منى : ههههه ولج صارت بسرعة والله
اسيل : خطيه الله يسعدها هواي تعبت
منى : إن شاء الله تعالي ب3تبلش الخطوبه
اسيل : اكيد شون مااجي شيماء غاليه عليه
وصلت للبيت يالله مع السلامه
منى : الله وياج اسوله
اسيل : مااامااا
ماما : ها بنتي اجيتي الله يساعدج
اسيل : ويساعدج ماما شيماء اخت منى انخطبت
ماما : يااا صلاوات يمته انخطبت
اسيل : اليوم خطوبتها ومنى عزمتني ع الخطوبه
ماما : اي روحي شكو بيها واخذي سجى وياج خليها تتونس
اسيل : اي ليش لا .. لبسنه وكشخنه ورحنه للخطوبه هم قريبين ع منطقتنه داامشي اني وسجى وجان صادفنه عماد واصر يوصلنه
سجى : منو هذا
اسيل : هذا ابو الخط
سجى : يعني تعرفيه لعد خلي يوصلنه
عماد : اوصلكم انتوا نفس طريقي
اسيل : ليش انت تعرف وين رايحين
عماد : ع حد علمي اليوم خطوبة اخت منى
اسيل : اي صح بس منريد نتعبك ويانه
عماد : ماكو تعب صعدوا
اسيل : اوك
عماد : هاي اختچ
اسيل : اي نعم
عماد : اهلاً وسهلاً
سجى : اهلاً بيك
اسيل : وصلنه البيت اهل منى وسلمنه وباركنالهم وگعدنه وشيماء جانت كلش فرحانه والولد حييل فرحان بيها شقى وضحك مر شهرين من خطوبة شيماء ،نظرات عماد الي مستمره اني بديت انعجب بيه انجذبت بنظراته دائماً اذا صارتلي مشكله يساعدني مرات يصادفنه بطريق يصر يوصلنه مره اني وماما بالسوگ اجه سلم عليه
ماما : منو هذا احجي
اسيل : ماما هذا ابن ابو عماد سايقنه وهو ضل يوصلنه بداله
ماما : اهلاً ابني البقيه بحياتك
عماد : اهلا بيج خاله حياتج الباقيه .جيبي خاله اني اشيل عنج
ماما : لا ابني مااريد اتعبك
عماد : لا خاله ميصير والله
اسيل : اخذ العلاليگ من ماما ومني وگال الا اوصلكم بس الطريق كله ابد ولا باوع عليه يمكن لان ماما وياي من رجعنه للبيت اني جنت مشتريه اغراض الي
