هلوو
نبدي بالقصة
الشخصيات تعرفوهه من البداية
اني فاطمة عمري24س عائلتي متكونة من 9افراد ام واب و3اولاد 3بنات واني الرابعة هاي طبعا قبل الزواج عائلتي جانت من النوع شبه مفككة يعني ابوي حياتة كولولهه برة البيت وامي شايلة كامل المسئولية ودائما المشاكل مستمرة اكثر شخص جنة وياه ومتقربيلة هية خالتي ويانة عايشة او احنة عايشين وياهه لان ابوين كاعد وي اهل مرتة يعني(كعيدي) وخالتي بعد ممزوجة فجانت حنينة كولش، ،، ابوي من النوع عصبي ميتفاهم فجان مكان ماامي تزعل ابوي هو الي يزعل يبقة اشهر برة البيت ومن يرجع اتصير الحياة انتقام علية ومابيدنة شي نشوف امي تنضرب وتنهان بس منكدر ندخل لان نصير فوكاهه وهم نتعذب اني مجنت جبيرة كولش بس هاذي اللحضات اتذكرهه لحد الان مطبوعة بذاكرتي من امي اتخلي اديهه ع وجهه وتحمي نفسة من الضرب ومن يخلص يطلع ويزعل من البيت فجان من يطلع نفرح لتكولون اشلون نفرح بطلعت ابونة من البيت بس احنة هيج
طبعا الاحداث هاذي قبل سقوط صدام
اخواني 2بالمدرسة واحد جان خامس والاخ الجبير سادس واصغر واحد جان عمرة اشهر
فجان الجبير شايل مسؤلية انو هو الاب لان جان ابو ميدري شلون نصرف لان طول عمرة برة
فجان خطية اخوي من يرجع من المدرسة كبل يلبس ملابس الشغل ويطلع عندة عربانة دفع بالسوق وجان حتئ سبح ميلحك يسبح من التعب وحتئ مستواه بالدراسة ضعيف، ،، نرجع السبب الي ابوي طبعة هيج طبعا مندار ع وحدة من ذني الكح،،،،
وهية سبب المشاكل،
كاتبة جديدة بس القصة واقعية
اذا اكو تفاعل انزل الباقي
