ضليت اجذب كل الحجي اللي يوصلني عنهم الى إن شفتهم سويه سووا نفسهم ميعرفوني اني بساعتها انهاريت صارت بيه حاله نفسيه صديقي وحبيبتي تركت الدراسه انعزلت كرهت كل الناس بعد ماأمن بأي واحد ضليت ع هاي الحاله اهلي ميعرفون شي بس مقهورين عليه ويحاولون وياي من مات ابويه امي قنعتني اشتغل بالسياره بداله حتى اغير جو اطلع من الي اني بي اول يوم بديت اوصل البنات شفتج بس حسيت اني شايفج بس وين ماادري ثاني يوم شفت ابوج بالباب عرفتج طبعاً اني مشايفج بالحقيقه قبل بس بالصور من عيد ميلاد ماهر المهم قررت انتقم وضليت اطلعلج بكل مكان حتى اوصلج الولد الي عاكسج كبال الكليه اني دازه حتى تنعجبين بيه هاي جانت خطتي وخليتج تحبيتي
اسيل : باوعت ع ماهر كرهته لأن كلشي بسببه وعماد ندمت لأن حبيته اني شنو ذنبي يصير بيه هيج اني مالي ذنب وااااالله بجيت من كل گلبي عماد يسولف واني ابچي صرخت ع عماد حقيررر يعني انت ماتحبني وقشمرت عليه زين اني شنو ذنبي ليش هيج سويت بيه
عماد : ذنبج اخت هذا النذل
ماهر : اني ماخنتك وإيناس متحبك ولا حبتك بيوم وانت جنت مأذيها..يالله اسيل امشي ماتضلين هنا
عماد : هههه وين ماخذها حبيبي هاي زوجتي مو بكيفك تاخذها
ماهر : شتريد من عدها بعد ما دمرت حياتها ارتاحيت
عماد : لا بعدني ممسوي شي
اسيل : ليش شتريد بعد اني مستحيل اضل وياك لحظه وحده
عماد : مو بكيفج اني زوجج وغصباً عليچ شحدچ تطلعين من باب البيت
اسيل : ماهر مااتحمل خله وطلع عماد طب يسبح رحت الغرفة عمتي لگيتها تبچي سألتها شبيج
ام عماد : سمعت كلشي چنت گاعده
اسيل : عمه اني مغلطانه بشي والله ومالي ذنب يمكن ماهر اخويه غلطان بحق عماد بس ماهر يگول ماخنته مااعرف من الغلطان
ام عماد : يمه ادري بيج مالج ذنب زوجته عبالي يرتاح معبالي هيج
اسيل : عمه اني حياتي تحطمت عفيه گليله يطلگني
ام عماد : لاتتسرعين ان شاء الله كلشي يتعدل
اسيل : مااعتقد عمه .. ضل الوضع ع حالة ورا يومين عرفوا اهلي بالي صار واجوي بالليل بابا وماما وماهر وإيناس گعدنه بابا گال الماهر احجي فهمنه ليش سويتوا هيج انت وإيناس طبعاً عماد موجود إيناس گالت عمو اني احچي
ايناس : اني احب ماهر واعرفه قبل ماالتقي بعماد وجنت اعتبر عماد صديق لا اكثر بس هو مجان يعرف اني احب ماهر بعدين ماهر اجه گلي لازم ينتهي كلشي بينه گتله ليش ماهر انت مو تحبني گال اي احبج بس اليوم عماد اعترفلي هو يحبج ومايگدر يعيش بدونج اني عصبت احنه نحب بعض ماهر انت تريد تضحي بحبك ع مود صديقك ماهر گال اي مستعد اضحي ع مود صديقي..ضل يتوسل بيه حتى نعوف بعض وگلي إيناس فدوه عماد انت متعرفيه مريض خطيه الخاطري اذا تحبيني صدگ اني سويت الي يريده حاولت انسه ماهر .اتقرب من عماد بس مگدرت عماد اناني ويغار من كلشي تعبني أذاني هوايه كرهت نفسي من ورا بعد مااتحملته رحت الماهر گتله بعد مااتحمل كافي اني شنو ذنبي واذا انت بعدك ع موقفك الا اكتل نفس وحتشوف وجنت احجي بعصبيه ماهر حاول يهديني من عرف اني دااحجي صدگ خاف اسوي بنفسي شي حظني وگلي اني احبچ ومحعوفج صدگيني وبالنسبه العماد احاول اخليه يكرهج بأي طريقه فشل ماهر بهل شي واني وعماد خطبنه بسرعه لان ابن عمي راد يخطبني وهذا كلشي
عماد : انتوا كذابين حقراااء طلعوا بره يالله
ماهر : هاي الحقيقه متريد تصدگ ضلت يمك
ابو اسيل : ابني عماد اني اعتذر منك اذا هم غلطانين وياك بس اسيل مالها ذنب وانت عرفت الحقيقه خليها ترجع ويانه
عماد : لا اسيل زوجتي مااخليها تروح وياكم
اسيل : انت شتريد مني مو عرفت كلشي ماهر مغلطان كااافي عاد
عماد : اني تحطمت حياتي بسببهم افتهمتي ومااخليج ترحين
اسيل : مر شهر ع زواجنه وخلصته عذاب
