.من وانا صغير ماما بتقولي لي ياتقوى اي حاجه بتحصل معاك تعالي وريني لو في اي زول لمسك ولا مد يدو عليك تعالي وريني وماتخلي زول غيري احممك حتى مره ود خالتي كان قاعد معانا وامي مافي لقاني راقده في السرير وحاول اقلع لي الاندر واتحرش بي وقتها كان عمري9سنين كوركت فيهو وقلت ليهو لما تجي ماما بكلمها بس ما اشتغل بكلامي كتيرة
اول ماما جات راجعه كلمتها ومشت عليهو وما سالتو طوالي شاكلتو وضربتو وطردتو
طبعا مشى كلم خالتي ونكر وقال انا كضبت وهو كان داير البسني وانا فهمتا غلط وخالتي حاربت امي وعملو شكلا لرب السما بس الموضوع ماوصل ابوي
ومن اليوم داك متخاصمين
.
.
.
-تعالي ياتقوى ياطالعه وين بعد المغرب
دقيقه يا امي شويه برجع ماشه العطار اجيب كريم واجي
-لايعني ما حكمت معاك الا هسه النهار دا كل قاعده في البيت ماحلت ليك الطلعه الا بالليل
-والله يا امي انا جني وجن طلعه النهار وبعدين العطار مابفتح بالنهار
-خلاص امشي وماتتاخري
-كويس
"طبعا امي النوع البخاف علي شديد خوف لدرجه ليوم الليل بتوصلني الجامعه بالعربيه وبتجبيني "
في الشارع
-ياتقوى ياتقوى
-اووف في شنو يامحمد داير مني شنو
-شنو يااخ انتي ثقيله كدا عايز اسلم عليك
-تسلم علي ليه انا ماعايزه اسلم عليك وكلمتك الف مره ماتتوقفني في الشارع وبعدين الجابك حلتنا شنو
-مانتي غيرتي رقمك وانا ماعندي طريقه غير اجيك
-محمد لا اله الا الله اختاني ياولد انا ماعندي ليك حاجه
-والله ياتقوى انا باقي عليك وبعد عمايلك دي بحبك
-ههههههه ياود انت بتفهم بوين انا ماعايزاك وكلمتك و.
-خلاص ياتقوى انا اسفه على الازعاج واوعدك اني ماحزعجك تاني كفايه علي اشوفك بخير وصدقيني رامي بلعب بيك وهو صرح بالحاجه دي
-اوووعك تتكلم عن رامي انت منو عشان تتكلم عنو
-يازوله انتي حره دي حياتك وانتي اخترتيها وحفضل احميك من رامي وغيرو
-عاينت ليهو برفعه حاجب
دور عربيتو وفاات
يتبع....
