وكانت الكارثة لما لاقيت توحة بتأكل بصل أخضر وفسيخ ،أخصائية التغذية بترجع فى الحمام الداخلي للمكتب وقرفانة ،وقفت مصدوم لغاية ما طلعت ميس كارما وهي بتقولي وبتشاور على توحة بإشمئزاز وأيديها على مناخيرها:_
_ لا يا مستر زياد حضرتك بتهرج،بقى البنت الفلجر دي ،ال "rubbish" قمامة هتبقى مودل ،لا لا مش ممكن ،دي عاوزة تتنقع ولا سنتين فى البانيو عشان الريحة القذرة دي تطلع منها
لسه هرد لقيت توحة بالبصلة ال فى أيدها وبترفع حواجبها وهي بتقول بغضب بعد ما أستشفت أنها بتتشتم:_
_ جرى أيه يا ست ..يال شيطان مفهمك أنك ست..!،يا حيوانة ..يا
غمزت لها عشان تسكت رفعت لي طرف عنيها مش عاجبها:_
_ لا ما أنت لو مسكتهاش أنا هقوم اجيبها من شعرها وأمسحها بيها بلاط الشركة،التكبر ده تعمله على غيري ،أشكال تسد النفس
كارما كانت لابسة جيبة يا دوب واصلة للركبة ،وهي بتقولي ومتضايقة :_
_ عاجبك كده يا زياد بيه..؟ جايبني فى شركتك أتهزق...؟..ومن مين من واحدة شعرها أكرت ..وخشن والله سلك المواعين يكون أنعم ،دي مش هتنفع بجميع المقاييس
رديت وأنا بلوم توحة وبحذر بختار كلماتي لتقوم تردح ولا حاجة:_
_ توحة دبش ،ومدب بس قلبها صافي زي الحليب مش كده يا حبيبتي...؟
جاوبت وهي بتقطع حتة من الفسيخ كبيرة ،ووراها لقمة عيش صغيرة:_
_لا مش كده يا حبيبتي والقرشانة دي لو متلمتش أنا هعمل معاها الصح،وبعدين شعر أيه يا بت ده أنتي مامتك كانت قرعة ،وباباكي كان عجلاتي متعشيش الدور وتصدقي نفسك كده ليطق لك عرق ولا حاجة
لسه كارما هترد ،فاجئتها توحة وهى ماسكة الفسيخ وبتبهدل لها هدومها بيه وشعرها،الميس بتصرخ بهستيريا بعد ما أصبحت رائحتها لا تطاق وأنا متعصب من توحة تصرفاتها المجنونة،ال بررت بفخر ال عملته وهي بتبص لكارما الغلبانة ياعيني بإنتصار:_
_ كده الرؤؤس أتساوت ،ومحدش أحسن من حد
فضلت تهتف بعصبية وإنزعاج:_
_oh my god يا إلهى
لغاية ما ضغط على الجرس وجات لى نادين سكرتيرتي الخاصة ،طلبت منها تاخد كارما وتختار لها أشيك طقم من المخزن ،وتوحة قاعدة قدامي حاطة رجل على رجل وطالعة فيها ،زعقت لها بإنفعال لما لاقتها رجعت تأكل العك ال جيباه بمنتهى البرود والبراءة ولا كأنها عملت حاجة:_
_ أنا مش عارف لأمتى هغيب أعلم فيكي ها...؟، كام مرة أقولك مترديش على حد...؟،كام مرة منبه عليكي متاكليش أي حاجة من الشارع...؟
جاوبت بتلقائية وهي بتقضم الخس:_
_ الله نفسى جابتني على حاجة حرشة يا بيه ،مكلش...؟ وبعدين الأكل صحة قرب أنت بس مد أيدك معايا وأنت هتتبسط
أنت تقرأ
رواية فتاتى المشاغبة بقلم أميرة السمدونى كاملة
Romanceفى باحة إحدى أكبر شركات الأزياء توحة:_ _ يا نهار أبوك مش فايت كبيت المدعوق ال بتطفحه على الشي في بتاعي...! زياد بملابسه الرياضية البسيطة لكونه لا يحب البهرجة الزائدة عن الحد ويميل للبساطة:_ _ أسف توحة:_ _ أصرفها من أنهي داهية دي،استغفر الله العظيم ،...
