اللهم اعف عنا وتوفنا وانت راضي عننا ... اللهم وفقنا لما يرضيك ..😍
.
الطائرة لمن تقلع انا بخاااف شديد 😷 قمت مسكت يدو وغمضت عيونو وبس بقيت اتشهد يقول قاعدة احتضر 😅😅 مر زي ١٠ دقائق حسيت خلاص الخوف راح بعد شوية المضيفة جاءت طبعا كان واضح انو عرسان من الحنة وكدا قالت لينا مدام ومستر مبروك الزواج قلت ليها يبارك فيك اما اخونا فاكتف ب شكرا برود غير طبيعي ( عاد برود الاحساس ال عند اغلب الجنس الاخر دا بحرق لي دمي عديل 😠😠) ركبت سماعاتي ونومت ولا اشتغلت بيهو نهائي 😎 وصلنا دبي استقبلنا واحد صحبو يسلموو علي بعض تلات ساعات (دا شنو فقد الحنان دا 😂😂) سلم علي وبارك مشينا شقة كدا حلو ة بتعطيك احساس راحة نفسية والله 😍دخلنا صحبو ونزل الشنط معاهو ودعنا عايزة امشى علي غرفة قال اجراس والله مافضل لي الا ازغرد انو الصنم دا فتح خشمو واكلم 😂😂 قولت نعم قال لي ممكن تقعدي معاي ٥ دقائق عايز اكلمك في موضوع قولت ليهو جدا
باك فلاش *
منال : والله اجراس دي عسل بس
عبدالله : اي والله رايك شنو نعرس ل فارس
فارس 😳 انا
اي يعني في منو غيرك
والله ي ابوي انا مابقدر
ل شنو مابتقدر وريني😠 عيب واحد في البت دي ... ودي هي ال حتسعدك
والله انا مابقدر ي ابوي وبس
والله لو ماعرستها لا انت ولدي ولا بعرفك وماعافي عنك ل يوم الدين
ابوي 😳
بعد كم يوم فارس قرر يوافق ب كلام ابوها
قال لي الكلام دا وانا ساكتة بس قال لي يعني انا اتزوجتك بناء علي طلب ابوي 😏😏 وانتي زيك زي الكرسي دا مافارقة معاي
طبعا قال لي الكلام دا ونزل فيني زي الصاعقة 😳😳😳😢😢
دموعي قربت تنزل مني مسكتها وباااخر قوة لي قولت ليهو يااااخ حراااام عليك انت مابتخاف الله ياااخ اعتبرني روان ح ترضي ليها الكلام دا ياااخ انت مابتخاف اللله 😢 اشان كدا ولامرة فكرت انك تتصل علي ليه مااتكلمت بالحصل دا كنت عملت اي حاجة بس العرس مايتم حسبي الله ونعم الوكيل فيك فارس بس بقي عامل 😳😳😳
شلت شنطتي معاي ودخلت غرفة كدا وقفلتها علي وبكيت 😭😭😭😭😭 ليه ياااربي انا عملت شنو بس بعدو مشيت ادوشت ولبست لي بجامة قصيرة كدا خجلت من نفسي لبست لي توب اتوضيت وصليت ورجعت رجعت ابكي لحد نومت في سجادتي 😥 صحيت بعداذان الفجر بشوية صليت وقعدت دخلت جميع السوشيال ميديا دخلت الواتس لقيت رسائل كتيرة طنشتهم لقيت رسالة من علياء 😍
(جروستي كيف عاملة انا قلقانة عليك الولد داك ما يكون مجنون )
قولت ليها علياااء انا تعباااانة شديد طوالي دخلت ل اتصال
قبل ماتقول ولاكلمة بس بقيت ببكي بعد هديت شوية قالت لي اجراس ماح اسالك مالك لاني عارفة في بلوة حصلت من الزفت داك واحكي لي سرعة حكيت ليها الحصل كلو 😢 قالت لي امسحي دموعك سرعة وماتشتغلي بيهو نهائي لانو مايستاهلك ي عويرة وامشي اخفي اخر ظهور من الواتس ونومي وبكرة بتصل عليك طبعا مااكلت من اول امبارح وحلفت كان اطلع من الغرفة دي
بعد شوية الجوع قرصني وسمعت صوت الباب فتح قولت معناهو طلع مشيت ل المطبخ لقيت في بيض وزيتون طلعتهم اكلت وشربت العصير لقيتو ليك في وشى عاملت روحي ماشايفهو... ومرت زي تلات يوم بالحال دي انا بس بطلع اكل واجي لحد اليوم الرابع انا قاعدة اتغداء قال لي اجرااس ولا رديت عادها ثالث ورابع ولا اشتغلت بيهو 😁 قام مسك يدي وجهو بقي مقابل وجهي وعينو دي زي الشرار 😠 قال لي انا صح قاعد اتكلم معاك وبرضو مارديت
طلع وهو غضبان شديد
مشيت غرفتي قعدت ابكي ياربي دي شنو العيشة ال انا عايشاها دي 😢استعوذت من الشيطان ونومت صحيت بعد صلاة المغرب صليت وعملت نسكافي ل روحي ... وقعدت افكر في واقعي وكيف ح اعيش معاهو ... وتفكيري يمشي ويجي بس 😥😥
بشكركم علي المتابعة ...😍😍
🌹🌹🌹🌹لكم كل الحب والتقدير
