اللهم صلي وسلم علي سيدنا محمد .... استغفر الله .... الله اكبر 😍😍
طلعت من العملية الناس دي كلها اتلمت في راسي😵 المريضة كيف ... امي كيف ... حبوبة كيف ... ويسالو كلهم في وقت واحد قلت ليهم وبصوت عالي بسسسسس اسكتوا 😡 كلمة زيادة واطردكم بري من المشفي دي واحد عايز يكلم معاي قولت ليهو ولا كلمة زيادة اولا المريضة كويسة واتعدت مرحلة الخطر ثانيا بعد ٢٤ ساعة بتقدروا تدخلو ليها الغرفة .... بعداك كان في لحظة صمت عجيب فجاءة في مرة زغردت ووحدة ... المهم دخلو في حالة من الفرح كدا 😂😂 خليتهم وعايزة امشي الغرفة اقلع لبس العمليات فجاءة اسمع ليك صوت رصاص🔫 طبعا اتفاجت اتلفت اعاين ليك وواحد من الناس ال كان واقفين ياهو ال ضرب الرصاص اخلاقي ووصلت حدها 😤😡 قولت ليهو لو سمحت ي .. قال لي اسمي محمد قولت ليهو ما من دواعي سروري اعرف اسمك منو بس سبق وقلت ليك انو دي مشفي يعني في ناس مرضيين ويمكن اكتر من مريضتكم دي ومامعني كدا لمن ... في شرطي قال لي انتي عارفة روحك قاعدة تتكلم مع منو ... قولت ليهو مهم مايكون ما من حقوقو يضرب رصاص في مشفي الولد ال اعطيتو هرشة قال لي انا اسف ي انسة بس انا فرحت شديد لمن الوالدة قامت من العملية 😄 ... معاك ملازم اول في مرتبة الشرف محمد عبدالرحمن .... قولت ليهو اتشرفنا .... طبعا لمن بقيت برجف من الخوف اني كيف اتكلمت معاهو كدا 😣 .... ماشة كدا حسيت بدوخة ريان جاءت سندتني مشيت مكتبي قعدت شوية ريان قال لي امشي افحصي قلت ليها لا لا لي كم يوم بتجني دوخة وبتمشي قال لي الا نمشي نفحص قولت ليها طيب اقلع اللبس دا واجي معاك في المختبر .....
مشيت البيت نفس الروتين اليومي كلنا حالنا بالبلاء
انا كنت خاتة حالتي بتاعت الواتس ( يقولون لي انك تعيشين بحرية لكن في مكان انت لست فيها فاني اعيش في سجن واوكسجيني معدوم ) مشيت صليت وقعدت ادعي واصلي من اول يوم ل ناس فارس في السجن انا ماسكة في سورة النصر لانها بتنصر المظلوم 😔😕 نمت في سجادتي صحيت الصباح عايزة اطلع روان قالت لي انا ماشة معاك المشفي قلت ليها انتي مريضة قالت لي لا لكن زهجت من المذاكرة شوية قولت ليها طيب يلا
طلعنا مشينا المشفي وقعدت اعرفها علي زميلاتي وكدا 😄 دخلت مكتبي كان عندي مقابلة مع كم مريض بس انا وروان قاعدين في المكتب الباب خبط
قولت اتفضل
محمد : دكتور اجراس ممكن ادخل
اجراس : اتفضل ي ملازم محمد
محمد : صباح الخير
اجراس وروان : صباح النور
اجراس : ملازم محمد اعرفك علي اختي روان
روان : اتشرفنا ملازم محمد
محمد : صبايا بليييز ممكن نشيل الرسميات دي
اجراس وروان : اوكي
روان : انا برضو حماتها
محمد : حماتها 😳 انتي متزوجة ي اجراس
اجراس : ايوووووا
محمد : معناهو الحالة ل زوجك
اجراس : حالة شنو
محمد : بتاعت الواتس
اجراس : اي ليهو 😔
محمد : انا امس شلت رقمك من المشفي بخصوص الوالدة لو تعبت وكدا واستغربت من حالتك ...هو مالو
اجراس : في السجن
محمد : ليه
اجراس : متهم في جريمة مخدرات ... وهو مظلوم والله 😔😔😭
محمد : ممكن تحكي لي القصة
روان : انا بحكيها ليك لانو اجراس بعد شوية ح تبكي
روان حكتو ليهو القصة من الالف الي الياء
محمد : دي قضية فارس عبدالله ورامي ادريس
اجراس وروان : ايوووا 😔
محمد : اجراس فارس عندو اعداء
اجراس : ابدا والله
محمد : يمكن انتي مابتعرفي ... انا بتكلم مع اصحابو وبفهم منهم اكتر
اجراس: لا هو واصحابو بعد مشكلة كدا انفصلو
محمد : مشكلة شنو
اجراس حكت ل محمد مشكلتها بتاعت عمرو صاحب فارس ال حاول يعتد عليها 😔😔
ريان الممرضة ديك جاءت خبطت الباب اجراس قالت ليها اتفضلي
ريان : اجراس المدير عايزك حاليا
اجراس : طيب ماشة ليهو يلا بعد دا انا استئذان ي محمد وروان
مشيت ل المدير قال لي انو في عملية ل مريض ح تنعمل في لندن وانا لازم امشي معاهو لاني انا ياها ال كنت متابعة معاهو في السودان في الاول رفضت لكن هو اصر علي شديد وقال لازم اسافر .... طلعت منو مشيت البيت انا وروان وكلمت ناس ابوي ووافقو وسالت فارس برضوا وافق بعداك مشيت لندن وقعدت هناك اسبوعين وكنت متواصلة مع اسيل وروان طوالي بعد الاسبوعين انتهو رجعت السودان روان واسيل قالو لي تعالي ل المحكمة طوالي .... مشيت وانا بترعش .....
ياتري في شنو في المحكمة والقدر مخباي ل اجراس شنو توقعاتكم 😃
ماتنسوا التصويت والتعليقات .... بليييز ❤❤❤❤❤
