#سهى_الشمري
#مابعد_اجبارهم_احببته
رجعت للبيت گالبة وجهي شنو هاي بلش اسلوبه الزفر اجتني لين
-ها شونه المشوار
-نعل
-هه ليش
-عينك عينك اشترى مشروب واني وياه فوكاها حتى مااحترم وجودي
-عادي اتحملي غير بعده هستوه عرفج
-مم وياج حق
-يلا رايحة اني لصديقتي اقرة وياها باي
-باي
راحت لين وظليت افكر بالي حجته كلامه صح خابرت نور هم نفس الكلام وكالتلي اصبري بعده مايعرفج اقتنعت كلت ميخالف ونمت لليل دك موبايلي ام مهند
-الو
-شونج خالة قمورة
-الحمدلله وانتي خالة
-الحمدلله قمورة خابرتج ردت اسئلج شونه مشواركم
-والله خالة كلش عادي ولقاء بارررد بالكاعد سلمنا على بعض بالاضافة تقريبا تعاركنا من وصلني😒
-يا صدك ؟ليش؟
-خالة اني وياه وهو عينك عينك مااحترم وجودي واشتراله بطاله مال...
-موتني يخالة موتني بسوالفه ومشاريبه مو حتى عمري خلص من وراه
-سلامتج خالة ان شاء الله عمرج
-حبيبتي
-وهو ماحجة شي
-لاوالله سئلته كال عوفوني
-اممم
-خالة شنو رئيج نسوي عرسكم بعد اسبوعين
-بس خالة
-اني اريدج تكونين يمي ياقرب وقت ويم يحيى
-مااعرف استشيروه لان هو اصلا ميخابرني
-ماشي يلا حبيبتي اخذي راحتج مع السلامة
-الله وياج خالة
وسديته ونمت صار الصبح بدلت ورحت للكلية
واني بالمحاضرة
نور:ها بشري
-شبشر نفس المعلومات الي عندج ماصار شي
-خابرتج امه اخته اخوه شي
-اي امه البارحة وتريد نتزوج خلال اسبوعين
-وهو
-ماادري ماحاجيته لسة
-اهاا
-تدرين لفت انتباهي شي
-شنو
-لكيت صفحته عالفيس منشوراته كله عالقبور وعالموت وعالوحدة والكره وهيج شغلات
-ياا اكلج اظن بيه حالة نفسية
-اممم اني هم هههه
وفجاة
الدكتور:قمر ونور
قمر:عزززة
نور:خررب بالحظ لزمنا
-نعم دكتور
-عيدن الي كلته هسة
قمر ظليت احاول اباوع شمكتوب عاللوحة بس خطه ولاينفهم
نور:الادب هوو اا نن نوو هاي واوو ورة النون؟؟
الطلاب:هههههههههههه
الدكتور:ماكو داعي تتهجين مو هذا الي جنت اكوله كتبته ببداية المحاضرة هذني مساع شجنت اكول
ها قمر
قمر:اسفة دكتور ماجنا منتبهات
نور:اسفات
الدكتور:هاي اخر مرة مرة الجاية اطردجن واضح؟
-نعم دكتور
-اكعدن
وكعدنا وخلصت المحاضرة
قمر:شكد اكره هذا الدكتور حاسبينه علينا بشر هو رجله بالكبر وفوكاها لاعب بينا طوبة يابة اسعة لاخرتك دبر الك
نور:هي بس رجله؟دكولي جسمه كله يطوطح بالكبر برررة منه ومن محاضرته
قمر:شوكت تخلص الكلية مو ملينا
نور:اي وربي
ضرغام:قمر
قمر:اهووو اتت المصائب خيرك شتسوي هنا
ضرغام:من رخصتج اختي اريد احجي وية قمر
نور:ماشي قمر من تخلصين تعاليلي رايحة للكافتريا
قمر:لاابقي
نور:بااي 😐😐
وراحت
-شعندك كل ساع فارش بكليتي ها
-سمعت البارحة طالعة وية هذا مدري شسمه يحيي يمكن
-وشمدريك
-يعني طالعة
-اطلع مااطلع شي يخصني وعلمود اريحك اي عيني رايحة
-انتي ناوية تجيبين اخررتي هااا ((بصياح))
-فضحتني الله يفضحك شعليك انت غير خطيبي يااخي خل تصير عندك كرامة
-ماكو كرامة بالحب
-لاتخليني اشتم حتي ال... اسكت بس اسكت وروح منا يلا
وعفته ومشيت شون لزكةة اوووف شوكت ارتاح منه متتت
رجعت للبيت كلت لماما اجاني ضرغام وكعدت تافاف شعنده جاي وماعنده كرامة وكالت راح تحاجي عمي
عاساس هو يقتنع بعمي تهي بهي افففف
ولفيت راسي ونمت
ستوووووب خلص البارت ان شاء الله باجر انزل بارتات وببارتات باجر راح يتزوجون او شراح يسوي ضرغام تابعوووها
أنت تقرأ
مابعد اجبارهم احببته ((الجزء الاول))
ChickLitقد اكون حواء لكن لدي عقل افكر به واختار الذي يناسبني ولكن اجبرت على الزواج الخاطئ فكيف تكون نهايتي،،،مابعد اجبارهم احببته،،،بقلم سهى الشمري
