ضربتا لي مازن
خالد:اسمع يا **
مازن:عاين ما تتلفظ فيني
خالد:😒لي تدخل في حاجة ما بتخصك
مازن:قصدك شنو
خالد:ما تعمل لي فيها رايح
مازن:اعمل رايح من شنو
خالد: تمشي تدي محمد ٣ مليون ولاكم ما عارف وتقول لي ما تدخلو
مازن:اي لانك ما عارف انت قاعد تعمل في شنو بس حب استطلاع منك ساي داير تدخل وما عارف الحاجة دي بتدخل سجون
خالد(بصوت عالي):انت مالك اا حتدخل معاي عليك الله يا مازن خليك في ورقك عشان ما تخسرني
مازن:والله يا خالد داير مصلحتك
خالد: عارفك داير مصلحتي لاكن انا كلمتك قتا ليك ما تدخل في الموضوع دا
مازن: اسمع انا داير اقول ليك كلام
خالد:قول سريع
مازن:اول شيء اهدأ
خالد:اها ياخ
مازن:انا قتا احسن اقول ليك عشان ما تعرف براك وتنصدم
خالد:ما تفور لي اعصابي
مازن:انا بحب خالدة وبتكلم معاها بالتلفون وبعد مرات بنطلع وداير اتقدم ليها
خالد:دقيقة يا مازن ما سمعتك قتا شنو عيد تاني
مازن:قتا ليك انا بحب خالدة
خالد: اا تقعد تعمل خساسات بي وراي ما سالتك لاكن تلعب لي بي خالدة وتقول لي بحبها وتطلع معاها مازن اعتبر من اسي البيناتنا(والله ياجماعه ما عارف بكتبوها كيف احتمال تطلع صاح) انتهى
مازن:كيف يعني يا خالد
خالد:كلام واضح وتاني كان انت راجل تضرب ولا تطلع مع خالدة
والله انا من البداية كنتا شاكي فيكم لاكن كنتا واثق فيكم شديد قتا استحالة تكون دي خالدة
مازن:خالد اسمعني دقيقة
قفلت الخط في وشو وطلعتا برا
خالد: يا حليمة عارفة خالدة وين
حليمة:في اوضتها
طلعتا ليها في الاوضة فتحت الباب بي قوة لقيتها بتتكلم مع مازن
ومسمياو مزونتي انا اليوم داك داير اقتلها عديل كدة رميت ليها تلفونها في الواطة لمن اتكسر
خالدة:ياخ في شنو
اديتها ليك كف لمن وشها حمر
خالد:تتحاومي مع صحبي وتقولي لي في شنو
خالدة:يا ابوي (بقت تبكي بي صوت عالي)
معاذ:انا سامع الكوراك دا من تحت في شنو
خالدة:يا ابوي خالد اداني كف
معاذ :داير تسترجل لي في اختك المسكينة دي
وطاخ اداني كفين زي السم
خالد:ابوي انت فاهم الموضوع غلط
معاذ:اها فهمني مدي اختك كف وتقول لي فاهم غلط يعني اديتها كف بالغلط ولا القصة شنو
خالد:يا ابوي اسمعني (حكيت ليو كل حاجة من طقطق لي السلام عليكم)
معاذ:مش قال ليك داير اتقدم ليها وانا في اي وقت يجي حا اديهو بتي
لانو ما دسا انو بحب اختك وقال ليك طوالي وما خاف منك
خالد:وصلت يا ابوي
طلعتا اوضتي زهجان زهج
وبديت احاول ادخل وقريت معلومة انو لازم قبال ما ادخل (التخفي التام)وما اهتميت بالموضوع وحملتا برنامج وظا حا اقول اسمو والطريقة الدخلتا بيها المهم فتح معاي موقع في الديب ويب برضو ما حا اقول اسمو وكانت الصدمة اشوف ليك في الصفحة الرئيسية مسدسات واسلحة وصور لي ناس كدا معضلين البي ١٠٠٠دولار وكدا المهم لفتتني حاجة وانا بنزل في بثوث عاملينها في واحد كان لابس لبس المهرج وشايل ليو ساطور والتاني مظهر وشو وفتحتو ليك وياريتني لو ما فتحتو
*في الحلقة الجاية**
حتعرفو انا شفتا شنو والحاجة الشفتها دي حتاثر فيني
يتبع.....
