فى طنطا وتحديداً فى شارع البحر ركنت العربية على جنب،ولبست النضارة الشمس،عشان محدش يتعرف علي خاصة أني شاركت في أكتر من حملة إعلانية،وأنا بساعد توحة عشان تنزل وهي مش عارفة تدوس على رجلها بعد ما خبطتها وكلمت والدتها ، رجلها كان فيها كام كدمة وبدأت تزرق،فكرت أوديها أي مستشفى بس كنت هخش في سين وجيم ،وكمان خوفت للصحافة تاخد خبر وتبقى زي ما بيقولوا كملت،وتبقى الحملة الإعلانية أنضربت في مقتل قبل ما تمشي خطوة حتى، مكنتش لاقي حاجة أربط لها بيها خالص،لحد ما جت في دماغي فكرة ،فلقتها بتقولي :_
_لا يا بيه...ال أنت بتعمله ده عيب وحرام..لو مبعدتش عني
حطيت أيدي على بوقي وبقولها وأنا بقرب منها أوي:_
_ هووووووش...
قاطعتني وهي بتزقني وعنيها مفتوحة على أخرهم بخضة:_
_ لا..يا بيه..امي قايلة لي كله إلا الشرف..أه أصل لامؤاخذة سمعة البت زي عود كبريت هو مرة واحدة...ال بيتولع..مش معنى أني سكت لك أنك تجيبني في حتة كحل زي دي إن العملية سايبة لا ...ده أنا توحة حتى لو بعرج و..
شديت الوشاح من عليها بسرعة وأنا برد بضيق:
_ توحة أنا جايب أخري من كل الدنيا...وبجد على شعرة و...
ردت بتريقة وهي بتضحك:_
_أنا عندي شعرة ساعة تروح..وساعة تيجي ..أبويا ...
حطيت أيدي على خدها وضغط بقوة وأنا بكز على سناني ومٌتعصب وعنيها بيترجفوا من الخوف وأنا بتكلم:_
_ لما أقول أخرسي...يبقى تكتمي خالص...وقت الهزار هزار والجد جد....شغل الإستعباط ده مش عايزه
علقت وهي بتاخد نفسها بخوف،وبتبص حواليها:_
_ طيب أنت جايبنا هنا ليه يا بيه...؟
أخدت نفس طويل وأنا بوضح لها وبطلع السيجارة ولسه هولعها:_
_ لو عليكي فأنا أتصلت بطنط رمزية وساعة ولا حاجة وهتيجي تاخدك هي وأختك....أما أنا فعندي مشوار مهم ...هستقضاه وجاي لك..ولحد ما أرجع لك متتحركيش خالص
أتلفتت حواليها بذعر وهي بتقولي:_
_ أيه ده ...انت هتسيبني لوحدي في حتة زي دي
رديت بعصبية :_
_مالها يعني عفريت هيأكلك...؟...أقعدي حد ما أجي لك...
علقت وشفايفها بتترعش:_
_ب...بسسس...أنا بخاف من الضلمة..والطريق هنا مفهوش عمدان نور...ممكن لو مفهاش إساءة أدب تاخدني معاك
قولت لها وأنا بخبط أيدي بإنفعال على سطح العربية ،وبزعق:_
_أخدك فين يا توحة.هو أنا رايح أتفسح...وبعدين ده أنتي عشان تتحركي محتاجة لمعجزة...
أنت تقرأ
رواية فتاتى المشاغبة بقلم أميرة السمدونى كاملة
Roman d'amourفى باحة إحدى أكبر شركات الأزياء توحة:_ _ يا نهار أبوك مش فايت كبيت المدعوق ال بتطفحه على الشي في بتاعي...! زياد بملابسه الرياضية البسيطة لكونه لا يحب البهرجة الزائدة عن الحد ويميل للبساطة:_ _ أسف توحة:_ _ أصرفها من أنهي داهية دي،استغفر الله العظيم ،...
