خالدة:امي يا امي مالك بتبكي في شنو يا امي ابوي حصل ليو حاجة ولا في شنو
عبير:تفيها من خشمك ابوك ما فيو الا العافية
مهاب :عافية ولا صباح
خالدة:انت اهبل ما شايف امي بتبكي بدل ما تهديها تقعد تتعابط بس حركات خالد
مهاب:قالت ابوي كويس معناها ماف حاجة حبيت اغير الجو شوية
خالدة:في زمتك يا امي في شنو
عبير:مهاب امشي البس الترحيل بفوتك
مهاب بعد ما طلع عبير بدت تتكلم مع خالدة وانا طلعت من الاوضه وكنت خجلان اعاين في وش امي واكعب شي انو الزول يندم على كلمة طلعت من لسانه في لحظة غضب عشان كدا يا جماعه الزول لمن يكون بتكلم يفكر الف مرة في الكلمة الحتطلع من لسانه لانو ما بقدر يرجعها بقيت بتكلم مع نفسي ياريت لو ما اتكلمتا زاتو بقيت بفتش في امي عشان اعتذر منها اكيد كلكم حتسالوني انت اصلا ماف سبب يخليك تهيج انا اول شي زعلان من ابوي عشان موضوع البنت دي كيف ابو يرضا لي ولدو بي حاجه كعبة وحبيت اتفشاو في المسكينة دي اكيد حتقولو ما عندك موضوع والله انا كدا بتحسس من كل شيء وتاني حاجة انو امي بتشك فيني كتير وطريقة الكلام الكان بتتكلم معاي وتصرخ فيني انا عايز اقول الصراحة مافي اي مبرر انو اعمل كدا اي صاح انا متناقض لكن دي الحقيقة المهم كانت بتقولي خالدة وهي بتبكي
عبير:خالدة عمري غلطا معاكم في شيء او عاملتكم معاملة كعبة
خالدة:لا لا يا امي حاشاك
عبير: والله يا خالدة انتي وخالد بعاملكم احسن من اولادي
خالدة:انت يا امي الفتح الموضوع دا شنو
طبعا خالدة قاعده في الواطة تحت رجلين امي وامي بتهبش في شعرها وتبكي
عبير:امبارح يا بتي كتا طالعه دايرة اديو نسكافيه قال ما داير شاي المهم سمعت واحد بقول ليو لازم تدفع مليون ويا خالدة انا بديت اشك في خالد حركاتو غريبة و٢٤ ساعه مقابل القشرون دا اتخيلي قلي شنو
امي بقت بتبكي بصوت عالي وبتتنهد
عبير:طردني من اوضتو وقاللي منو السمح ليك تتدخلي في حياتي وانت ما امي خالدة انا قصرت في حقكم قولي لي امكن اكون قصرتا وما حاسة
يا جماعه والله انا لمن كنت بسمع في كلام امي حسيت نفسي انذل واحد في الدنيا دي
خالدة: الليلة يا امي ما بخليو
عبير:عليك الله يا بنتي روقي
خالدة:هندا ليو لابد جمب الحيطة
طبعا بركتا في الواطة وبقيت ببوس في رجل امي
خالد :والله يا امي معليش والله زلة لسان ما عارف الخلاني اهيج واقول الكلام ده عليك الله اعفي لي
عبير:الموضوع ما للدرجة دي ولدي ماف مشكلة عافية ليك
معاذ:انت بتتكلمي كيف يا عبير
ابوي وصل لي عندي وخبتني ليك كف
معاذ :خالدة حكت لي كل حاجة انت عبير قصرت معاك في شنو عشان تقول ليها كدا منو السهر معاك لمن كنتا عيان وطلع ورقة وشرطها
معاذ:انت عارف دي تاشيرتك انا كنتا عاوز اعمل ليكم مفاجأة وانت عقابا ليك ما حتتحرك من هنا احنا نمشي دبي وانت تحرس البيت دا
انا ما اشتغلت بالموضوع لكن غازتني خالدة
يتبع......
