.في الجامعه
-واااااي ياتقوى حتى وانتي بالعبايه طالعه حلوه ولونك ظاااابط بتعملي شنو
-حلوه عيونك يادريه بعمل كنزه بس وانتي عارفه اصلا انا لوني فاااتح ولجسمي عروكات وكريم ترطيب بس
-ايواااا جزء من شعرك طلع بره غطيهو
-ههههههه انا مامحجبه يادريه لكن حغطيهو عشانك بس كدي اضرب لريم دي اشوفا مالا ماجات المحاضره حتبدا
-هديييك ليها واقفه مع رامي
-😨وين وين
-جمب الكفتريا هناك شايفاهم وهديلا جايين علينا
-غمضتا عيونا نظام ماعايزاهو اشوفوني وغطيت وشي
-دررررريه كييفك ياقلب مشتاقون يااااخ ودي مالا متبلمه بالطرحه كدا
-رامي :ياتقوى السلام عليكم
-زحيت الطرحه وعليكم السلام يلا يابنات خلونا نمش المحاضره بدات
-ريم؛يابت هااا زي البرلومه الفرحااانه مالك يااااخ
-دريه:خلاص ياجماعه انا ماشه محاضرتي
بعد مشت
-ريم بقيت سميحه البت دي مش زي الفسخت وبقت تلبس حلو بدل الخمخمه الكانت بتلبسا ديك
-رامي:ههههههه والله انتو عشان كدا جهنم حتتعملي بيكم بالنميمه دي
-ياريم ارح يااااخ
-رامي:دقيقه ياتقوى انا عايزه اتكلم معاك شويه
-معليش هسه مافاضيه وباي ياريم نتلاقا في القاعه
-ياااابت اقيفي خلاص خلاص مع السلامه يارامي لبعدين ان شالله
ريم:مجنونه انتي ولا مالك انتي ورامي متشاكلين ولا شنو
-اي والله
-ليه مالك الحاصل شنو
-لا لا مافي شي بس هو بقى ثقيل وبتاع حركات
-مانتي متخلفه زاتك العاجبك في رامي دا شنوماعارفه محمد جاااري وراك حفيان ولد مروق وعندو عربيتين بدل واحد وبحبك لو عايزه نجوم السماء بجيبا ليك العاجبك في رامي شنو حتى العربيه السايقها اجاار
-هعههعه انتي عارفاني مابعاين للحاجات دي وبعدين محمد دا خنقه تخيلي قبل يومين جا حلتنا
-ههههه ماجاده محمد دا عسل ياااخ
-ولا عسل ولاشي بعدين لو عاجبك كدا ربطو مع بعض
-احييي ياريت والله لكن هو ماشايف غيرك
ارح البيت ياخ الجامعه الليله ممله
-اي احسن
-طيب اضرب لرامي اجي اوصلنا
-لا لا رامي لا بطلب ترحال ياريم بس رامي لا
مع كلامنا دريه جات
- دريه :مالك ياتقوى هايجه كدا انتي ورامي متشاكلين ولاشنو
-انا خلاف بسيط يادريه هسه انا وريم راجعين البيت ارح معانا
-ريم حمرت لي
-دريه :اي ماعندي مشكله ارحكم دقيقه ابيع الرصيد بس واجيكم استنوني هنا
بعد مشت
ريم تحمر لي مالك يااخ قلت ليها تجي معانا انتي عارفاني مابحبها البت دي
-ياريم حرام عليك دريه صحبتنا من السمستر الفات و..
ريم: من السمستر الفات لاحظي
ونحن لينا سنتين في الجامعه دي مابعرف جات صاحبتنا كدا طوالي لييه وبعدين هي مانفس التخصص الجابا لينا شنو
-ياريم انتي بتعايني للناس بالمظاهر بس عشان هي محجبه انتي بتعملي كدا لكن دريه دي طيبه
-طيبه انتي والله خلاص خلاص هدي جات
طلعنا بره رامي كان منتظرنا اصر اننا نركب انا كنت رافضه بس دريه اول واحده ركبت وريم ركبت بعدها
وبكدا ركبت
شغلت اغاني وركبت السماعه وقبلتا وشي منو
هو سايق واعاين لي
وصلنا محل كدا ريم قالت لدريه ارح انزلي عايزه اشتري حاجه
-قلت ليها ولي تنزل دريه انا زاتي عايزه انزل
قالت لا لا عايزه اشتري عبايه لاختي وانتي مابتفهمي في الحاجات دي
الغريبه دريه كانت رافضه انها تنزل وقالت زوق تقوى احلى مني خليها هي تنزل
ريم حمرت ليها ونزلو وخلوني مع رامي براااي
يتبع.....
