الله أكبر ... الحمد الله ... سبحان الله 😍😍
اجراس قبل ماتنوم اتذكرت لمن هي وفارس كان قاعدين مع بعض ونادو للبعض في نفس الوقت واتذكرت انو هي اتكلمت لكن فارس مااتكلم اجراس بينها وبين نفسها (يااارب كان عايز يقول شنو )
بعداك نامت صحت صلت الفجر وتاني نامت صحت زي الساعة ١٠ صباحا لقيت البيت قايم وقاعد واعمامها جو وخالاتها ( عندها عم واحد ٣ خالات ... ماتنشغلو بيهم كتير لانو ماعندهم دور )
سلمت عليهم ... روان جاءت بعد صلاة الظهر وكانت قاعدة تشتغل معاهم تقول مااخت العريس 😍
اسيل وروان واجراس مشو نامو صحو زي الساعة ٥ عصر
روان : اجراااااس دا كلو نوم 😠
اسيل : ي زفت الليلة مايوم خطوبتك ولاقاعد يتهيا لي 😡
اجراس : حرااام عليكم انوم شوية بس بليييز
اسيل وروان والله ماتقومي نتصرف معاك تصرف مايعجبك
اجراس 😠😠 قمت خلاص
اجراس مشت اتوضت وصلت العصر وتماضر جابت ليهم الغداء اتغدو وطلعو فستانيهم المغرب اذن صلو المغرب تماضر وادريس طلعو الصالة اشان يستقبلو الضيوف وروميو وصل ناس اجراس الكوافير ومش الصالة عملو لاجراس كم قناع وحمام مغربي واجراس حلفت انو ماتبداء المكيب اب الابعد تصلي العشاء صلت العشاء وانتهو من اي حاجة
( اسيل وروان كان لابسين فستانين بالبيجي واجراس كان لابسة فستان اسود وجزمة كعب عال بالكبدي والدهب ومحجبة باللون الدهبي الفاتح )
روان اتصلت علي فارس ورميو اشان يجيهم اول مانزلو روميو مش باس اجراس في راسها وحضنها :مبروووك ي عسلي
روميو : ماعرفتكم ي مزز
اسيل وروان : شكرا شكرا
روميو : لكن اجراس احل منكم .. اتحصني ي بيبي
😍😍
بعدو طلعو اسيل وروان طوالي ركبو في العربية مع روميو اجراس اضطرت تركب مع فارس فتح ليها باب العربية الامامي ركبت وطول الطريق ساكتين ( زهجنا منكم والله زول يتكلم ياخ 😏😂😂)
وروميو واسيل وروان عاملين ازعاج مرة بوري وتاني اغاني حاجة كدا مبالغة
وصلو الصالة اول دخلو اسيل وروان وبعدو فارس وبعدو روميو واجراس دخلو رةميو سلم اجراس ل فارس وبعداك لبسو بعض الدبل (عاد نحن لينا الله وقعاد المظلة 😅)
انتهي اليوم علي كدا رجعوا البيت اجراس جري علي السرير نامو صحو تاني يوم الساعة ١٢ ظ اصلا اليوم كان جمعة فطرو ادريس وروميو طلعوا صلاة الجمعة واجراس واسيل وامهم قعدو يتونسو ....
مرت ١٥ يوم من الخطوبة وفارس ماحصل اتصل علي اجراس ولو بالغلط واجراس اصلا مااشتغلت بيهو وبعض مراات بتقول يمكن مشغول وولا حاجة
😥 لحدي مايوم المساء ابوها نادها هي وتماضر واسيل ورميو في غرفة المكتب ...( يااارب في شنو 😁)
ادريس : عارف كلكم متوترين
روميو :صراحة ي بابا عملت لينا اكشن
ادريس :عارف انتظرو شوية خلو عبدالله يجي
اجراس من ماقال عبدالله عرفت الموضوع يخصها هي وفارس ... بعد دقائق عبدالله جاء سلم عليهم
مسك اجراس من يدها
عبدالله: اجراس ي بتي
اجراس 😃 نعم ي عمو
عبدالله : اجراس والله فارس ولدي دا جاهو شغل فجاءة ولازم يسافر دبي خلال ١٠ يوم وانا قلت ليهو احسن ليهو يعقد وتسافري معاهو انتي رايك شنو
اجراس 😳😳
ادريس : والله انا مع كلام عبدالله تعقدو وبعد تجو تعملو العرس
تماضر : كيف الكلام دا ي ادريس وعبدالله نحن ماحنقدر نخلص حاجة
عبدالله :مافي داعي لي اي حاجة ح نعمل بارت صغير وبعد يرجعو نعمل ليهم عرس كامل مكمل
ادريس : كلامك صح ي عبدالله
روميو : لحظةي عمو عبدالله وابوي انتو ماعرفتو راي اجراس شنو
كلهم قعدو يعاينو ل اجراس
اجراس : انا ماعندي مانع ال بتشوفوا موافقة عليهو
عبدالله : خلاص علي خير الله العقد يوم الجمعة والليلة الاحد بتلاحقو تعملو اي حاجة
اجراس بقت مافارق معاها اي شئ لانو عرفت انوالعرس دا ماحيمشي ل قدام وقررت تعيش اللحظة
كسرة ( ي غوالي في الاجزاء الفائتة انا كنت بقول اجراس قالت لكن حس تاني مابقول كدا يعني ح اعتبر انو الكلام حاصل معاي .... عارفة كلامي يمكني يلخبط شوية ... ماتنشغلو بيهو بتفهمو براكم انا قاصدة شنو )
اول قرار عملتو مشيت اتصلت علي علياء كلمتها الحصل كلو
علياء :اجراس ماتستهبل لي انتي من الاول كنتي عارفة انو ممكن يحصل كدا
لكن ي علياء انا ماتخيلت بالسرعة دي
علياء : ي زولة كلو ل خير صح دا كلامك
خلينا من دا انتي ح تجي تحضري عرسي ولا
علياء :ماعارفة ي جي جي بشوف
امي بدات تجهز وقالت لي انتي من بعد بكرة ح تنحبسي قلت ليها مامشكلة
مشيت ادوشت وطوالي نومت صحيت الصباح بعد صلاة الفجر بشوية صليت ودعيت انو الموضوع دا لو فيهو خير يتم لي وطبعا كلنا عارفين بعد صلاة الفجر قبل شروق الشمس في نسمة هواء باردة وترد الروح 😍 لبست لي توب نزلت تحت صبحت علي ناس امي وابوي قلت ليهم انا طالعة بر اشم لي هواء واجي قالو لي مامشكلة كنت ماشة قريب الساعة بعداك الشمس بدات تشرق والناس شوية شوية بداو حركتهم اشتريت قزازة موية شربتها رجعت مشيت البيت تخيلو لقيت منو 😳😳😳😳
....
ماتنسوا التعليقات والتصويت 🌹🌹🌹🌹🌹🌹🌹🌹🌹
