مابعد اجبارهم احببته ((الجزء الاول))

البارت 16

#سهى_الشمري
#مابعد_اجبارهم_احببته

اجة حضني اني ماحضنته لان مصدومة...كتله يحيى
كال...اتزوجت ......يح...كال لج تزوجت وعافتني ..صارلها فترة اتريد اترجعني وهسة اتزوجت....وظل يبجي عليها....اني انمرد كلبي وصراحة حسيت بالغيرة ...لان لحد الان ماناسيها...

حضنته وهو ظل حاضني مثل طفل مضيع امه...كتله يحيى الي مايريدك لاتريده .... كال احبها مو بيدي ...

كتلها ...النسيان اصعب بس حاول تنساها ....

بعدت عنه ...
رجع حضني كال ...قمر لاتعوفيني محتاجج ...نسيني سهر لاتخليني اشتاقلها...

اني نزلت دموعي لان محتاجني حتى ينسى سهر مو محبة بية....كتله مااعوفك لاتخاف ...راح اكون بجنبك دووم ...

كتله ...راح اسويلك اكل انتظرني...كال لا مااريد بس تكونين يمي ...

كتله ...ماشي  راح اظل يمك  يلا بدل بسرعة وتعال...
كال...يي.
وراح يبدل ..كمل واجة ضايج كعد بالكاع واتجة على ظهر الجرباية ...كعدت يمه

كال.....تدرين شنو اكثر شي يقهر بالموضوع
..شنو
كال..انو اليوم هو ذكرى خطوبتنا...
دنكت اني...

قمر...كتله يحيى خلينا نصير اصدقاء
ابتسم ابتسامة خفيفة ...

يحيى...بس الاصدقاء مايضربون بعض واني اضربج..
قمر...بيدك تمنع نفسك...

كال...مااكدر اعوف المشروب ..
كتله ...راح احاول ماارد عليك من تشرب...

كال..احسن..
قمر...بالمناسبة عندي سؤال..

كال..وهو؟
كتله...انت شيدلعوك يعني يحيو حيو لو شنو

ضحك ...وكال مااعرف محد مدلعني كولها تصيحلي يحيى...

كتله حياوي شتكول..

ضحك ...كال وانتي قمورة يدلعوج؟؟
قمر...اني اكره اسمي لان اختي لين تصيحلي مقمورة وصديقتي نور تصيحلي قمارة ....شون اسامي
ضحك ضحكة طويلة....

كتله...على فكرة شكلك كلش حلو وانت تضحك فااحسنلك ظل دوم اضحك..ابتسم

ونام....
..........................مر 5اشهر....................................
ويحيى بلش يقلل المشروب وكل يوم بليل نظل نسولف ونحجي وبلشنا نتقرب لبعض بس كااصدقاء...بس يمكن اني بلشت احبه ماادري اضوج من...هوة ماموجود واشتاقله اذا غاب....

واغار عليه

..ههههههه سبحان الله جنت اكول الة اخليك تحبني بس هو يلي نجح وخلاني احبه.....

وبلشت الكلية وبلشت بالمرحلة الرابعة وبس هاي السنة واخلص كلية ...

طبعا خلال هاي الخمس اشهر ضرغام كل يوم يخابرني ويبجي ...بس ماكلت ليحيى...

سهر... مرات اكلب موبايله الكيها تدزله رسائل اثاري زوجها عاجز ..وماتريده ولاتحبه وتتوسل بيحيى يرجعلها ....بس هو مايجاوب ...