جنت دائماا متميزة بالصف
يمكن هية الضروف تصنع المعجزات
،،،
عشنة هاذي حياتنة ومرت الايام وكالو
حتصير الحرب الامريكان ع العراق فجندوا كول
طلاب السادس جيش الفدائين وراح اخوي الجبير من ضمنهم، ،، وهاذة الي خلي امي مثل المخبلة
عليه واثناء هاذي الحداث صار الحصار وصارت الناس ادور ع اللكمة ومتلكاهه
ومن ضمنهم احنة والي طلعو برة بيتوهم وراحو لغير محافضات
بس احنة الوحدين وكم بيت بيت بقوا بالمنطقة
باايام الحصار خالي مبقة شي مباعة بلبيت حتئ الطباخ اذا والله امي تصبخ ع النار
والخبز ع نار
وايام الحصار زادت وابوي انقطعت اخبارة فد مرة
واهل ابوي مسألو علينة والله اذكر ليلة من الليالي نمنة واحنة ننتضر عشة بس طلعت امي تصبر بينة ع مود انام
اذا حالنه قبل لتموت بيبي جنة ملوك
بس يمكن الله اله صالح بيهه
جانت خالتي تكول احنة احسن من غيرنة
وخالتي رفضت تتزوج وبقت هية وماما بالبيت لان خالي عدت علية اسابيع مايرجع للبيت
راح اشتغل بغداد
وبقة بالة ع اخوي الي راح للجيش
والله مرة سمعت ماما كالت ربي مل مني ع كد مادعيته هههه
وصارت الحرب وماادراك مالحرب الناس شافت الضيم ومن كالو سقطت بغداد شبعنة بجي جان بوكتهه خالي قبل يوم رايح لبغداد للصبح مانمنة
وندعي يرجع ،،ابوي محد اهتم لروحتة مثل خالي
وقطعو الكهرباء بوكتهه وكامت المصايب تلتم
بس الشي الصار
الصبح الساعة ب 6 تقريبا اندكت الباب وبس نسوان بالبيت وراح اخوي محمد يفتح الباب صاح منو كالة اني ابو قيس. هاذة جان اكبر حزبي بمنطقتنة ) كال
افتحو الباب وانصدمنة جايب اخوي علاوي وجاي وياه
كالهه علوية هاذة شلون مخليتة يروح
للجيش كالتلة هو بيدي حجي غير
همة سجلوهه بالمدرسة
المهم طلع لاكيه اثناء اللتحاق مالتهم وكيللهم ماعدهم غيرة
معيل وكادر يجيبة
طبعا الرجال جان بوكتهه كلش ضالم بس شلون
حن كلبي ع علاوي ماادري يمكن الله جبر بخاطر امي
بس بقة همنة الجبير خالي لان البيت بلايه
يخرب. وجان ماكو لا نت ولا اتصال حتة نعرف اخبارة
بس التلفون الارضي وهم انقطع وكت الحرب
وهمة بس انطو سقوط بغداد منا صار
التفرهد منا لابقت مستشفئ لا دائر حكومية
كولهه راحت المخازن مالت الحنطة
ايام والله مئسات
ودخلو الامريكان النة ع اساس محررين
وبدت محافضات العراق وحدة ورة وحدة بالسقوط
وانباع الوطن
وانفتح الحصار طبعا الناس من جوعهه
هجمت ع الاسواق
وع المخازن واخذت شكو موجود
ع مود تاكل
صارو العراقين بالحصار عضم وعليه ملابس
تريد واحد سمين ماكو
رجيم جماعي صار
يالله ومارجع خالي الا بالياويل
وتخرج وصار مدرس بس اتاخر تعينة
بس اخواني 2 وسمر وسارة هم بطلو من المدرسة بقيت
بس اني وحوري لان صار الحمل ثكيل واحنة كبرنة واغلبهه بنات
الي فرهد اتعدل حالهم
بس حرام وخالي ماقبل ياخذ حرام
فبقينة مثل مااحنة
ماطورنة
ويتبع
النشر راح يصير بين يوم ويوم الاحداث مطبعوة بذاكرتي لحد الان اذكرهه بس الاسماء راح تتغير حفاضا ع اصحاب القصة والمحافضات مراح اذكرهه
وغلسو ع الاخطاء الاملائية
واذا تسالون وين جنتي مختفية ف الحساب جان رايح والحمدللة رجع
لكيت القصة ماخذة الاول بالواقعية
ههه دمتم سالمين
