Baby Maker Wife (Edited)

Chapter 6(edited)

Kriiiiiiiing.

Kaagad akong napabalikwas ng mag-ingay ang alarm clock ko sa tabi at siyang paglabas ni Kevin galing sa banyo. Naligo ba siya di ba nag-iinuman sila ni John sa baba? Napalunok ako ng laway habang napatingin sa katawan niya na parang gawa talaga sa isang sculpture, napakapresko nitong tingnan at napaka-sexy dahil magulo ang buhok nito.. agad naman akong pinamulahan ng mukha dahil ang gwapo niya promise.. Blanko ang mukha nito na nakatingin sa akin kaya kaagad akong Napatingin sa bintana at nanlaki ang mga mata ko dahil umaga na pala at talaga bang dito ako nakatulog kagabi?

"Ahm, Kevin, umaga na ba?" Tanong ko baka lang naman na nananaginip lang ako at umangat ang kilay nito na para bang sinabi nitong ano bang pinag-iisip ng babaeng ito.

"Should I say good morning to you, my wife?" Sarkastiko nitong tanong sa akin. Oo at hindi lang naman ang sagot talagang sasagot pa ng nakakainis.

"Ahm hindi. Hindi kasi ako makapaniwala na dito ako nakatulog kagabi."

"I let you sleep here since nasa kabilang kwarto si John. Nakainom na kaming pareho kagabi kaya doon muna siya natulog. Aalis muna kami ni John. Baka mamayang gabi pa kami uuwi. Hindi ako maghahapunan dito, may ipapabili ka bang ulam para mamaya?" Napalunok ako ng laway dahil sa hiya. Natatagalan yata ako ng tingin sa macho niyang katawan kaya lihim kong sinampal ang mukha ko.

"Lechong paksiw, ok lang ba?" Kaagad kong sagot sa kanya.

Nagtatakang tumango ito at lumabas na ng silid. Nakapagtataka ang kilos nito lalo na at nagtanong kung anong uulamin ko bukas. Hindi naman siya nakikialam kung anong kakainin ko basta may grocery naman dito palagi.

Wag mong kalimutan Minerva ang sinasabi niya kung bakit mabait siya sayo. Wag puro assume.

Isip ko. Bumangon ako at pumasok sa banyo para maghilamos at magsipilyo. Kesa naman maglalandi ang utak ko dito sa kama wala rin namang mapapala.. Paglabas ko ng banyo ay wala na si Kevin kaya inayos ko muna ang kama bago ako bumaba.

Wala naman akong magawa dito sa bahay kaya nagpasya akong mag movie marathon sa sala nang umalis na silang dalawa.

"Good morning Minerva." Napatayo ako ulit nang biglang may pumasok at si John yun. Nakangiti na naman siya na parang naaaliw sa akin habang kilala niya ako at nananatiling misteryo siya sa akin. Siya daw si boy galos.

"Good morning din. Akala ko aalis kayo."

"Ah oo. Nakalimutan ko lang ang cellphone ko. What's up for today?"

"Ah manonood sana ako ng movie." Sabi ko sa kanya at tumango-tango lang ito at dali-daling umakyat sa hagdan at pumunta sa silid at bumaba rin kaagad bitbit na ang cellphone nito. Nakita ko si Kevin na papasok rin kaya umupo ako kaagad at namili ng movies sa tv. Nagpapaturo naman ako noon kung paano ito e-operate kaya alam ko na kung paano gagamitin itong remote ngayon.

Umupo din si John sa tabi ko at sabay itinutok ang cellphone nito sa amin.

"Cheese."

Sabi nito at naiwan akong nakatulala dahil sa ginawa nitong pagkuha ng litrato sa aming dalawa. Dali-dali din itong lumabas kasama si Kevin. Napalunok ako ng marami dahil nakatingin si Kevin at baka inisip nitong nilabag ko na naman ang usapan namin. Napabuga na naman ako ng hangin at napasuklay sa buhok ko.

Naghanap ako sa tv ng magandang movie at hindi ko pa na play ang movie ay may dumating na sasakyan. Akala ko ba mamaya pa sila uuwi? Hinintay ko lang silang pumasok sa mansyon... ulit.