وخلصتها عذاب وقهر يطب ويطلع يغلط ويصيح امه متگدر تسوي شي كرهت حياتي ..بيوم اندگ الباب الصبح طلعت فتحت الباب
أحمد : مرحبا انتي اسيل مو
اسيل : اي نعم انت منين تعرفني
أحمد : اني احمد اخو عماد
اسيل : هاا اتشرفت اهلاً وسهلاً الحمدلله ع السلامه
أحمد : الله يسلمج ومبروك.اني اعتذر محضرت بالعرس
اسيل : معذور اني مقدرة ضروفك.. عمتي فرحت برجعت احمد وگعدنه اتغدينه عماد مو بالبيت وضلينه نسولف .. شگد حباب وهادىء وخجول كلش عكس عماد بكلشي حتى بشكله يختلف ولا كانه اخوه طويل حنطاوي وعيونه بيهن لون شعره طويل شويه يشبه عمتي عماد طالع ع ابوه . اجه عماد وتفاجئ بجيت أحمد وگعدوا يسولفون بالليل رجع عماد سكران كالعادة دفعني وضل يصيح عليه احمد سمع صوتنه اجه يركض وخلصني منه وسولفتله كل الموضوع ماقبل ع اخوه ضل يحچي عليه عماد مااهتم الكلامه ميفيد وياه الحجي ابد
أحمد من عرف وضعي ضل يساعدني يخفف عليه مرات اصفن ليش عماد مو مثل اخوه
كرهته حييل راواني الويل دائما يسكر ويروح يتهجم ع اهلي واعترض الماهر بالطريق وضربه هو وجماعة سكرانين وياه ،
احمد يخجل من تصرفات عماد ودائماً يعتذر مني ومن اهلي عمتي تحبني هوايه
أحمد : اسيل وينج
اسيل : هاا احمد
احمد : شوفي هاي الملابس اليوم اشتريتهن حلواات
اسيل : اي كلش حلوات بس ينرادلهن كوي بس مگتلي شعندك اليوم
احمد : قبلوني بالوضيفه
اسيل : الف مبروك الله يوفقك
احمد : شكراً الج بس عفيه ممكن تكوين الملابس
اسيل : اي تدلل .. احمد حييل فرحان بوظيفتة الجديدة ووعدنه اول راتب اله ياخذنه للمول اني وعمتي ام عماد ويونسنه وطبعاً سوه مثل مگال وطلعنة واصر علينه نشتري الي يعجبنه وگال اشتروا ومعليكم اني ادفع تونسنه هوايه عماد من يشوفني فرحانه يضووج يطلع الفرح من عيوني
------------------------------------------------------اعتذر منكم طولت عليكم إن شاء الله باجر اكملها
ﺳــڕﭐﭐﭐۄﯤ
