حكاية المجنونة سمر #باللهجة الجزائرية #

اكتشاف الحقيقة 😢

هاني زدتلكم جزء غير كي جيت نحبكم ❤ ههههههههههه
ايا نولو للقصة

وكي راحت سمر تبع يماها لتم كانت صدمة شافت يماها مع واحد راجل يشبه لباباها
تم سمر خلاص فشلت صح تكات على الحيط وقعد  يدور في راسها شحال من سؤال
زعما هذا بابا لالا سمر واشبيك باباك مات
اففففف واش ندير وايذا ماشي بابا واش اهي دير معاه ماما
زادت قربت سمر شوية وتأكدت بلي هو باباها خلاص مقدرتش تتحمل تفكرت شي لي كان يديرهولها ويماها مزالها معاه وكيفاه تقولها مات وهو احي مقدرتش تتحمل  راحت تجري لدارهم وهي تبكي ودموع مفارقوش عينيها وتزدم في واحد
سمر : اسمحلي مشفتكش
عاصم: واش من حمار مات باه تقولي اسمحلي
طلعت راسها وشاف عاصم وجها معمر بدموع مأمنش بلي هاذي سمر
سمر : خلاص صحا اخطيني خير
راحت سمر لدار وعاصم قعد يخمم  علاش كانت سمر تبكي و وين راهي هاذيك سمر لي كي تقيسك تضربك حس حاجة ماشي نورمال حس روحو بدا ينجذب ليها  مباعد قاطعوا صوت
.... : اهلا وليدي راك هنا
عاصم : ااااه واشراكي يما لاباس
..... : الحمد لله يا وليدي
عاصم: واش حكيتيلها سمر عليا اي قابلة
ام سمر: ليوم نزيد نسقسيها ونقلك
عاصم : صحا يما معليش تعطيلي نوميرو تاعها
ام سمر : ايه معليش
وعطاتهولو
رجعت جميلة لدار ولقات سمر قاعدة خزرت فيها سمر
سمر بجدية : ماما وين كنتي؟
جميلة :ياخي قتلك كان عندي شغل
سمر: ههههههههههه
جميلة: واشبيك تضحكي
سمر: هكا يا ماما عيشتيني في كذبة وهاذاك لي منتي معاه شكون
اه حقا نعرفو هاذاك بابا لي قولتيلي مات هاذاك بابا لي عيشني حياة لجحيم هاذاك بابا لي رغم شي لي دارهولي بقيتي معاه وتكذبي عليا وناضت تصفق وتضحك برافو ماما والله قدرتي ديري هاذ شي كامل
جميلة: بنتي اصبري نفهمك 
طلعت سمر لشمبرتها و لبست سيرڤات وباسكيت طلقت شعرها ودارت كيتمان وخرجت وشادة دمعة بسيف جرات جرات حتى عيات راحت قعدت في واحد لكرسي ويصوني تيليفونها رفدت بلا متشوف شكون
سمر تبكي: علاش اكي تعيطيلي ماما مور شي لي درتيهولي حابتني نرجع عندك حطمتيني عاودتيي فكرتيني في الماضي لي عشتو علاه
عاصم: سمر منيش يماك انا ياك انا عاصم
سمر تشوكات : ونتا شكون عطاك نوميرو ديالي وعلاش تعيطلي
عاصم: عطاتهولي يماك وحبيت نقلك بلي غدوة نجو نخطبوك ومكاين ني عرس ني والو
سمر: وشكون قالك راح نقبل بيك
عاصم : تقبلي بسيف ولا قادر ندير ليماك عفسة متتصوريهاش
سمر رغم شي لي دارتو يماها وبقات تحبها
سمر: خلاص خلاص نقبل وخلي ماما بحالها
كوبا عليها عاصم وقعدت سمر تبكي على حياتها وزهرها لمعوج
ولات لدار محطمة وقالت ليماها على عاصم وبلي اي  موافقة وغدوا يجو يماها محكات حتى كلمة لانها عرفت روحها ضلمتها

او كتبت بزااف غدوا نكملكم الباقي  ههههههههههه حبكم كشرودات😊😍