يلا يا جماعة انا من ما كنتا في سنة ٨ لحدي سنة تاني كنتا بحب نضال ياخ ولمن يجونا نضال تجي تطلع اوضتي ماتفهمو غلط😂ونتونس مافي زول كان ملاحظ انو احنا بنحب بعض وانا بديها هدايا وهي نفس الشي يوم عيد ميلادها كنتا بلم من بداية السنة عشان اشتري ليها علبة الساعات ديك عرفتوها واعمل ليها بي باقي القروش عيد ميلادها لانو احنا عندنا ماف زول بعملو لي عيد ميلاد المهم عملتا عيد الميلاد وفي النهاية اديتها اسورة وانا الاسورة دي عندي زيها قتا ليها دي ما تفكيها من يدك حركات الشفع دي 😂😂ما عارف كتا حاسي بي شنو بس امي ومروى كانو قاعدين قمتا بستها في خشمها امي دي هبتتني هبت ومروى نفس الشي ضربت نضال والعجب ابوي لمن جا راجع امي كلمتو وهو زاتو ماقصر المهم مروى قالت لي :كيف تعمل مع اختك كدا قتا ليها دي بنت خالتي ما اختي عندي اختين بس
عبير:مش انا قتا ليك مروة رضعتكم انتا و خالدة
خالد:رضعتني ما ولدتني
مروى:يا غبي انتا نضال دي اختك بالرضاعة انت ما بتفهم يعني زيها زي اخواتك
نضال:انت بتقولي في شنو يا امي
طبعا قعدتا كم يوم ببكي وحردان الاكل وبقو لمن تجي نضال بخلوها في حتة وانا في حتة بس والله 😂😂لكن صراحة كتا غبي
طبعا لبستا البنطلون المشرط دا لونو لبني كدا وفلينة بيضاء اكمامها طويلة فيها كلام بالاسود
معاذ:دا شنو العواليق الابسو دا
خالد:ابوي والله هدومي وسخانة ما عندي غير دا والود مستنيني
معاذ:لمن ترجع اصبر لي
المهم وصلتا المطعم المستنيني فيو مازن ولقيتو خاتي ليو ٣ نوتيلا في الطربيزة
مازن:انت وين لي ساعة مستنيك
خالد:ياخ كتا بلبس
مازن:هاك النوتيلا دي اديها لي خالدة
خالد:لي دا كلو لي خالدة
مازن :خلاص شيل وحدة وادي ٢ لي خالدة
خالد:ياخ انت منو الزيك
مازن:اها قتا شنو لي محمد في موضوع الديب ويب حتدخلو ولا لا
خالد:دقيقة انا على ما اعتقد ما قتا ليك محمد قال لي بديك يوم تدخل ولا لا انت عرفتا من وين
مازن:انت ناسي انو محمد دا صحبي بقول لي اي شيء
خالد:ااااا
طبعا مشيتو
مازن :اها حتدخل ولا لا
خالد:اصلا ما دايرة ليها تفكير حا ادخل يعني حا ادخل وامس كلمتا صحبك دا
مازن:اسمع كلامي وما تخش
خالد:الموضوع دا منتهي انت اسي جبتني من بيتنا لي هنا لي شنو
مازن:لا الوقت ما مناسب مرة تانية بقولو ليك لانو صحبي مستنيني يلا مع السلامة
خالد :خليني اتلتل من بيتنا لي هنا وفي النهاية تخليني براي انعل يومك زاتو والله زهجتا منو زهج
ركبت العربية ومشيت البيت
خالد:يا خالدة
خالدة :اها
خالد:مازن اداك ديل
خالدة:واييي😍٣
خالد:عليك الله ما تنطتي في وشي نطتي بعيد
اتفشيت الزهج دا كلو في خالدة مسكينة 😂
خالدة:واي يا مازن لي تعبتا نفسك كدا
مازن :تعب شنو انتي جنيتي
خالدة:ماف داعي تجيب لي ٣ واحدة بس كفاية
مازن:خالد اداوم ليك ٣
خالدة:اي لي
مازن:لا لا ماف حاجة
خالدة :كان زهجان زهج عملتا ليو شنو
مازن: اخوك دا منفسن
خالدة:هي احترم نفسك صاح قبلي شوية هاج فيني لكن ما برضى فيو
مازن:يلا مع السلامة
طبعا ضربتا لي محمد
خالد:يا محمد تعال تم البديتو دا
محمد: بديت شنو
خالد:مش انت قتا لي بديك يوم تفكر اسي دا مايوم دا اسبوع عديل وانا قتا ليك عايز اخشي
محمد: معليش والله ما بقدر اجيك انا برا السودان
خالد:هو الرقم دا سوداني كيف برا السودان من ما اديتك القروش شردتا بيها
محمد:اسمع هنا انا تاني ما حا اجيك ولا حا اساعدك في البتعمل فيو
خالد:طيب انا داير قروشي يا حرامي
محمد:ما عندك عندي قروش
خالد:انا ما عافي ليك قروشي لا دنيا لا اخرة
محمد :ياخ استهدى بالله اسمع يا مان والله صحبك مازن قال لي انا بديك ٣ مليون بس ما تساعد خالد في البعملو وانا طبعا داير مصلحتي شلتا القروش
خالد:والدخل الكلام دا في قروشي شنو
محمد:بحولا ليك رصيد لكن بحول ٥٠٠
خالد:لي ٥٠٠
محمد :لانو انا بديت ليك فيو وبقى خطوة وحدة ويفتح
خالد:الليلة ود الحرام دا يصبر لي
محمد:قتا شنو يا اصلي
خالد:ما معاك
قفلت الخط في وشو وضربتا لي مازن
**في الحلقة الجاية**
حا اعمل لي مازن شنو وفي حاجة حتخليني تاني ما اتكلم مع مازن نهائي
يتبع.....
