اسمي خالد وبقرا 📖ف اولى جامعه تقنية معلومات💻 عندي توأمي👫 اسمها خالدة امي الله يرحمها 😭اتوفت بعد ما ولدتنا طوالي واسمها حليمة ابوي ف الفترة دي ودانا لي ناس حبوبة بالتحديد عن خالتو مروى
وهي امنا بالرضاعه انا قصتي امكن تكون شوية معقدة💢 بالنسبة ليكم خالتو مروى عندها بتها نضال وهي اختي بالرضاعه وفي نفس الوقت بت خالتي اكبر مني بي سنة اتربينا عن خالتو مروى لحدي ما بقى عمرنا سنتين👼 ابوي كان بجي ببيت اسبوع عندوم واسبوع في بيتنا🏠 ابوي فكر انو استحالة نعيش بالشكل دا لازم يلقى حل يكون عندنا بيت ثابت فقرر انو يتزوج خالتو عبير😍فالبداية كانت رافضة وطبعا ابوي اقنعها بي اسلوبو😉 شاف انو احسن حل انو يعرس خالتو عبير لانو لو عرس مرا من برا ما حتعاملنا زي اولادها وانتو عارفين مرت الابو كيف وانا م حسيت عمري دا كلو انو عبير مرت ابوي لا لا فهمتو غلط ما كدا 😅يعني زي امي وما حصل مرة حسيت انو انا يتيم
ما فرقت بينا وبين اولادها جابت ولد اسمو مهاب وبنت اسمها حليمة على امي
يعني هم اولاد خالتي وفي نفس الوقت اخواني من ابوي ما قتا ليكم راسكم حيجوط😂😂
خالدة:يا جماعه بما انكم متلميين كلكم ارح نعمل حفلة 🎶🎵
عبير:اي والله حليمة جيبي السماعات 📢
حليمة:واييي خاللدد شيلا سريع حتقع
خالد:😑اسي في ذمتك السماعه دي تقيلة
حليمة:شو غليظ
خالد:ووووووااااي الله يقرفك💦٠
خالدة:اسي تافي ليها في وشها لي
خالد :عشان سخافتها
مهاب :اتجاوزها
عبير:دايرين الغداء شنو 🍟
خالدة:عليك الله يا امي اقعدي خلينا من الغداء اسي
عبير:عليك الله ياخالد وطي الصوت🕩 اسي الجيران🏙 يقولو علينا شنو
مهاب:طز في الجيران
(طبعا انا شعري تفة لاكن مظبطو حلبي وما عندي دقن لسى ما قام😢وضعيف وحواجبيني غزيرة عيوني لا كبيرة لا صغيرة وبلبس نظارات👓 اما خالدة بتشبهني بس الفرق النخرة👃 بكره كلمت نخرة😣انا حقتي عمودية وهي مطفجة اما مهاب بيقرا في اولى ثانوي لونو اسمر وحواجبينو خفيفة ورموشو غزيرة نجي لي حليمة بتشبه امي وعشان كدا اسمت على اسمها بتقرا في ٣ ادبية وحفارة شعرها طويل لكن خشن😕البيت كلو شعرو كدا الا خالدة دا ما موضوعنا وعيونها زي الصينين👁 والحواجب خفيفة جا دور الحاج اسمو معاذ حواجبو كتيرة ضخم شوية حلبي ودقنو كتير بي اختصار قرض نسيت امي لونها اسمر ورموشها كتيرة سمحة شديد )
طبعا يا جماعه انا من النوع المنفسن طفيت السماعات📢 ودخلت اوضتي 🚪طبعا الاوضة حقتي فيها سرير🛏 دبل السرير لونو اسود وفيو زي كرستال 💎عامل زي الالماس في مكتبة حقت قراية وكمبيوتر ودا الحاجة الاساسية في الاوضة كلها وستاير من سيدار بتفتح بالرمود 😂😂عنكم ما صدقتو ومكيف ودولاب وشاشة
وكتب كلها عن التهكير والحاسوب دقيقة حاسوب😦 قصدي كمبيوتر
عبير:خالد زعلتا عشان قتا ليك وطي الصوت🕩
خالد:اسي يا امي الكلام دا من قلبك 😦
عبير:طيب مالك😕
خالد:زهجتا
عبير:سمح تعال اتغدى
خالد:سويتي بتين
عبير:امس😒
طبعا امي معقدة شديد بالزات معانا انا وخالدة لو حصل اقل بتكون خاتة في راسها انو زعلنها منها
يتبع.....
