الحياة لاتنصف الطيبون
دخلن سارة وبنت عمي
بنت عمي تصيح وتأشر ع سارة تكول ضربتني ع راسي وتكلي الا اطلع حركت الي سواه ابوجن بينة
سارة صافن بعدهية تريد اتوضح الموقف وطب حسام وبدون محجت الي صار ضربهه راجدي وكال انتن كاعدات عدنة وهاي السوالف بطلنهه ولو علمين اطلعن
وسارة فاحطة من البجي
سمر: انت باي حق تضربهه ماالك اي حق علينة واذا ع الكعدة عدكم ابوك هو جابنة كوة والله جنة كاعدين معززين مكرمين ،،، وانت هم عليمن تطلع واحدكم شايل بكلبة ع ثاني
حسام: اش ولاحجاية شو السانج طولان ولج باعي الذلة الي انتي بيهه ولسة خشمج يابس
طب قاسم اهنا
قاسم: خير شكو اعياطكم واصل لذاك الصوب وشبيهن ذني يبجن
مرت عمي: الله ليوفقهه هاي سارة ضاربة اختك ع راسهه وهسة كلشي ماتشوف
سارة: والله مضربتهه بسسسس
قاسم: يلة صار خير المهم اوديهه للطبيب اذا بيهه شي بس مبينة كلشي مابيهه
مرت عمي : يلة انتم روحي للمضيف وانتن روحن صبن الغدة ابوكم ع جية ولحد يفتح حلكة بكلمة لابوكم
راحن سمر ونسرين صبن الغدة
رجعت سمر للغرفة ولكتنة كولنة مجمعين ومتغدينة وياهم وخطية سارة من قوة الراجدي طابع بوجهه وجهه احمر وتبجي وتكول والله مااجيت يمهه هية وحدهه
سمر: احجيلي شصار
سارة: لج طلعنة سوة وبقيت اني كاعدة وهية تباوعلي وتصفن نوب كالت تلعبين وياي كتلهه اي كاع نلعب اشو شوية وعاطت وتكلي اني اعلمجن ونوب تصيح الحكولي سارة ضربتني اخ يابة راسي واني والله موصلت الهه
سمر: ماشي الله كريم خلي انشوفهه وين توصل وياهم
نسرع الاحداث شوية مرت كم شهر والمدارس ع الابواب
مابقة شي ع الدوام وابوي مااجة ولاشافنة وامي مقطوعة اخبارهه واحنة منطلع من بيت عمي مرة من مرات اجت لبيت عمي عجوز جبيرة بالعمر شافتنة بالباب كالت بيبي انتن منو كتلهه بيبي احنة بنات عمهم كالت بيبي لعد اشعدجن اهنا اني سكتت
هية طبت للبيت
وصاحت ع مرت عمي ولج ذني منيلج كالتلهه بنات اخو ابو حسام
كالت وشعدهن اهنا كالتلهه جابوهن من امهن زعلانة
كالتلهه ذني مو بنات اليتيمة ولكم هيج عدكم حظ تاخذون بنات المسكينة ولج هسة كلبهه لايب عليهن ماتخافون من الله حطي روحج بمكانهه ترضين احد ياخذ واحد من جهالج
مرت عمي: والله ياخاله اني مالي دخل ابوهم وعمهن جابهن والله حجيت وكلت ماقبلو يرجعوهن
ولج الله لايوفقكم وين هاذة رجلن اني اليوم احاجيه ولج ذني نسوان مسؤولية
مبينة المرة كرابت مرت عمي وعدهه مكانة بكلب عمي والمرية احجاية الحق بكلبهه وماترضة بالضلم
صدوك اجة عمي وحجت وياه المرة بس كاللهه احجي وي ابوهن يومين ويجي وبلكي يسمع منج والله اني ماللي خلك البنات وهو جابهن خلاهن كوة
ومر اليوم عادي هم بس نكرف شغل بالبيت ومحد يحجي ويانة عبالك مسوين ذنب جنت ذاك اليوم اللعب ع طرف الحوض مال المي وجان تجي هاي الحقيرة بنت عمي وتدفعني ومااحس الا راسي انضرب بالحافة مالت الحوض واشوف الدم كام يجري من راسي واغمة علية من قوة الضربة
وماحسيت الا ع صوت سمر تكعد بية وتمسح براسي وهنة يبجن فوكاية فتحت عيني شبكتني سمر وتبجي كالت ولج شوداج وشلون وكعتي اني مذكرت شي بساعتهه كتلهه ماادري
حتئ مكلفو نفسهم ياخذوني للطبيب
سمر خطية شدت راسي وقاسم اجة يطمن علية كال شبيهه كلتلة سمر متذكر شي اني اجيت لكيتهه واكعة يم حوض المي غركانة بالدم زين مو اكعة بالمي وغركانة جان عزة العزاني غير امي تموت
قاسم: انشالله خير اجيت ابشرجن ابوجن جاي ويمكن يرجعوجن لامجن بعد شتردن
سمر: احنة معدنة ابوو هو اكو ابو هيج يسوي بناتة
وصار الصبح واجة ابوي بس مشفناه واجت ذيج المرية العجوز وطبو للمضيف وحاجو ابوي ووافق نرجع لامي
اني كلت مدام راسي مشدوود بلكت يحن علية لان طفلة جنت اتمنة اشوفة خايف علية فكلت خلي اروح يمهم ووكفت بالباب وهو شافني اتمنيت يسألني شبية راسج لو شلونجن باوعلي ولا طلعت منة احجاية
يالله ليش هيج حنية ماكو بكلبة علينة شنو مسوين احنة وهيج ميريدنة يمكن بعض المرات البشر يكره بشر ع مود واحد ثاني ومن هاي ابوي ميريدنة ع كره امي اله
