استغفر الله العظيم .... سبحان الله وبحمده .... الله اكبر... اللهم صلي وسلم علي سيدنا محمد 😍😍
انا وفارس قاعدين نحضر فيلم (خالتي نوسة ) الساعة ٢ صباحا فجاءة تلفون فارس اتصل .... الو ... ايوة .... بتين .... وين .... انا جاء خلاص
وفارس دا ملامحو وشو لمن اتغيرت وعينو دي زي الشرار
قلت ليهو فارس في شنو والولد دا بس فاتح خشمو وماقادر يتحرك قولت ليهو فااااارس في شنو
فجاءة قام مش علي غرفتو غير لبستو مشيت سرعة لبست لي عباية وطرحة قولت ليهو انا ماشة معاك ولاحياة لمن تنادي طوالي طلع مشيت جري وراهو ركبنا العربية الولد دا سايق بطريقة لمن اعصابي تلفت وقولت الليلة ح اموت ح اموت نزلنا قدااام شقة كدا والناس ديل زي النمل 😳😳 ماعارفة دا شنو ولا نحن هنا زاتووو لشنو والناس دي تبكي وفي وحدة كدا حلاتها في اول العشرينات ودايخة ووحدة تانية كبيرة في السن شوية تبكي وتقول واااي ي حشاي خليتنا ل منو واااي الليلة يوم فراقك .😭😭😢😢... والناس دي اي زول حالتو اكعب من التاني فارس دا حضن المرة الكبيرة ديك وبكو مع بعض 😢😢 بعداك البت الصغيرة ديك اول ماشافت فااارس جات جااارية عليو وبرضو بكي معاها والشي ال حرقني انو ماسكة فيهو كانو اخوها حسيت اني عايزة الطشها كف😤 وفارس كمان الوضع عاجبو يقول ليها خلاص كفاية انتي كدا بتعذبيهو بس كفاية ... بعدااك فارس طلع انا مشيت قعدت جمب المرة الكبيرة وبكيت معاها لانو حالتها تحنن الكافر بعد شوية جابو الجنازة والناس ديل كلهم قامو و اصواتهم علت زاايدة وفارس دا منهار 😩 بعداك طلعو الجنازة والساعة ٥ صباحا كان جاءت الصبح اذن مشيت صليت ومشيت قعدت جمب المرة الكبيرة والمرة دي دمعتها مانشفت والصغيرة ديك بس تدوخ وتقوم جابو ليها درب ركبتو ليها وقعدت جمبها في غرفتها .... لحدي صلاة الظهر صليت وقعدت جمبها بعد شوية طلعت وانا طالعة لمحت فارس سلمت عليهو قال لي ريهام كيف قولتو ليهو كويسة بس منهارة شوية وبتبق كويسة
بيني وبين نفسي ( حبيبة القلب ماقادر تشوفها قاعدة تتوجع 😏😏) مشيت قعدت جمب المرة الكبيرة اذان العصر اذن صليت ومشيت ل ريهام لقيتها قاعدة تبكي قعدت جمبها في السرير ومسكت يدها قولت ليها كدا انتي بتعذبيهو قالت لي ما بقدر اسكت روحي. كانت. معاهو قولت ليها الكلام دا مابيفد بشى امشي صلي وادعي ليهو هو محتاجك والخالة محتاجة ليك كمان قالت والله ماعارفة اعمل شنو انا ...قولت ليها زي ماقلت ليك امشي صلي واجمعي قوتك وامشي اقعدي مع الخالة قالت لي شكرا قولت ليها دا الواجب 🤗 مشيت جمب الخالة المغرب اذن مشيت صليت فارس جاء قال لي انتي بعد دا امشي البيت قلت ليهولا انا كويس قام بصووت عالي 😡😡قال لي قلت ليك امشي قلت ليهو طيب طيب مشيت ودعت الخالة وريهام وطلعت مشيت معاهو ركبتا العربية وهو ساكت وصلنا الشقة قال لي ادخلي وما تفتحي الباب ل اي زول قولت ليهو طيب بس طلع من هنا جري علي السرير كنت تعبانة شديد لحدي وصلنا العشاء كان اذن مشيت اتوضيت وادوشت و صليت ... نومت لحدي صلاة الفجر صليت وتاني رجعت انوم صحيت ٥ بعد صلاة العصر صليت الظهر والعصر مشيت المطبخ عملت لي اكل وعصير انتيهت فتحت التلفزيون قعدت احضر لكن راسي يود ويجيب.... اكيد قاعد مع ريهام ومبسوط 😏😏 انا مالي ومالهم يتحرقوا مع بعض ... قفلت التلفزيون فتحت تلفوني
اتصلت ل علياء
اجراس : علويتي الحوووب 😍
علياء : قلبوشتي ..
اخبارك
اجراس : ياداب جيت من بيت البكى وفترانة
علياء : سجمي بكي منو 😳
اجراس : واحد صاحب فارس
علياء : طيب فارس وينو اعزيهو
اجراس : قاعد مع حبيبة القلب
علياء : ي بت انتي دايراة تجنني
اجراس : بت واحدة من ساعة مشينا البكاء وهي متلصقة في فارس زي اللصقة
علياء : اممممم
اجراس : وهو ما مصدق يهدي فيها وانا ولا اشتغل بي
علياء : اجراس دايراة اسالك سوال واحد انتي انغظتي لمن شفتهم مع بعض
اجراس :ايوووو انغظت شديد ... اجراس لمن حست بروحها وقعت قالت ليها يعني انا مازوجتك لازم انغاظ علي الاقل يراعي موقفي قدااام الناس بيكون كيف
علياء : طيب بمشيها ليك بمزااجي اوكي
اجراس : يلا مع السلامة ماشة انوم
اجراس لا كان دايراة تنوم ولاشئ بس عايزة تتهرب ياربي انا بالجد بغير عليهو 😕🤔لا لا ممكن علياء اصلا بتكبر المواضيع ساكت 🙂
ومرت ثلاثة ايام وهو ولاحس ولاخبر .... اجراس بالها بيكون مشغول عليهو لكن بتحارب روحها وبتقول انا مالي ومالو .....
ماتنسوا التعليقات والتصويت بلييييز
❤❤❤❤❤❤❤
