هلو لبنات اني جيت وراح نحطلكم زوج بارتيات كيما وعدتكم
نولو للقصة
سارا: ايه باين في عينيك هههههه
سمر: خلاص اسكتي عليا وخليني نروح نرقد
انس: اي سمعتكم تهدرو على امير غير لخير
سارا: ايه عجبها لسمر
سمر : شكون سمر هاذي هبلتي واقيل يعجبني هاذاك
انس: ههههههههههه خلاص خلاص روحو ارقدو غدوا نتلاقاو بيه
سمر شحال فرحت كي عرفت راح يتلاقاو بيه غدوا
راحو رقدو وغدوة منذاك ناضو
سمر: الله لايردكم مكوش خارجيين
سارا وانس : بلعقل ياو انا جايين
سمر: خفوا شوية
انس: واقيل تقلقتي على امير
سارا: مام انا شكيت هكا
سمر: اسكتو عليا تشوفو
وراحو كامل باه يتلاقاو بامير في الجامعة يعني اول يوم ليهم كامل
كي وصلو في الجامعة
امير: يا سنفورة جيتي
سمر: نن مزال اني في طريق كي توصل نقلك
سارا: ههههههههههه انا قلتلكم
امير: واش قلتي
انس : قصدها اتزوجو وهنونا شوفو باينا وليتو نحبو بعضاكم ههههههههههه
سمر:احم احم واش اكو تقولو
انس وسارا:خلاص انساو
وراحو كامل حضروا المحاضرات وكي خرجو عشية
عند انس وسارا
انس : سارااذا معندك والو تخرجي عشية معايا؟
سارا: امممم وي مي بصح سمر وين تقعد
انس:نخلوها فدار ونعيط الامير يروح ليها
سارا: هههههه اوك اوك
راحو كامل وجدت سارا روحها بعد مقالت لسمر مي مقاتلهاش على امير
انس تان وجد روحو وقال الامير مباعد راحو كيفكيف
في دار سمر
سمر مع روحها : ياخاه راني وحدي فدار هاذي وزيد كبيرة يا نندب كن يخرجلي كاش جن
وتسمع صوت تاع لخبيط
سمر عيطت باعلى صوت
سمر: يا يما يااااايمااااا اجري ياسمر اهربي برا دار مسكونة اهربييي
غير فتحت الباب وطيح فوق امير# اتخيلو اتخيلو الرومانسية المنسية ههههههههههه #
سمر: بسم الله الرحمن الرحيم نتا شبح تاع امير علابالي بعد بعد
امير: ياطفلة واشبيك هبلتي انا امير
سمر: لالا لالالالا ماشي امير شبح تاعو
ياناااس شدووني هربوني دار مسكووونة
امير: ههههههههههه سمر انا امير اسكتي بهدلتينا
ورفدها باه يدخلها
سمر بلعياط : ياااناس. اجرو قلتلكم حاب يسرقني تااني يا يما ارواحي شوفي بنتك واش جرالها
امير دخلها لدار وغلق لباب
امير: ا سمر واشبيك انا امير عيطلي انس كي كان رايح قالي اقعد معاها فدار
سمر: اااه امير واشراك cv
امير: ههههههههههه صباح لخير هذا وين فطنتي سنفورة
سمر: شوف متهبلنيش ولا نحاوزك
امير: يطاوعك قلبك تحاوزيني سنفورة
سمر: اسكت عليا ايا نروحو نريحو و كاش منتفرجو
راحو قعدو في الصالون يتفرجو
عند سارا وانس
سارا : ايه واش سر لعرضة هاذي
انس: امممممم باش نقولك حاجة
سارا قلبها ولا يخبط 100 في ساعة ههههههههههه
سارا : واش تقولي تاني
انس:....
هيهيهيهيهيهيهيهيه نخليكم هكا في تشويق في لليل نحطلكم الجزء الثاني
أنت تقرأ
حكاية المجنونة سمر #باللهجة الجزائرية #
القصة القصيرةسمر فتاة جميلة راح يصراو معاها بزاف عفايس يغيرولها حياتها راح نشوفوهم مع بعض
