وكالعادة طلعو اخواني للشغل من الصبح، ،،
وجان هناك صدفة ابوي وعمي الجبير، ،، وشافوو اخواني بالسوق، ،، طبعا ابوي ميعرف اخواني يشتغلون لان ملتهي بغير شغلات، ،،
جنة كاعد نتغدة الظهر وندفرت الباب فجأ طفرنة كولنة من الغدة وراحت امي ع الباب ومانسمع الا العياط مالت والدي وعمي
وكمشو امي ضربوهه مثل الوحوش عباللك ولاتكول مرة بيدهم وامي لاحول ولاقوة
وسحبهه وفوتهه للغرفة ودخلونه وياههه
وبقة اخوي الي عمرة اشهر يفرفح برة ولاحن عليهه اتكول غريب ولا جن ابنه
وقفلوو الغرفة، ،،، وجاب ابو سلسلة بالبداية كام يضرب بيهم بالبداية صرخووو عوفنة وشوية شوية هلكو من الضرب ماتسمع بس الونين، ،، اخذهم وربطهم بشجرة عدنة بالحديقة اثنينهم، ،،،
وفجأااا بعد اصراخ وهوسة وبجي، ،،، جان يفوت المنقذ
وجان خالي راجع من بغداد، ،، جانت اجازته يشتغل بفرن صمون عمل كول شهر ينزل 3ايام
شاف اخواني بذيج الحالة ولكة حضرت الوالد كانووو وحش حارس باب الغرفة الي احنة بيهه خاف نطبع تقريبا بقينة للمغرب احنة بنفس الغرفة محبوسين وهوة بس يعيط ويغلط علئ امي
خالي كبل ركض ع اخواني فل الربط مالتهم، ،، وجان ابوي يتهجم علية. ، ويكلة انت باي حق تتدخل بولدي انت مالك دخل اني اعرف اربيهم
كله خالي وانت تعرف كلمة ذولة ولدي شنوو معناهه معناهه حنية ومدارة وتعرف شبيهم مابيهم مو تجي ع كد انو تفرغ غضبك بيهم وكلت ولدي ولك لو واحد من الشارع جان حن عليهم
وحط علية ضرب وطلعة من البيت ،، طلعنة من الغرفة وامي اتون من قوة الضرب ودعت علية كون الله ميرجعه بعد
وخلصت ذيج الليلة وبداخلي اتوقعت الجاي امر من هاذة اليوم والتمينة ع امي ونمنة يمهه ياربي شكد بيهه حنية من تشبكهه تحس انك باامان وللصبح ع نومة وحدة
بس ماخلصت المشاكل، ،، كعدنة الصبح ع صوت الباب ودكتة قوية اتكول الي دك الباب يريد يشلعة من مكانة الله يستر شنو ضامنة قهر بعد
راح خالي يفتح الباب وانصدم بالي لكاه برة
