#طفولة_ضائعة
البارت 11
#ام_مصطفى
هذا بارت لعيونكم
تعجبت ليش هيج يصيح شبيك سامي شصاير
شنو شصاير منعول والدي عليج أريد اشوفج وانت مامهتمه لو تحبيني صدك جا اشتاقيتي الي انت تسلين وياي ضاله انت شنو ماعدج حساس ماعدج كلب يشتاق صار سنه اتوسل بيج بس اشوفج من ابعيد ماتقبلين هيج ماتثقين بي
كتله ع كيفك شجاك هيج هديت عليه فرد هده
جنك ماتعرف وضعي شلونه وأنه من البدايه كتله مااكدر ابقى وياك وانت كلت بس اسمع صوتج اضل
شني اني صخر ولج ما اشتاق
هسه لو اشوفج بالشارع يمكن مااعرفج
حتى شكلج راح أنسى
شوفي اميره لو دليني ع البيت
لو ع المدرسه واجيج اخذج
نطلع مكان نكعد اني وياج بي
أريد اشوفج وإشبع شوف منج
لو من اليوم كلمن بطريق يروح
ماطول ماعدج ثقه بيه
كتله انته كلتها كلمن بدربه يروح بعد أنه من البدايه تعرف مااكدر اطلع وياك
لا تكدرين
لا مااكدر خاف عبالك يتامى يعني محد ينشد علينه
انه مو من هذن اليفرفرن وي الولد
انه بت عشاير
والديره كلها تعرفنه
اذا طلعت وياك الف واحد يشوفني
كال انه مالي شغل بهذا الحجي انه كتلج كلمه
لو تدليني ع المدرسه
لو كلشي ينتهي بينا
كتله هاي هيه كلشي انتهه اعتبره
سديت الخط
وكعدت ابجي واندب حضي المصخم شماله شجاه هيج صار وياي
اجت اليتيمه تفرح عود
هو الماله اول ماله تالي
زينب يمي كلشي تسمع
كامت تصبر بيه طحت وقفلت المبايل وشمرته فوك الكنتور
وخذت عهد ع نفسي بعد أبد ما اخابره اذا يريدني يدل بيت ابوي
يروح يخطبني منا
واذا لا قسمه وماصارت ويجوز
بيها خيره الي
كلت اهتم بدروسي وهاي امتحانات آخر سنه
اجت عدله كلت اضل التي بيهن ودرس
اصلا انه ماعدي مجال لهاي السوالف
أريد بس وكت ادرس بي عفته بالليل أون عليه وزينب اشوفني تنقهر علي دكلي
اذا يحبج وتحبينه ليش ماتخلينة يشوفج
اكلها لا مااكدر خلي هيج احسن طلعت منا اذا يريدني يروح يخطبني
انه مو مال حب انه مال أخدم وأنجب احنه مثل ماكالت سوسن ماعدنه أم تسترنه
اخاف باجر كلشي يصير وحميد يذبنه هم بالشارع وين نولي
خليني مستوره ابيت يلمنه
زنوبه التهي بدروسج ومالج شغل بيه انه اتحمل كلشي
كمت ذبيت روحي ع القرايه وع الصلاة وادعي ربي يخليني اكدر أنساه
رحاب زادت ويانه انوب كامت حتى غرفتها انضغها تريدنه ونصب ونحط كدامها
يعني صرنه خدم صدك عدها
من غير الحجي التسمعه النه
واذا انكسر ماعون دكوم ادردم وتحجي وتغلط
والأكل كون نسوي ع كدهم ومن يزود منهم يله نأكل
اضنها كلش ضاجت من كعدتنه كامت ادور حجج
وهذا وصخ وذاك خربان
وخايسات ماطيح الحجايه من السانهه
مدري شجاها تسودنت علينه اخر فتره اضن لأن ذولاك اخوني شالوه اديهم من عدنه كلش ومحمد هو تكفلنه بالمصارف
خلصت الامتحانات ونجحت وبدت العطله مال المدرسه
سوسن بين فتره وفترة تجينه هي وسعد
سامي من يومها ماخابرته
صدك اشتاقله واون عليه وكلبي يوجعني من أذكره واذكر كلامه وياي
بس لو صدك يحبني جا راح خطبني
وره فتره داومت صف خامس علمي
زينب كالتلي اميره سامي يريد يحجي وياج صارله فتره يتوسل بيه اكلج تحجين وياه
كتلها شلون وانت وين تشوفينه
وللحكايه بقيه
#ام_مصطفى
أن شاء الله راح انزل باليوم بارتين
حتى اخلصها قبل الامتحانات
