أسيل : شبيه هذا غير يفتهم الموضوع يالله يضل يتزعل اگلج انتي متأكده يحبچ
منى : اي هو يحبني بس غيور هوايه ميتحمل يشوفني احجي وي اي واحد وهذا الشي ديسبب مشاكل بينه افف تعبت
أسيل : حاولي تخابريه من غير رقم وتفهميه لو تدزيله مسج
منى : اي هو ماكو غير هذا الحل
أسيل : لج امشي للمحاضره اتأخرنه
منى : اوك يالله
أسيل : مر ساعات ع الدوام وقرب ينتهي ..شويه واجه الخط مالتنه تجمعنه ورحنه بابا چان واگف بالباب من نزلت
عماد : هذا مو ابو ماهر هااا هسه يالله اتذكر هاي البنيه اخت ماهر
أسيل : شونك بابا
بابا : الله يساعدج بنتي
اسيل : ماما الغده جاهز
ماما : اي ماما بس روحي بدلي وصلي واني اصب الغده
أسيل : اي اوك اني اليوم كلش جوعانه
ماما : انتي ماتسمعين كلامي ماتاكلين الصبح
أسيل : گعدنه ع الغده
بابا : ماهر من تزوج بعد ماشفناه
ماما : مشغول بزوجته
سجى : زوجته خشمها بالسمه مايعجبها العجب .
أسيل : عيب تحجين عليها هاي زوجة اخوج
سجى : ماگلنه شي هاي الحقيقه
اسيل : بهل اثناء اجه ماهر وياه زوجته هم يشتغلون سوه بشركة
ماهر وزوجته : السلام عليكم
بابا : عليكم السلام . يالله تعالوا تغدوا ويانه
ايناس : لا عمو اتغدينه بره
ماهر : احنه طالعين الغرفتنه
بابا : ع راحتكم
اسيل : ماهر حيييل يحب زوجته تزوجها عن حب بس هو من تزوج ماضلينه نشوفه هوايه . خلي انام باجر وراي دوام
علي : گعدي اسيل ماما تگول يالله بسرعه
اسيل : هاا اي گعدت رووح
ام اسيل : يالله تعالوا الريوگ جاهز
سجى : اي ماما جايين
اسيل : يالله مع السلامه اني رايحه
ابو اسيل : الله وياج باباتي
اسيل : هلو بنات شلونكم
منى : هلا بيج اسوله
اسيل : اشو هذا همات يباوع امس عبالي صدفه
عماد : اسمها اسيل دااحجي وي نفسي بس هي كلش حلوه
اسيل : منى اگلج هذا عماد من امس احسه بس يباوعلي
