طبعااا اول دخولنة للبيت جان طبيعي ماعدا النضرات الحقد الي يباوعولنة بيهه، ،، بقينة وي البنات كللهن عمي طببوهن للغرفة مالتجن ع ماانشوف صرفة الهن
طبعاا الجبيرة اسمها نسرين جانت عمرهه 18 بعمر اختي سمر، ،، جانت اشوية اتحسهه طيبة كبل اخذتنة للغرفة وكالت من وجاي هاذة صار بيتجن واني اختجن والله كاتبة عليجن لازم يصير والله يهدي ابوجن ويصحة ع زمانة
اتحسهه لنسرين فاهمة الوضع وعقلهه جبير كلتلهه اختي الجبيرة
سمر: والله ياخيتي احنة بنات ومكسورات جنح رمن اقرب الناس النة نحصل مهانة وذلنة واي شي راح يصير بينة ذنبة بركبت الي جابنة لهل الدنيا وخلانة بيهه مذلولات
نسرين: لا ياعيني لتكولين هيج احنة اهلج واهلجن كلجن بس امي طيبة بس هم عيشتهه وي عمج خلتهه هيج حاقدة وتعاشرنهه وتشوفن وبالنسبة لاختي بعد هي زغيرة بالعمر ومن ورة الحجي الي تسمعة اخذت نظرة حقد هيج واذا ع اخواني ياخذهم الفجر ويردهم الليل وانتن بس ويانة ماتختلطن بيهم وانتي الجبيرة خية وفهمي اخواتج ع هاذة الشي، ، يلة اني ارووح شوية ويصير العشة وانصب واصيحلجن
وصدك صار الليل واجتمعو ع العشة وصاحتلنة نسرين.،، لكينة الولد جايين من الكاع الجبير حسام والثاني قاسم
حسام عاكد حواجبة كانووو معجبة كعدتنة بيتهم بس الثاني مثل نسرين رحب بينة
قاسم: هلا بنات عمي نور البيت
نسرين اي والله نور البيت واحنة اخوتجن
مرت عمي: يلة اسكتو كافي حجي ابوكم جاي لحد يتنفس وانتن عيني خلصن عشة وعاونن البنات بالشغل ترة انتن مو مسعدات واحنة نخدمجن واحنة عرب ماعدنة بنية ماتشتغل حالجن حال بناتي
طول الكعدة البنت الزغيرة متحجي ويانة
بس قاسم ونسرين
ياربي يلة حتئ اذا محد حبنة المهم ذولة قاسم ونسرين راح يخلونة نرتاح للبيت واكو احد حاس بينة
خلص العشة الولد راحوو ورة ابوهم للمضيف وامهم طبت للمطبخ تروب الحليب لان جان عدهم حلال مرت علينة كالت لنسرين اخذي وياج وحدة منهن تغسل الواعين ومن تخلصن فرشن الفراشات والصبح علميهن ع باقي الشغل
نسرين: صار يمة
سمر: نسرين اني اعاونج والبنات الزغار ميشتغلن بس اني وسارة لان مامعلمات ع الشغل
صدووك احنة جنة بالمدارس ونادرن ماامي تكومنة للشغل مال البيت تكول اريدجن توصلن وتعتمدن ع نفسجن ومااتمدن ايدج لاحد حتلوو اخوجن
همزين الفترة الي اخذونة بيهه جانت عطلة والله جان راح علينة الدوام خطية نسرين مبطلة من المدرسة حدهه للسادس ابتدائي لان ماكو مدارس يمهم
صاحت علينة سمر: سارة كومي اهذي اخواتج للغرفة وبدلي لحوري من الصبح لسة مربطة ونيميهه خطية مانامت اليوم
وراحت نسرين وسمر جان ماعدهم ماي اسالة لو حنفية لازم يشيلن المواعين ع روسهن للشط قريب عليهن ويغسلن ويرجعن
رحنة للغرفة بدلنة ملابسنة وغسلتنة سارة وانطتنة نسرين ميز ازغير كالت خلن ملابسجن بية صفطنة الملابس نيمت سارة حوري بحضنهه بجت بالبداية كالت اريد ماما بس خطية من التعب والخوف ذبت روحهه كالت سارة لعد اشلون انام ماكو فراشات فطومة جيبي هاي البطانية خلي اغطي حوري ع ماتجي نسرين
اجت نسرين وسمر يضحكن كاانو اتعودن ع بعض نسرين: هااا نامت الحلوة ولجن شنو هاي البنت كمر نايم خاف تكلب عدنة وتسومر هههه لان كلة شمس مو مثلجن متعودات ع البيت المقبط
سارة: رحمة الله شبيه كافي انتي بيه
نسرين: تسلمين ياروحي يلة خل اجيب فراشات اتنامن. احنة بس بالشتة انام بالغرف وبالصيف انام برة بساحة البيت
سمر: اخوتج وين ينامون
نسرين لتخافين ينامون بالمضيف وامي وابوي بغرفتهم وياهم اختي واني انام يمجن يلة خلي نفرش لان مبين تعبانات تره من هسة باجر ورانة كراب ههههه
سمر: ماشي بس وج مو تذبين الشغل كلة علينة ومن هسة الزغار مايشتغلن بس اني وسارة
نسرين ; وسفة عليج تنعاون سوة يروحي والزغار حالهن من حال اختي يلة ولج راح تضلن كاعدات للصبح
فرشنة حوري نامت بحضن سارة واني نمت بحضن سمر لان ماما معودتنة انام سوة ونامت يمنة نسرين
اباوع لسمر ماتكدر اتنام مستغربة من الوضع لو مامتعودة ع البيت مدري خايفة
صار هدوء ماتسمع بعد بس صوت الجلاب بذيج المنطقة طفت نسرين عدهه لالة ع النفط لان ماعدهم كهرباء
بقيت افكر بامي واول مرة نبات برة عنهه وشحالهه هسة من دونة اووووف يمة
وابوي من ذبانة عند بيت عمي بعد مااجه وسأل علينة
ونمنة الليلة ذيج بيت عمي، ،،، والله يستر من الجاي زين لو هم قهر الله كريم للصبح
