حكاية المجنونة سمر #باللهجة الجزائرية #

الخطبة

اني جيتكم توحشتوني باينا ههههههههههه خلاص راح نكملكم القصة وقولولي ايذا اكو حابين كي نكملها نزيدلكم واحدوخرا باللهجة الجزائرية 💋
نولو لحكايتنا❤

غدوا من ذاك ناضت سمر بكري وعينيها منفخين من دموع دوشت ولبست كان لويكاند وخرجت بلا متقول ليماها  وعيطت لسارا قالتلها على شي لي صرا سارا مأمنتش

نولوا شوية لحديث سارا وسمر #
بعد محكاتلها سمر
سارا: واشبيك هبلتي تقبلي بيه راح يندمك في حياتك
سمر: والله محتمة عليا هددني
سارا : خلاص حبيبتي ودوك كيفاش ديري مع يماك
سمر: منقدرش نبقى مهاوشتها لازم نسامحها ونقولها تحكيلي واش صرا و واش كانت مخبية عليا
سارا: معليش حبي المهم رضاية يماك
عيطت سمر لعاصم وقاتلو لازم نتلاقاو نسحقك وهو وافق
نعاودو نولو الحاضر
راحت سمر وين تتلاقا مع عاصم
سمر: عيطتلك باه نهدر معاك على زواج
عاصم: واش تسحقي
سمر: انا راني موافقة بصح حتان للعطلة باه تجي تخطبني وندير عرس كيما لبنات نفرح بيه مباعد دير رايك ومبقاش بزاف
عاصم: مكش مشكل اني موافق  المهم راح تولي مرتي و ننتقم منك على طريقتي
سمر: صحا ايا باي
وراحت وخلاتو
وصلت سمر لدار عيطت ليماها سلمت عليها وطلبت منها سماح وقتلها احكيلي واش صرا
ام سمر: شوفي يا بنتي كي مرض باباك صح دخل لسبيطار بصح راح داوا في فرنسا وكي تحسن ولا وقعد يهدد فيا انو يديك من عندي كن ممنبقاش نروح ليه وندرلو واش يحب كان حتى يضربني بصح تحملت غير على جالك

سمر ندمت على شي لي قالتوا وتعمرو عينيها بدموع سلمت علة يماها وقاتلها اسمحيلي
عاودت خرجت سمر وهاذ لمرة معولة على باباها راحت لمركز الشرطة عطاتهم معلوماتو وعرفو بلي هاذا راه تاجر مخدرات وراهم يحوسو عليه عطاتهم سمر لادريس وين يسكن بعد معطاتهالها يماها وراحو قبضو عليه وراح للحبس
جازو الايام ومكان حتى حاجة جديدة وبعد 6 اشهر يعني كي وصلت لعطلة
سارا: يالمكلوبة نوضي تروحي تشري لبسة تاع الخطبة معندك والو حوايج تاع بنات غير سراول تقول عليك طفل
سوطات سمر تجري
سمر: سم الله الرحمن الرحيم منين خرجتيلي
سارا: من دار قدور جارنا
سمر : ههههههههههه خلاص اني جاية متهبلينش
راحت سمر وشراو روب لسمر شابة  في noir,طويلة ومعرية من ظهر وشرات صندال شابة
ولاة لدار راحت سمر لحفافة مشطت ولبست وقعدت تستنا مع يماها  في عايلة عاصم وكي جاو دخلو وراحت ليهم سمر بصنيوة تاع جو  غير شافها عاصم حل فومو
قعدت سمر فرحانة حتى وراح تتزوج بعاصم بصح دارت في بالها تعيش حياتها ولي صرا مقدرو ربي
كملو كلش وفرات لخطبة راحت سمر لبست جبة ولات تبان كي تاع لجبل ولمت دار كامل دخلت دوشت وتكات تكونيكتي حتى يصوني تيليفون

Stoooooop
اني كملتوا زغرتولي حتى لغدوة باه نزيد نحط بارت واحداخر😂😂
حبكم 😍❤