طلعت خالتي من البيت ودمعتها بعينها
طلعت وضلت تدعي على سعاد
عساج ماتهنين عسى حوبة اليتامة ماتعداج
سعاد واكفه وره ابوي ونافخة روحها
ودكلة عفيه عليك خوش سويت
من طردتها هاي راح تضل
تيدخل بيناتنا دوم
أندار ابوي عليها كالها وانت
عليش جا هيج حاركة البت
يع جا تذكرت انت يو وزتك علي ومشت
اسكتي انه محد توزني
شني شفتيني زعطوط وتوزني
جا خوش اني ماشيه لهلي
شني كاعدتي هنا بعد اذا مالي جلمة عليهن
اني موش اكلج لا تحاجيهن اني اكلج علميهن لاجن موش حرك
هذن يتيمات وأنه اخاف الله يحاسبني عليهن
اي بس الله هم يحاسبك اذا ماعلمتهن وربيتهن
جا يتعدن ع مرت ابوهن مثل امهن
وتعوفهن بله عقاب يصير هيج
لا ميصير بس اكلج ع كيفج وياهن يابعد روحي
وانتن امشن منا يله روحن لحجرت
بيبيتجن ولا تطلعن
ضلت سعاد نفس معاملتها ويانه ماتبدل احنه نخدمها ونخدم ابوي
وهي طكنا وتسبنا دووم
وتحرمنا من الأكل
ولا لبسه زينه عدنا ملابسنا تشككت علينا
ونخاف نطلب منها تشترينا
اجه العيد وضلينا نباوع بعيونه جنت اشوف البنيات لابسات هدوم العيد
وأنه هدومي مشككه
وكصار علي
وحتى دورات مالحك اسبح سبوع اضل هيج
واذا سحبت اضل ماامشط ماالوح امشط
دورات تمشطني سوسن
بالعيد سبحت وكلت لسوسن مشطيني
اجت تمشطني
وشافتنه سعاد كاعدين كالت شني ماعدنه شغل وعمل نمشط بيج
نضل جا موش عيد والوادم راح تجينه
وانتن كاعدات تملعبن
راحت جابت مكص وكصت شعري
كمت انكز ليش هيج
كصتي
انه أحب الطويل كالت اسكتي أم الكمل شني من حوره
كمت ابجي
شافني ابوي
قبل لا احجي كالت شوف شوف عيارة بتك
رأسها متروس كمل وصواب
وماكلها الوصخ الخايسه
سبحتها وكصيت شعرها ع العيد
فوكاها تبجبج كامت
كال ابوي ها ولج جا فوك ماتنضفج
شني عليش تبكبكين
يله ولي غاد مني موتني بنات حسنه
ساعة السودة عليجن
للعصر اجه اخو سعاد شاب عمره 20 سنه
كام يتبصبص ع اختي سوسن
اختي صدك عمرها صار 11
بس مثل مايكولون بزر عرب
طويلة وضخمه
وحلوه كلش عيونها زرك وشكره
وبيضه كلش
كام يوميه يجينه
بس من يجي انتبهت ع سوسن من اشوفه
تشرد منه واذا طب مجان تطلع هي منه
ومرات دكوم ترجف وتبجي
من هو اهنا.
من اسئلها دكلي ماكو شي
بس انت لاتوصلين يم جويسم أبد خوش
مرت الأيام وجابت سعاد ولد
وابوي طار بيه طياره عبالك ماشايف ولد
ولا عده 3 ولد
وع طاري خواني مره دزولنه هدوم بيد مرت عمي
كلش كيفنه بيهن
من موتت امي محد جابلنه
وابوي صالحهم بس ماقبلوا يردون للبيت
ضلو يم عمامي
ابن سعاد سموه كاضم
سعاد بس جابته وذبته ع سوسن
هي تغسل وتلبس
وحبلت هي ع الاربعين
كاظم تعلق كلش بسوسن
حتى من اشيلة سعاد مايريدها
يبجي ع سوسن
جويسم ها لفتره ماعافنه يروح ويرد علينا
اشترالة ابوي سياره كوستر يشتغل
بيها بعد ماضلت تنك براسه سعاد اخوي شاغول اشتريله سياره
ويشتغلك بيها
ليش ضام فلوسك بالديلاب
خوب تشغلهن احسن
ابوي كيف كام واشتراله سياره
كام يوميه عدنه
كمت اشوفه يتحرش بسوسن عينك عينك
وي تشرد منه من مكان لمكان
فرد يوم سمعت سعاد دكله عاجبتك
يكلها كلش هالمفلوكة شحلاتها صدك جاهل وزغيره
بس شني جنها فرنسيه
كالت مادام عاجبتك ازوجها الك وأنه اختك
كالها وين مااضن ولد عمها ينطوها
انت مالك شغل
ازوجها الك غصبن عليهم
فوك ماراح تسترها
وغمزت اله
هو ضل يتمضحك خوش
يعني راح تسويلي فرصه اخلى بيها
مالك شغل مثل ماكتلك انت
اني رحت ركض لسوسن كلت الها
كالت لو يموت جويسم مأخذه كامت سعاد توز بابوي خلي ازوجها لجاسم اخوي شو جمال
وشاغول شناقصه
كالها ولد عمها ياخذوها مايرضون حاجين عليها من زغرها
كامت تزعل علي شني ولد اخوك أخير من اخوي
موش وزوا ولدك عليك
جا شني انه كلت لاخوي ازوجها الك
تريد يكول عليه مامقدرها رجلها
افه عليك
مامرجيه منك تردني
كالها عود يصير خير بعدين عود
نتفاهم
سعاد من الصبح كضت سوسن خيبه شوفي
اذا مارضيتي باخوي
وحك العباس اشوفج نجوم الظهر
اريدج دكولين لبوج أحبه وأريده
خوش
هزت رأسها بمعنى اي
من طلعت سعاد تفلت بالكاع
كالت لو يموت جويسم مأخذه
اجه جويسم
وسولفتله سعاد أخذته بحجرتها وراحت وطلعوا مدري شكالوا وشتفقوا
جويسم ضل عدنه بايت
باليل نايمين واسمع اختي سوسن تصرخ بسكوت ارفع راسي
واشوف جويسم فوكاها وساد حلكها بيده
خفت اكوم يضربني كمت وعضيت زينب حيل وخليتها تصرخ
وهو خله وشرد وأنه كمت اصرخ وسوسن تصرخ
لحد اجه ابوي وحسين يركضون علينه
وللحكايه بقيه
#ام_مصطفى
