حكاية المجنونة سمر #باللهجة الجزائرية #

مرض و موت

خفت تكرهوني كي درت فيكم سكارة مالا قلت نكملهالكم 😀😂
نولو للقصة

والمفاجأة كانت انو سمر شافت يماها طايحة فلرض حست كانو راح يصرا حاجة
سمر تبكي : ماما تعيشي نوضي ماما متخلينيش شكون يضل يعايرني ويهبلني
ام سمر: مهدرت والو كانت متغاشية
رفدت سمر عيطت لسارا وقاتلها
سمر: سارا تعيشي ارواحي نتي وخوك م. ا م ا لقيتها طايحة فلرض منعرف واشبيها
سارا مندهشة: خلاص اني جاية حنونتي متخافيش
راحت سارا وخوها عند سمر ورفدو يماها داوها لسبيطار
بعد ساعة
سمر: دكتور قليي ماما واشبيها
دكتور: شوفي بنتي انا نقلك الحقيقة ماما عندها ورم خطير وجسمها ضعيف مقدرتش تتحملو والحقيقة المرة انو مبقالهاش بزاف وتموت
سمر سمعت كلمة تموت رجليها معادوش  يرفدوها قعدت فلرض ولات بذاكرتها للوراء وين كانت يماها تلعب معاها تضحك معاها تعيط عليها تفكرت كلش وغير فاقت بلي هاذ شي كامل راح يروح كي تموت يماها خلاص انفجرت بالبكاء وولات تعيط
سمر: ماااااااااا.      ماااااااااا علاش راح تخليني
راحت سارا تجري عندها وتحضن فيها وتصبر  فيها
ناضت سمر ودخلت عند يماها تبكي خايفة وحطت راسها عليها
سمر: ماما سامحيني على كلش والله مني قادرة نستوعب حياتي بلا بيك
رفدت جميلة يدها ومسحت بيها راس سمر
جميلة: بنتي راكي مسامحة بصح كاينا حاجة اني مخبيتها عليك ولازم نحكيهالك
سمر: ماما معليش مشي دوك اكي عيانة
ج جميلة : لالا بنتي نقولهالك دك
وبدات تحكي
جميلة: شوفي الحقيقة لي قالهالك انس صح عندو الحق بصح انا كذبت عليهم في حاجة ماشي محمد لي هددني انا حبيت نروح نعيش معاه كنت نحبو وقلت لباباك بلي هددني وغايتو مكنوش دراهم اصلا هو عندو دراهم خطكش كان يتاجر بالمخدرات غايتو كانت نتي كي عرف بلي عندي توأم نتي وانس حبك تعيشي معاه باش كي تكبري يتزوجك لعاصم ويورث وليد خوه كامل دراهم باباك الحقيقي واغتنم الفرصة بما اني نحبو لعب عليا وصرا لي صرا
سامحيني يا بنتي خبيت عليك الحقيقة
سمر: ماما اكي مسامحة دك ارتاحي باه تبراي
تسمع سمر صوت الة دقات القلب تدل على توقف نبضات المريض خرجت سمر تجري لعند طبيب
سمر : مممماااماا دكتور اجري
راحو لممرضات وخرجو سمر ودخل دكتور وسمر حالتها تقطع لقلوب تصير فيها غير سارا مور ساعة خرج الدكتور وحالتو متفرحش
سمر: قلي ماما واشبيها واش جرالها
الدكتور: للاسف فقدنا المريضة
سمر ثم حست صح بلي يماها ضاعت من يدها حست صح بلي كلش راح يتلاشى رجليها فشلوا طاحت فلرض وبدات تعيط وتبكي حتان جاو لممرضات يجرو دارولها مهدأ وحطوها في شمبرة سارا تبكي على حالة صحبتها وواش. راح يجرالها بعد مماتت يماها

شفتو قلبي شحال بيض غضتوني محبيتش نخليكم هكا😂😂😂😂💋