ليش تمد ايدك علية وضربته بوكس وخليته يوگع بالكاع
قمر:اخويه الله عليك عوفه عوفه
يحيى:معقول هذا خطيبج؟
قمر:ابن عمي
ضرغام اجة ضرب يحيى وردها يحيى اخر شي ظلو اثنينهم دمهم ينزف ويتعاركون بالگوة الوادم فگتهم عن بعض واخذوهم للمركز
قمر ظلو يتضاربون واخذرهم للمركز مال الشرطة ورحت وياهم وخابرت عمي گالو شلون وليش گتلهم تعالو واني اكلكم فهمة بالطريق والشاب الي دافع عني خابرو على اهله يجون وضرغام ويحيى حبسوهم بالسجن مؤقتا على ما يجون اهالهيم فاني ظليت گاعدة بحديقة المركز واجو بيت عمي
ابو ضرغام:قمرررر
قمر:عمو واجيتهم
ام ضرغام:يمةةة ابنيي راح ،،،،سجنوه رجععولي ابني
قمر:خالة گالو لازم اتدفعون كفالة
ابو ضرغام:شلون صار هيج وليش هو موجود هنا
قمر:هوو اة
قمر(بداخلي) شون اگله علمودي؟ وعلي امه تحطني وتدفني گدام الوادم
عم قمر:قمررر
قمر:اة وياك تعارك وية واحد وصار عصبي وضربه وذاك ردله الضربة وهكذا
وفجاة انشوف واحد اجانة ااا هذا مهند ابن خالة ام مهند وياهم ام مهند واجو باتجاهنا
ام مهند ومهند:قمرر؟؟؟
قمر:شتسون هنا
ام مهند:ابني گالو حابسيه هنا لان متعارك وية واحد ومتضاربين
الشرطي:حجية هذولة اهل الولد الي ضارب ابنج
اهل ضرغام وقمر:😟😕😲
مهند وامه:😲😲
وراحو دفعو الكفالة اجتني ام مهند
ام مهند:قمر
قمر:اي خالة
ام مهند:خالة هذا ابني يحيى الي حجيتلكم عنه الي اريدج تزوجيه
قمر:الي يشرب؟
ام مهند:يي
قمر:خالة اشكريلي منه على مساعدته واني اعتذر لان بسببي اتاذة وبقة بالسجن كم ساعة
ام مهند:عادي حبيبتي. ماصار شي بس جاوبيني شگلتي هسة
قمر:ماادري
ابو ضرغام:تعااي عمو يلا راح نروح
قمر:اي حاضر مع السلامة خالة
واني اريد اروح استداريت وانرگعت بهذا الولد الي ساعدني
قمر:اخخ
يحيى:اخخخخ
قمر:اني اسفة لان سببتلك مشكلة وانضربت وانسجنت من وواي
يحيى:لا مو نشكلة ماصار شي
قمر:شكراا لان ساعدتني
يحيى:العفو ولو بس ديري بالج منه مبين كلش
قمر:ان شاء الله
ام مهند (بداخلها) شوف شون متلائمين وحلوين وية بعض وهمة يحجون يارب خليها من نصيب ابني ويتزوجون واشوف جهالهم
قمر:مع السلامة وشكرا مرة ثانية
يحيى وامه:مع السلامة
وراحت
صعدت بالسيارة ولگيت خطية اخوتي نايمين بالسيارة مبينين تعبانين ضرغام گعد بالورة وعمي يسوق ومرت عمي بالصدر وگعد يمي ضرغام وعمو ظلو يرزل بيه ليش ماتسيطر على عصبيتك وشلون وليش وبعد اذا مرة ثانية تكررت هالسالفة وهذا الحجي يعني وضرغام گالب وجهه علية ودايره عالشباك واني گاعدة بنص بالورة وصافنة افكر بهذا الي اسمه يحيى ماركزت بشكله بس من ردت اطلع انتبهتله شعره جوزي على شگار والعيون خضر يخبل بس حرامات يشرب وشون دافع عني ماانتبهت على نفسي الة من عمي كلمني وگالي وصلنا ونزلت كمش بايدي ضرغام
وهمس
ضرغام:مو عبالج سكتت ونسبت سالفتج لاحياتي ماحزرتي راح اظل وراج لحد مااتصيرين الي واضح
قمر:لازم بعدك ماشبعت ضرب حل عني ياه
وعفته ودعته ونزلو اخوتي ودخلت للبيت سئلتني امي على كلشي وسولفتلها وشلون طلع هو نفسه ابن ام مهند وگالت احسنلي اوافق ماطول هسة دافع عنها معناتها عده نخوة وخوش ولد گتلها ماادري باجر اردلج خبر
في جاااانب اخر
يحيى من طلعت بالسجن انرگعت بهاي البنية الي دافعت عنها صعدت بالسيارة وظل يبرذع علية مهند مااهتميتله وظليت افكر بهاي البنية وشكد حلووة ومايستاهلها خطيبها رغم هو هم صاك وحلو بس عجبتني انوب گلت لالا يحيى هية مخطوبة انوب وصلنا ورحت بدلت ومددت. انوب اتذكرت متواعد وية جماعتي نطلع ونشرب مثل كل يومية وحارگين الموبايل بالاتصالات 47اتصال خرررب بيومها هاي الصاكة خلتني انسة هذولة الساقطين 😂😂 انوب عفت الموبايل ونمت
ستووووووب خلص البارت گولو قصير هذا كتعويض لان اتخرت بالتنزيل وعالاغلب لو بعد شوي لو باجر انزل بارت اخر 1155كلمة
أنت تقرأ
مابعد اجبارهم احببته ((الجزء الاول))
ChickLitقد اكون حواء لكن لدي عقل افكر به واختار الذي يناسبني ولكن اجبرت على الزواج الخاطئ فكيف تكون نهايتي،،،مابعد اجبارهم احببته،،،بقلم سهى الشمري
