استغفر الله العظيم عدد خلقه ورضا نفسه ... الله اكبر .... اللهم صلي وسلم علي سيدنا محمد 😍😍😍
- كسرة
(ي غوالي قبل مااتم البارت دا للاسف ي جماعة قضية الاغتصاب بقت واقع بنعيشو ... مابقول دائما لكن بنسبة ٨٥ % الضحية هي الانثي بلييييز ي جماعة خلونا نخلي العادة دي لمن صحبتك اختك بنت خالتك بنت عمتك بنت اخوك تجيك وهي متعرضة او زول حاول يعمل معاها الجريمة دي ماتقفي ضدها لا بالعكس ادعمها لعلنا نقدر نصلح شوية بس ... وبرضو انتي ايتها الانثي احفظي نفسك واحترمها قبل ماتطلعي من بيتك شوفي طريقة لبسك هل دي درجة احترامك لنفسك ل ابوك ل اخوك ل زوجك لو ياها اطلعي وماتشتغلي ب زول
بليييييز ل الرجل قبل مايقوم بالعملية دي اعتبرها اختك لو قدرت تواصل معناها انتي واحد مريض نفسي ..... وسوري كترت معاكم في الحكي ونسينا البارت 😅😅)
عمرو مواصل بطريقة وحشية ... وانا بس بصرخ وبنادي فااارس بعد شوية فارس جاء وعينو زي الشرار 😡😡 مسك عمرو ادهو بوكس 👊👊وضربو ماخلي فيهو شئ ووعمرو دا بقي جنازة بس بعدو كرم اتصل للشرطة وسجنوهو وبقية اصحابو طلعو لانو انحرجو من موقفو اماعني فانا كنت منتهية بس ببكي 😢😢وبتنهد ومرة اضحك المهم دخلت في حالة هستيرية 😣 فااارس كل مايجي جمبي كنت بضربو في الاخيييير 👋 لطشني كف بعداك انتبهت علي روحي ووقفت مصدومة بس مااتكلمت قام حضنني ومسح ل في شعري قال بس حبيبي ماتبكي انا جمبك ماحصل ليك حاجة بس ماتبكي اهدي شوية بعداك شوية هديت وماكنت قادرة امشي شالني لحدي غرفتي ورقدني في السرير عمل لي عصير ليمون اشان كنت مهبطة شديد شربت جزء منو وتاني اتذكرت الحصل وبقيت ابكي 😢😢 قال لي حبيبي بس اهدي رقدني في حضنو 🙈🙈 وقرأ لي قران بعداك نومت صحيت بعد صلاة الصبح لقيتو نائم لسه وبالجد كنت حاسة بالامان معاهو صحيتو للصبح قال لي بقيتي كيف قلت ليهو احسن بكتيير قال لي الحمدالله يلا نقوم نصلي قمنا صلينا قال لي جروستي ال حصل امس دا كان صفحة وانتهت وماعايزك تهتمي بيها ... ☺😙
قولت ليهو ان شاء قال لي انا عازماك برة قولت ليهو حس دا قال لي ايوااا قال لي بس البس توب مابيكون في زول لبست توب وبالجد الجو كان خنفشااري 😍😍 ويرد الروح قعدنا جمب راجل بعمل الشاي طلبنا شاي ب بسكويت ... كان في بت عمرها زي ٧ سنة حلاتها عسولة خلاص 😍 فارس اشتري ليها شاي معانا وانا وهو وهي قعدنا في كراسي جمب بعض فجاءة جاء ولد صغير يعني عمرو زي ٨ او ٧ كدا
قال ليها :زوبتي ال اشتري ليك الشاي منو 😠
قالت ليهو عمو دا
فارس : اي انا اشتريت ليها
الولد :ب اي حق تشتري ليها انا كنت عازمها شاي
انا وفارس 😳😳
انت اخوها
الولد : لا انا صحبها الانتيم وخطيبها وزوجها المستقبلي ان شاء
انا وفارس : شنووووو 😳
الولد : مش ي زوبتي
زوبة :🙈🙈😂
البت عاملة انها خجلانة وبعلي عاد شفع اخر زمن
فارس : اهلكم عارفين انتو مع بعض
الولد: ايوااا انا مابعمل حاجة بدون اذن اهلها ... خلينا من دا انت ليه تشتري ليها شاي 😠
فارس : ي مان انا اشتريتو ليها ساكت بدون سبب واشتريت ل زوجتي كمان
الولد : يعني دي زوجتك
فارس : ايوووو
الولد : انا كدا اطمنت عليك ي زوبتي 😍
قولت ليهو ي شاطر انت اسمك منو
الولد : محمد
قولت ليهو حلاتك ي حمودي
زوبة دا صرت وشها 😒قالت لي انا بس اقول ليهو حمودي الناس الباقين قاعدين يقولو ليهو حمادة
قلت ليها طيب انا اسفة ي زوبة وحلاتك ي حمادة 😄
بقوا يضحكوا بعداك
حمادة : زوبتي يلا تشتري معاي شاي
يلا ي حمودي ومشوا من ب هنا وانا وفارس انفقعنا ضحك 😂😂😂
جابو الشاي فتح ليها كيس البسكويت وهي تتخجل ساكت والله لحد مشاعرنا اكرفست انا وفارس 😄😃
اجراس : ي حمادة وزوبة انتو ليه ماشربتو الشاي مع ناس بيتكم
حمادة : انا يوميا الصباح بجيب زوبتي وبنشرب الشاي هنا والمساء بنشرب مع ناس بيتنا
زوبة : اي بيتنا قريب من محل الشاي دا وبيوتنا في طابق واحد انا وحمودي شربو الشاي وبعداك مشوا
*مااجمل الطفولة تجد في ابسامتهم البراءة .... وفي تعاملاتهم البساطة ... لايحقدون ولايحسدون و ان اصابهم مكروه لايتذمرون😍😍😘*
فارس مسك لي يدي في الطريق قولت ليهو فارس عيب قال عيب شنو عليك الله شفع مافقسوا من البيض قاعدين يشربوا الشائ مع بعض😆😅 ..وانتي تقولي عيب بس اسكتي ي جروسة😍 بس مسكت خشمي عندي تاني مافتحتو 😂😋
مشينا البيت انا وفارس قعدنا نتونس شوية
فارس : جرسي😍
اجراس :عيونو
فارس :اصلا مافي شئ محيرني غير عيونك ... نحن بعد دا ح ننزل السودان
اجراس : بتين
فارس : الساعة ١ صباحا الليلة
قولت ليهو فارس بتبالغ لكن😳😳 بتين نجهز قال لي مافي اي حاجة نجهز بس شنطنا خلصي من شنطنا وانا عازماك برة باقي اليوم قولت ليهو اوكي
جهزت الشنط مشينا اتفسحنا لحدي موعد الطائرة جاء مشينا اتجهزنا
( كنت لابسة عباية اسود سادة وفي الاطراف مخملي باللون بيجي وشنطة بيجي ومحجبة باسود ) مشينا المطار وبعدو ركبنا الطائرة لمن الطائرة اقلعت عملت نفس الحركة مسكت يدو لكن المرة دي تختلف هو كمان مسك يدي 😍😍 وبعدو نمنا ....
ماتنسوا التعليقات والتصويت
❤❤❤❤❤❤
