عبير: خالد اشرب الشاي دا قبال ما تمشي
مهاب:ياخ خلي يمشي ساي ما يضيق لينا اخلاقنا من صباح الرحمان
حليمة:اي والله
خالدة: عرفنا مهاب انت الدخلك شنو
مهاب:دا توأمها ما بترضها فيو 😂😂
خالد:اي مالك .خالدة اديني الشريحة عشان انا طالع
حليمة:😂😂اها عشان داير منها السريحة
مهاب: قتي لي داير منها شنو يا حليمة السريحة ااا
خالد:اديني السريحة سريع 😂😂
عبير:بطلو عوارة واي شافع يقوم على مدرستو
حليمة :ياخ ما تشغلوها لينا
معاذ:هاك البطاقة كان احتجتا لي حاجة
مهاب:كويس يا ابوي تدي خالد البطاقة وانا ٣٠ جنيه للمدرسة ما داير تديني ليها
معاذ: دا خالد انت خالد وتاني يا كلب ال٢٥ دي ما تلم فيها
خالد:يلا مع السلامة
جاتني رسالة بلانجليزي: تبقى ٤٢ ساعه
ما اشتغلتا بالموضوع مشيت السوبر ماركت اشتريت مواد تموينية و فواكه وخضروات ومشيت لي ام عمر وانا بمشي حسيت في عربية بتتحرك وراي وقفتا العربية لقيت العربي الكانت ساكاني اختفت انا جسمي دا كلو عرق من الخوف قتا خلاص انا الليلة ميت ميت نزلتا الاكياس بديت بلفلف في الزقاقات الا واشوف ضل زي وراي و ساطور كبير انا شوية واقع في الواطة واحلى حاجة انو في مركز شرطة في الزلط قريب شديد بقيت بلفلف والحمد لله المسافة دي كلها ما قرب مني لحدي ما وصلتها ناديت شرطيين وحاول يشرد لكن قبضو واتخيلو دا منو الكان بلحقني دا المهرج القتل العائلة ديك المهم لمن فتحو وشو طلع ولد امريكي عمرو زي ٢٢ صغير انا صراحة انصدمتها المهم جات السفارة الامريكية و ودوهو سجن في امريكا وقال لي ما حا اخليك والغريبة مش سجنو لكن لسى بتجيني تهديدات انا وديت الحاجات لي ام عمر واديتها ٤ مليون قتا تتصرف بيها وانا ما دام ابوي اداني البطاقة اعمل بدل ما اشتري بيها تفاهات احسن اديها للمرة الما قادرة توفر لقمة عيشها دي ياخ والله لمن اديتها الحاجات المرة دي فرحت فرح ماخلت دعوة ما دعتها لي طبعا ابوي وصلتو رسالة اني سحبتها ٥ مليون والمليون ديك ياها الاشتريت بيها الحاجات ابوي طوالي اتصل علي
معاذ :يا خالد تعال البيت ضروري
خالد:ابوي انا بتين طلعتا
معاذ:قتا ليك تعال
خالد:خلاص جايي ابوي دقيقة معليش حا افصل لانو مازن من جبيل بضرب لي
خالد:الو يا مازن في شنو ضارب لي ٥ مكالمات
مازن:خالد الحقني جاتني رسالة في التلفون بالانجليزي مكتوب فيها عاين تحت لمن عاينت بالشباك لقيت واحد لابس قناع وعمل لي حركة بي اصبعو وشااااايييل معععاااو مووسااادس
خالد:كدي روق واضرب لي الشرطة لانو اسي كان في واحد بلحقني
مازن:اناا زنبيي شنوو لاكن
خالد:اضرب للشرطة قبال ما يجي يرصصك
...........
مازن:الوو معااي الشرطة
الشرطة:لو سمحتا ممكن تهدا
مازن:في زول واقف تحت البيت بهددني بي مسسسدسسس
الشرطة:بيتكم وين
مازن:المعمورة
الشرطة:دقيقتين وبنكون عندك
مازن:خالد ضربتا ليوم قالو دقيقتين وبكونو هنا
خالد امشي قفل البيبان والشبابيك
مازن :اللييلة الباب ما مقفول زي الناس
خالد:اسرع ياخ
مازن:خالد الباب بدق شديد
خالد :مهما حصل ما تفتحو استناني انا اسي قربتا اصلك
*في الحلقةالجاية***
الدقا الباب منو وفي حاجات كتيرة حتحصل احسن شي ما اخرب عليكم
يتبع.....
