مرحبا
اني أسيل من بغداد عمري 20 طالبه مرحله ثالثه عندي 2 اخوان واخت وحده ماهر عمره23 اكبر مني بــ 3 سنوات متخرج ومصارله هوايه متزوج وسجى اصغر مني ب3 سنوات عمره 17 صف خامس وعلي اخر العنقود بصف الثاني متوسط حياتي جدا عاديه اروح للدوام ارجع اغسل واتغده وانام شويه بعدين اگعد اساعد ماما اذا محتاجه واخلص باقي الوقت ادرس وع هذا الروتين ...مره من المرات اتأخر عليه ابو الخط انتظرت هوايه بعدين أجرت تكسي ورحت للكليه من انتهى الدوام وهمات مااجه ابو الخط ياخذنه گلت الصديقاتي اشو ابو الخط اليوم ماكو شنو قصته گالوا منعرف حالنه من حالج بس هو مضبوط بمواعيدة ويانه احتمال عنده ضرف منعة ابو الخط رجال طيب عمره حوالي 50 المهم اجرنه سيارة ورحنه للبيت العصر هستوني گاعدة من النوم خابرت صديقتي منى .
منى: الوو اسيل
اسيل : هلو منى اليوم ليش مااجيتي للكليه
منى : لچ يمنه فاتحه هو اني خابرتج ع هذا الموضوع
اسيل: شكو شصاير فاتحتة منو ولج ؟؟
منى : ابو عماد ابو الخط خطيه توفى اليوم الصبح
اسيل : شنو لا اله الا الله خطيه الله يرحمه جان خوش رجال محترم افف ضجت واني اگول اليوم مااجه علينه
منى : اي خطيه احنه متعلمين عليه بعد منو يوصلنه
اسيل : بعد شنسوي امر الله .اگلج حبي خبرتي البنات حتى ماينتظرون باجر
منى: لا هسه ادزلهم ع الگروب واگلهم
اسيل : اوك يالله اني حروح ادرس
منى : بيباي
اسيل : مر شهرين مالگينه سايق نتفق وياه لأن احنه بنصف السنه والسواق اغلبيتهم عندهم خط وي غير بنات ضلينه اني مرات بابا يوصلني ومرات أجر تكسي بس اليوم واني بالدوام اجتي منى گلتلي
منى : اگلج اسوله بابا اليوم گلي منا وهيج حيوصلكم عماد ابن ابو عماد حيشتغل بدال ابوه الله يرحمه
اسيل : صدگ اي الحمدلله واخيراً . انتهى الدوام وجان اليوم خميس
