حكاية المجنونة سمر #باللهجة الجزائرية #

الذهاب إلى فرنسا

اسمحولي لبنات والله لقراية عياتني😂
نولو للقصة

بعد ماماتت يمات سمر وقعدت سمر فهاذيك الحالة جا انس وباباه حتى انس كانت حالتو كثر من سمر يماه لي غير كيما لقاها ضاعت من يديه  وبقات حالهم هكا مكتأبين كامل
بعد 5 اشهر
انس: يا سمر راح تهبليني نوضي طيارة قريب تفوتنا
سمر: نزيد نرقد شوية عيط لسارا تجي مباعد نوض
سارا : الله لا تربحك يا لمخلوقة نوضي انا جيت وكملت
انس: ههههههههههه  تبقاو هكا سما,
سمر: خلاص اني نضت
خرجت وجدت روحها وراحو في ثلاثة للمطار
نولو شوية للماضي
كي ماتت يمات سمر دخلت سمر في خالة اكتئاب شهرين وهي هكاك ومع دعم باباها وانس خوها وسارا صحبتها رجعت لطبيعتها المرحة
واحد نهار راحت للجامعة وقررت تهدر مع عاصم وتفسخ الخطبة
سمر: هاك لخاتم ديالك ومذابيك تنساني ومني خطيبتك منعرفك متعرفيني
عاصم :معليش الاايام جاية وراح تشوفي
راحت سمر ومدارتش كامل هدرتو في بالها
مباعد قرر باباها يبعثها لفرنسا مع خوها  انس وصحبتها سارا باه يونسوها ويكملو كامل قرايتهم تم ويستقرو تما

نولو الحاضر
ركبوا في. الطيارة
سمر: يا ڨليع ڨلبي شدونيييي شدونيييي راح نموت اصبرو مزال متزوجتش حبيييت نعيييش😭
سارا:ههههههههههه واشبيك يا طفلة
انس: ههههههههههه واقيل تخلطولها الابراج
سمر: طيارة نخافها ياااخاه
انس: خلاص ختي انا معاك 😂😂
لحقو لفرانسا هبطو من طيارة داهم انس لدار لي راح يسكنو فيها غنخلفهالكم
سمر: ايما شدوني واش جابوا للهنا يا جدكم
سارا: انس ياخاه عيط عيط لشوفور يردني للمطار وعلاه جبتنا لهنا
انس: ههههههههههههههههههه. واشببكم هنا راح نسكنو
سمر: اي شوف ضرك سكر يهبطلي ولاطونسيون راح تطلعلي ليوم نموت
سارا: انا واش نقول لسكنت هنا ميبقالي والو
انس: يعطيكم غمة ايا ندخلو لدار
دخلو في ثلاثة لدار عجبتهوم بزااف وديكور تاعها راح كل واحد يشوف شمبرتو رقدو مناضوش حتى لعشية
سمر: ياخاه كرشي راهي تغني قتلني لجوع ياااو نوضو
انس: نتي كاش نهار تخلي لواحد يرقد كي ناس
سارا: اك تشوف
سمر: نلعب ولا نحرم اكو تشفاو قبل منجو كيفته نوضتوني ضركا نخلفهالكم
# يسموها مدام مخلوفة مرت مخلوق تفكرت شيخ تاع فيزياء يقولهانا😂😂😂😂😂#
نولو للقصة😂
المهم لبسوا كامل وخرجهم انس يحوسو ويرهجو كاش حاجة في طريق
سمر: راهي جايتني واحد نفحة نغني غنية تاع ايمن سرحاني انا لي نبغي لاطاس 38 ههههههههههه # هبلت الطفلة ولا اثرت فيها فرنسا#
سارا: والله حتى انا ايا نغنو
انس: يا المهبولات اصبرو اموا نروحو لبلاصة خالية شوية واندبو
وناضت سمر وسارا يغنو بأعلى صوت حتى تشوف في واحد لبقلاوة يا محاينك شحال شباب حكمتها دوخة هههههه
# انا كن جيت في بلاصتها راني لصقت فيه مسكينة هي متعرفش صلاحها ماشي كيما انا😂😂😂 #
.... . . : pardon ! Pourquoi tu chantes comme ça ? Vous êtes malade ?
سمر : انا maladeيا وجه البرويطة
...... : ههههههههههه دزيرية تاني غير بنات بلادي لي مهابل كيفك
سمر: مسلمين مكتفين مسلمين مكتفين نتا جن ولا واش يعني تهرب من دزاير نلڨا اشخاصها😂😂
...... : بصح اسمحيلي عندك واحد صوت يا لطيف 😂
سمر: وجهك صحيح تهدر فيها
انس: واقيل نتي حلاتلك لڨصرة مع راجل
مباعد كي خزر فيه مليح
انس: ياااااااا امير هذا نتا صاحبي
امير: انس والله توحشتك خو
سارا تهدر مع سمر : متقوليليش يعرفو بعضاهم
سمر حايرة: اڨليع ڨلبي انا ليوم نموت مبقاليش
كامل سمعوها ناضو يضحكو

اي راني طولتو شوية غير علاجالكم كشرودات
حبكم💋😍