كمت ابجي واشهك
كريم ولج كافي شجاج مدكليلي مو الولد اخترع
مااكدر كريم والله دموعي تنزل لا اراديه
مشتاقتلهم كولهم مو بس مشتاقه الهم الدريونه ذكرتني بالطفوله الضائعة الي عشناها بالضم الي شفته بجويات سعاد الي لهسه اثارهن بجسمي
لربطة رجلي بالحوش والشمس تسكع بيه
لنومتنا اني وأخواتي بله عشه وخايفين ووحده حاضنه الثانيه ونرجف خوف وجوع
شكد ضيم وضلم شفنا بهذا البيت
شكد تحملنا اه اه
وصلنا لباب عيالي
بيت اهلي كبالهم باب بالباب
باب اهلي مسدود
ردت اروح الهم كريم ماقبل كال خلي نسلم ع اهلي اول عيب
كريم مااكدر فدوه لا تجبرني مااتحمل
أريد اشوف زينب كلبي ماكلني عليها
فدوه عوفني
جرني راد عفت ايده
وكمت ادك بالباب
اول مفتح الباب ابوي جيت علي بويه بويه طك كلبي عليك بويه
حضنته
كال اميره هله بويه هله بيج
بويه ابوي كامت تنزل ادموعه
اول مشافني ذبيت ابني وشبكته
بوي اروحلك فدوه
كمت ابوس بيه
وهو يبجي وإني ابجي
نوره جرتني ولج اميره صدك اميره
ولج طك كلبنا عليج
هم حضنتني وتبوس بيه
حبيبتي وعلي مشتاقتلج
وإني هم والله احجي وامسح بدموعي
وين زينب أريد اشوفها طك كلبي عليها
فدوه خابرن سوسن خلي تجي
سكتت نوره
كتلها ها شنو وين زينب
كالت دتعاي فوتي هسه
سعاد جانت واكفه يم باب غرفتها
اجت سلمت هله هله اميره شلونج
اشتاقينالج
شني زياره اجيتي زعلانه مطروده
نوره كالت يمه خلي أطب البت تلكيتيها من الباب
لا جا اتطمن عليها انه شني شعدي وياها
كتلها اطمني اجينه نتونس ونشوفكم ونرجع 😊☺
نورا ماكلتي زينب وين
هااا
مو زينب طلعت من عدنا راحت وي كاضم
يا جا كاضم وين راح
مو كاضم عرس وطلع بيت وحدهه
وأخذ زينب وياه
ليش شعجب طلع بيت وحده
هو هيج راد
هنا عرفت وراي صايره مشاكل
سكتت كتلها خوش
ماتخابريها فدوه هي سوسن
كالت خيه مو تدللين
كعدت ابوي طبب كريم الي كلب خلقته وكام يخزر بيه
شلون طبينا ع اهلي وما طبينا
لهله
نورا خابرت البنات كالت هسه راح يجون كلهم
طار من الفرح ومامصدكات اله حلفت الهن يلله
اني هم كمت كلت لكريم يله نروح نسلم ع أهلك بين مايجن البنات
ابوي كال اي حك
كام كريم كتله اسفه والله مو بيدي مشاعري اتحكمت بيه
طبينا ع بيت عمي هم استقبلونا بفرح وبجي وهلاهل
بسرعه سوو غده وهم خابروا إخوانه واخواته
اندك الباب وطبت زينب تصيح مثل المخبله وينها وينها
كمزت ع صوتها كمت وكفت
نملت رجلي وادي وختكتني العبره
التقت عيوني بعيونها
ركضت حضنتني اميره اميره
ولج ليش هيج تسوين بيه
ليش عفتيني ولله والله متت الف موته بفراكج
والله يتمتيني مره ثانيه
كامت اطلع شكو حجي بكلبها
مانطقت ولا كلمه بس ابجي كمت مااشوف بعيوني
وخنكتني العبره أريد احجي مااكدر
رغم قسواة الكلام الي دكوله بس اني نفسيتي ارتاحت من شفتها
ردت روحي بشوفتها
كتلها كافي حبيبتي كافي تعالي اكعدي خلي أشبع شوف منج
كابلتها بس تجي عيني بعينها نرجع نتحاضن ونبجي
أكثر من مره حاولنا نوكف ادموعنا ماكدرنا تنزل لا اراديا
عمتي أم كريم كالت صلى ع محمد
اللهم صل على محمد وال محمد
طبت سوسن هالمره اني الي كمت ابجي واصرخ واحجي
سوسن حبيبتي امي اختي
شكد احتاجيتج شكد بجيت ع شوفتج
ردتج يمي وإني اطلك
احتاجيتج وإني نفسه ومحد الي
احتاجيتج هوااي
سوسن هواي
كلهم بجو ع بجينه
الولد ضلو يضحكون بينه
التموا سعد وكاضم وحسين اجه ومرته
تحولنا لبيت ابوي
وضلينا للصبح كاعدين دك سوالف
زينب استلمت علاوي ابني
بوس وماذبته من حضنها حتى بالليل
من نام كل شويه تبوسه
ولج احجيلي ليش
رحتي وي كاضم شصار وراي
شحجيلج اميره اكو غير سعاد
مرمرتني تمرمر وراج
وكل شويه مشكله وعركه
نورا تروح للمدرسه وهي
تروح إداري جويسم
ومن ترجع كون تلكه كلشي جاهز
وأنه بوكتها ارجف الزم ماعون يطيح مني
مارحمتني أبد
ليش هي تعرف الرحمه حتى ترحمج
الله لايوفقها
كاضم كام يتعارك وياها ع مودي
ويوميه مسويه سالفه بيه
طلعت طبت نامت خابرت
وتكب العركه
كام كاضم وأجر بيت
وكعدنا انه وياه وبنفس الاسبوع خطب صاحبته بالكليه وزوجها
بس شني درة مالت الله شلون بنيه مثقفه وحبابه
كاضم اول ماطبت كالها اذا ترديني احبج تحبين اختي
وتتعاونن اثنيتجن وتصيرن خوات. وفهمها انه اخته من ابوه ويتيمه.
البنيه الله شاهد من ذاك اليوم
الطبت بي للبيت ماشفت منها بس الحب والإحترام
وشتشتري لروحها اجيبلي وياها. أحس الله عوضني بيها بفراكج
كتلها الف الحمد لله حشى لله ينسى عبده
ابقي يمهم ولاترجعين لسعاد أبد كالت لا ماارد
اصلا البارحه فتحت موضوع
تريد تخطبني لخوها اي خوش صلوات وخوها تعرفينه شايفته
لا فرد مره لو مرتين اجانة للبيت
بس انه مااكعد يمهم
أطب لغرفتي
كاضم سوالي غرفه وكلشي خلالي بيها
ولج زينب لا كبل توافقين بالبداية اسئلي عليه وخلي كاضم يسئل زين مو كبل اجيتين مثلي وتوافقين
هاي الناس متنعرف
اله تعاشريها يله تعرفيها
كالت ليش كريم شبي سوالج شي هناك اذاج شو جنج مامرتاحه
لا مو قصدي شي بس اكلج اخذي حذر حبيبتي
اي ان شاء الله اكيد
ثاني يوم ابوي سوه عزيمة غده النه
وذبح خروف
وعزم اخواني كلهم ونسوانهم
وبيت عمي
ولتمينه كلنه
ع الغده صبوا الغده
وكعدنا مدينا سفره طويله وحده ع الغده
اني كاعده بصف خواتي
وكريم كاعد يم الولد
جان الأكل كلش طيب من زمان ماماكله هيج.
تشريب اصفر مال لحم غنم
وسمج بني مشوي بالتنور الطين
وخبز حار
اكلنا لمن رادت تنفجر بطني
خير العراق
خيرات الله كلها بيه
كلشي اله طعم خاص ونكهة خاصه
حتى الهوه يختلف هنا
كمنا نغسل واشوف كريم كام يوزع من خشمه وحلكه
وعيونه احسها تريد تطلع
دخيلك ياربي
شجاه كريم شني السالفه شبيك
مختنك حتى ميحجي
التموا الولد عليه واخذوه للمستشفى ضل بالي يمه شجاه شصار بي بعد متحملت أخذت أمه ورحت وراه للمستشفى
بس وصلنا شفنا هم يردون يطلعون
ها شنودة شصار وليش تاخرتوا
مصار شي
متسمم والحمد
لله تلاحكنا
سوله غسل معده وحطوله مغذي واجينه
ياا مسمم شجاه منين
كلنه اكلنه من نفس الأكل
خلينا وردينا وياه
اخذوه أهله يمهم كريم
رحت يمه اني شني شجاك
كال والله ماادري اني كلت
وأحس سجاجين تكطع مصاريني وبطني
ومعدتي كامت تكلب
كتله يجوز لأن صار فتره مماكل اكل دسم هيج صار بيك
كال يجوز
بس اباوع عليه وجهه اخضر اصفر صار
كتله هسه ارتاح
ضل كريم 3ايام يأخذ علاج لحد ماصار زين
وراها اخذونه سعد وسوسن لكربلاء ونجف زورونا
رحنا لقبر امي
شكد بجيت ع كبرها
اتذكرت من انسحكت كبالي
انعادت اللقطه علي عبالك هستوها
كمت اصرخ ليش يمه عفتينه
يمه محد رحمنا خلافج ضعنا واطشرنا
اول مره اروح لكبرها عمري مرايحه ومحد ماخذني أزور
زرنا ورجعنا للبيت
بقيت أسبوعين يم اهلي
حجيت لسوسن كريم كاعد من الشغل
وماعدنا فلوس نرجع
سولفتلها عايشين ع راتب علاوي ابني
بله مااذكر ليش بطلوه
خطيه راحت جابتلي 8 ورقات من سعد كالت اي تحتاجين
كولي
اشترتلي ملابس وغراض الي وال ابني
وراها حجزنا وقررنا نرجع
وحان يوم الوداع ودعت اهلي وأخواتي
بس هالمره مطمأنه ع زينب أكثر من الأول
وللحكايه بقيه
