لمن دخلنا الهول زي ما قت ليكم طلع دا مهاب الود دا عواليق خلاص لقيتو بشد في شعر خالدة وشعرها اتفكه هنا مازن لمن شاف شعرها بس بقى بعاين في خالدة زي الاهبل زي 😞هو اصلا اهبل ما علينا انا صراحة اتغزتا منو طبعا ما وريتكم كانو بتشاكلو في شنو في النوتيلا ويتخاتفو فيها زي الشفع انا شلتها اول وخالدة الهبلة تقول مش هو اداني الكيس معناها حقتي وما عارفين انو مازن بي وراهم ياخ اليوم داك فضحوني فضيحة انا اصلا بتحسس في اي شي مهاب يا جماعة لابس ليو فلينة مشرطة من كل حتة ووسخانه وسخ والغريبة عندو هدوم جديدة بس بخزنها في دولابو خاتيوم منظر لا ولا بشاكلو في نوتيلا المهم مازن بقى يضحك خالدة اتخلعت خلعه ولبست طرحتا وشعرها كان نازل بي تحت
مازن: اصلا انا شفتو وكلو تحت 😂😂
خالدة:مهاب هاك النوتيلا كنتا بهظر معاك ساي
مهاب😂😂😂😂بلاي
خالد:مازن ارح الصالون
وصلنا الصالون وبقينا نتونس
مازن :طبعا ما وريتك تعرف عمر
خالد: مش الكان معانا في الثانوي اي مالو
مازن :قبضو ببيع بنقو وخلا الجامعه
خالد :الغريبة عمر دا عندو قروش
مازن : ابو في السجن قبضو في غسيل اموال وعندو كترت ديون اسي الولد لحق ابوه
خالد:واموه قاعدة مع منو
مازن : الله وحدها ساكنة في حتة فاضية خلى
خالد:اامممم
مازن: ودايرين يجمعو ليها تبرعات
خالد :عندك رقمها
مازن :برسلو ليك في الواتس
خالدة مشت جابت الغدا وعملتو مع امي مازن عجبو الاكل
مازن :جيب عييش شنو خاتي ٤ عيشات
خالد:هوي العيشة بقت بجنيه 😂 يا مهاب امشي جيب عيش
مازن بعد ما طلع بي مسافة زي الساعه ١١ كدا امي بدت تقلق على ابوي لانو لسى ما رجع واحنا متعودين انو ابوي برجع بدري من الساعه ٥ وبقينا بنتصل بنلقى التلفون مغلق يا ربي ابوي دا مشى وين
يتبع.....
