اول مانزلو كنت عايزه افتح باب العربيه وانزل بس ماقدرتا ورامي دور العربيه ومشى بسرعه
-رامي اقيف انا عايزه انزل نزلني ولا اشتغل بي مشى لي حته بعيده كدا ووقف العربيه
'رامي نزلني حكسر ليك قزاز العربيه واطلع بالشباك
-رامي:خلينا نتفاهم ياتقوى
-انا ماعايزه اتفاهم معاك انت واحد حقير وختيت لي مخدر في العصير واستغليت ضعفي وبديت .. وقعدتا ابكي
-استنى لغايه ماهديت
-ياتقوى انا عارف اني غلطا وانتي وثقتي فيني وانا خنتا ثقتا وليك الحق تزعلي بس كان غصبا عني ماقدرت اتحكم في نفسي ..وو
-ماتكضب انت اصلا كنت مخطط لكدا وختيت لي مخدر و..
-لا والله الشرطي كضب عليك اصلا دي حركاتهم عشان اخلوك ماتقابليني كنوع من الاصلاح بس انا والله ماختيت والدوخه الحسيتي بيها عشان انتي كنتي عيانه ياتقوى والله انا بحبك بالجد مابقدر استغنى عنك انتي حته مني وانا مستحيل اضرك "رامي كان ببكي وهو بتكلم
-لما شفتا دموعو ضعفتا وقلت ليهو خلاص يارامي انا اسفه ماكان اصدق الضابط وانا اثق فيك اكتر من كدا
المهم اتصالحنا ورجعنا لريم وديه وكنا بنضحك
ريم: اممم سبحانو مغير الاحوال😂اللهم لاحسد
رامي:اسكتي اسكتي اركبو خليني اوصلكم
دريه كانت ساكته وصاره وشها
رامي:ادي دريه العبايه الاشتريتوها طبعا دي هديه مني ليك يادريه وياقي الحاجات برضو ليك
دريه فرحت وشكرتو
وصلنا بيت ريم
ريم اول مادخلت جري على الشيشه 😂😂
ولعتها
-دريه:انتي بتشربي شيشيه
ريم :اي وبنقو وفاتحه شقتي دعاره
-ريم اتكلمي بادب ماتشتغلي بيها يادريه بتهظر
ريم عملت لينا قهوه وقدنا
صفاء ومعاها كم بت جو داخلين
صفاء اول ماشافتني بقت تعاين لي عينها ديك
قلت ليها في شنو ياصفاء بتعايني لي كدا من المره الفاتت
صفاء:حاسه بطاقه سلبيه كتيره حايمه حوليك وجاياك مصيبه كبيره لازم تبقي قدرها
ريم:عليك الله ياصفاءبطلي تخاريف تقوى ماتشتغلي بيها
صفاء مشت اتوضت ودخلت الغرفه وبدات تصلي
البنات ضحكو فيها
دريه ارتبكت وقامت سرعه مننا وقالت لازم تمش عندها مشوار ضروري
.انا زاتي طلعتا منهم ركبت ركشه ومشيت البيت
لقيت يوسف وابوي جو
سلمتا عليهم
طبعا يوسف لما شافني بالعبايه انبسط شديد "يوسف اخوي دا كلمه طيب بسيط عليهو وماشاءالله ولونو قمحي قرررض عديل😂كنت دايما بقول هسه كان ما انصار سنه كان كسر البنات "
لقيتهم جايبين لي هدايه كتييير ه ومنهم ايفون😍😎
دخلت غرفتي ونسيت اصلي
بعد مانمتا اتزكرت كلام صفاء قمت مخلوعه جريت سرعه اتوضيت وصليت وقريت الازكار الادتني ليها
.نمتا مرتاحه وماشفت لي اي كابوس
تاني يوم ريم جاتني
وفتح ليها الباب يوسف
يوسف اول مافتح الباب لريم بقى واقف مكانو وبعاين ليها
ريم خجلت ونزلت وشها
قال ليها اتفضلي
-وووواي ياتقوى اخوك قرض مازي الفي الصوره😍
-قرض شنو عليك معقد ومتخلف هسه انا مضطره البس عبايه طول ماهوقاعد معانا
-خلاص اطلعي سرعه
-اي كويس يوسف حيوصلنا
طلعنا ويوسف فتح باب العربيه لريم وانا فتحت الباب براي😂😂
في الشارع كل ما ارفع عيني اشوف يوسف بعاين لريم بالقزاز
بس ريم ماشافتو
وصلنا الجامعه حضرنا المحاضرات وطلعنا
انا وريم ورامي
انا ورامي بقينا نحب بعض اكتر من الاول اتعلقت بيهو شديد
مر كم اسبوع كدا وكان عندنا حفله كلمت امي اني ححضرا امي رفضت في الاول بس ابوي اقنعا وقالو ليوسف عندها بحث في الجامعه
مشيت الحفله وياريتني مامشيت
.يتبع....
