دگت الباب احتاريت شسوي اذا تشوفني بعدني بالبدله شتگول وماالحگ ابدل فتحت الباب
ام عماد : بعدچ بالبدله يمه ليش
اسيل : عمه جنت تعبانه ونمت ماحسيت بنفسي
ام عماد : حقج يمه روحي بدلي ارتاحي
اسيل : اوك عمه . بچيت بحرگه شرتاح عمه واني ماادري عماد شبيه وياي .. شويه وگعد يباوعلي بنظره غريبه اول مره يباوعلي هيچ نظرة حسيتها حقد كراهيه بس اني ممسويتله شي ليششش اريد اعرف ليششش
عماد : اذا مااحطم حياتچ واعيشج بجحيم مااطلع اني عماد
اسيل : ليشش اني شسويت فهمني فدوه
عماد : تعرفين اول وتالي تعرفين
اسيل : گلي هسه مو ح امووت
عماد : عساج بالموت طبج طوب
اسيل : معقوله هيج تگلي وين حبك الي
عماد : هههههههه والله مصدگه نفسها خطيه درووحي
اسيل : خله وطلع وخلاني تايهه بافكاري جابوا الريوگ هو اكل وطلع ولا هامه شي اني مااشتهي انسدت نفسي حتى بچي مااگدر ابچي امه موجوده وعماتهم ضليت صابره ع تصرفاته منتظره يرحون اقاربه ..فرغ البيت بقينه بس اني وهو وامه عنده اخو بس حد هسه مشايفته بس اسمع بي المهم گلت اليوم لازم اعرف ليش تغير هيج دخلت للغرفه وسديت الباب..عماد هسه تگلي كلشي افتهمت ومااريد تگلي بعدين تعرفين لا هسه اعرف خوشش
عماد : اخوچ يگلج ليش اني
اسيل : منو ماهر .. هو شكو
عماد : هو أساس الموضوع كله
اسيل : ماهررر
عماد : اي ماهر الحقيرر
اسيل : لتغلط ع اخويه
عماد : اغلط عليه وعليج واهينج بالقندرة ياكلبه
اسيل : اسكت كاافي زودتها اني ساكتتلك ترى بس كلشي الا حدود
عماد : شتسوين بالله غصباً عليچ تسكتين ماعندج غير حل
اسيل : عفته يحجي ويصيح مااهتميتله رحت طلعت من الغرفه وگبل خابرت ع ماهر الوو
ماهر : هاا اسيل
اسيل : ماهر فدوه فهمني الموضوع فدوه وضليت ابچي مااتحملت
ماهر : اسيل شبيج احجي سوالج شي
اسيل : ماسوالي شي بس يالله احچي
ماهر : اني هسه بالشركه مااگدر
اسيل : ولكم فهمووني ح اطگ من القهر ليش محد يرضى يگول
ماهر : جايچ اني
اسيل : تعال فدوه بعد مااتحمل ..ضليت منتظره رحت للغرفه لگيت عماد گاعد گتله خابرت ماهر وگال هسه اجي
عماد : شنو شنو وين يجي
اسيل : هنا لعد وين متگلي
عماد : بيتنه يتعذره
اسيل : هو ماجاي يعيش هنا بس نريد نفض الموضوع ونخلص
عماد : شتفضين هي لعبه وفضيتيها بسرعه
اسيل : اندگ الباب اجه ماهر
ماهر : وينه هذا الززفت
اسيل : تعال للغرفه هناك نتفاهم
ماهر : يالله امشي
عماد : لا هله ولا مرحبا
ماهر : انت شتريد من اختي موضوعك وياي وبس اختي مالها دخل واني جنت باإيران مع الأسف مالحگت جان مخليت بابا يوافق
اسيل : ولكم احچوااا يالله واحد منكم يحچي
عماد : هذا اخوچ النذل الي شايفته گدامچ خااني الحقيررر هو والكلبه إيناس
ماهر : انچب لتجيب سيرتها
اسيل : شلون خانك هااا ايناس شبيهااا
عماد : ماهر جان صديقي من الاعداديه اعرفه بالكليه اتعرفت ع بنيه حبيتها من كل گلبي سنتين احبها وچنت اسولف الماهر عليها وع حبنه بالسنه الثالثه حسيتها تغيرت عليه وماهر ضل يقنعني عوفها متفيدك ويحاول يكرهني بيها بس اني عبالي صديقي وداايحاول ينصحني بس اني اگله شون اعوفها ولك احبها اموت عليها اني ناوي هاي السنه اخطبها هو من گتله هيچ راح ماهتميت ضليت اسمع حجي من الكليه ماهر وايناس واحد يحب الثاني هواي گلولي مصدگ كذبتهم وصدگت حبي گلتلها ايناس ح اجي اخطبج هي مقبلت وگالت اكمل دراسه اني مستحيل اتزوج هسه بس هي حسيتها ماضلت تبادلني نفس الشعور واني كاتل نفسي عليها متاني تخلص هل سنتين واخطبها صعقت بالخبر ايناس وماهر انخطبواا هااااا شلوون بعدني اكذبهم
