.تاني يوم فتحت التلفون لقيت ريم ضاربه لي كتتتير
عايزه ارجع ليها جات دااخله
-يابت في شنو مالك اختفيتي من الحفله لاحس ولاخبر من امبارح
-حسيت اني تعبانه
-اي صاح سالت رامي قال لي تعبانه
-رامي😨
-طبعا ماوريتك في اولاد اتشاكلو مع رامي امبارح وواحد. منهم ضربو بحديده في راسو
-منو القال ليكم كدا رامي? وهسه هو كيف
-كويس ماحصل ليهو شي بس راقد في المستشفى. عشان الضربه كانت قويه
-لاحولا ولاقوه الابالله
مع كلامي يوسف جا داخل اول ماشاف ريم ابتسم ابتسامه عريضه وسلم عليها ريم كيفك ان شالله كويسه
وعاين لي"ماتكوني كلمتيها"
ضحكت وهزيت راسي "يعني لا لا"
بعد طلع
-احيييييييي انا من اخوك دا كاسر فيني ضلعه. بالله هو بتكلم
-هههههههه ليه قايلاهو اخرص يعني
ماوريتك. طبعا ناوي اعرس وبعد اسبوعين ماشين نخطب ليهو
-حسيت بملامحها. اتغيرت شويه"عليك الله عايزين تخطبو ليه منو اكيد حتكون منقبه يعني
-اكيييد طبعا هو بت ما انصار سنه بترضى بااخوي دا
-ليه يعني مالووو عادي يعني في بنات كتااار مامنقبات وعرسو انصار سنه
-"حسيت من كلام ريم انها بتحب اخوي"وانا اصلا قلت ليها كدا عشان اختبر مشاعرها
-كدي خلينا من اخوي امبارح عملتي شنو بعد الحفله
-ضربت ليك كنت ناويه اجي ابيت معاك عشان الليله مسافره
-اجي مسافره وين
-ماشه لا ابوي في المانيا منها اغير جو وفي اوراق مفروض اوقع عليها في حصتي من الاملاك
-والجامعه
-مامشكله كلها اسبوعين وبرجع
-ايوااا. ومسافره متين
-بالليل بس هسه عندي حاجات لازم اعملا يلا انا طالعه نتلاقى ان شالله
-خلاص. كويس انادي يوسف اوصلك"ابتسمت"
-وهزت راسها بالموافقه
-يوسف ممكن توصل ريم
-عاين لي مسااافه جدا حوصلها
"عشان اتعرفو على بعض"
بعد طلعو
-امي جات قالت ليك ياتقوى هلاوسيك كترت ولازمك رقيه شرعيه في زول طقاك عين
-هههههه يا امي عليك شنو انا كويسه مافيني شي
-طيب انتي كويسه بس خلينا نمش عشان نطمن نستنا يوسف اجي في المسافه دي قومي البسي
-تمام
-بعد يوسف جا ضربو لا ابوي قال لينا امشو وانا بجي لاحقكم
اتحركنا بالعربيه
في الشارع
كان في زحمه شديده ولما قربنا لبيت الشيخ العربيه اتعطلت دا غير انو كل مره بتحصل لينا حاجه تعطلنا
وقفنا العربيه واخدنا ركشه"الركشه قربت تتقلب بينا"
واصلنا الباقي برجولنا
في بيت الشيخ
اول مادخلنا كنت خايفه ومرعوبه بس من شنو ماعارفه ودقات قلبي زايده جا دورنا ودخلنا للشيخ اول ماشفتو كوركتا وجريت سرعه يوسف ومعاهو ولد من القاعدين جو جارين وراي انا جاريه وهم جارين كنت خايفه منهم وبكورك "كاني سارقه حاجه وهم لاحقني"
كان في خوف في قلبي خوف شديد. بس من شنو ماعااارفه بس قدر امسكني
-يوسف فكني ياااخ وبقيت اضرب فيهو الطرحه وقعت وشعري اتنكش وحالتي بالبلا
وصلوني للشيخ بقيت احمر ليهو وهو اعاين لي ساي
"انا كنت واعيه بس ماعارفه خايفه من شنو او جريت ليه"
الشيخ شال مويه رقيه ورشاني بيها حتى هديت شويه وبقى اتكلم معاي قال لا امي اطلعي بره خلي يوسف
-سالني كم سوال بتحلمي بشنو وحاسه بشنو
-وبدا لي رقيه كنت سامعه الرقيه وبكورك كنت حاسه بنفسي ماكنت نايمه
-بعد الرقيه الشيخ نادى امي قال ليها دي عين وفي زول بادي ليها شغل بس ما اتمكن منها انتي محصنه لو ماكدا كان روحتي فيها عشان العمل العاملنو ليك دا صعب ولموت ومن زول قريب منكم هسه المطوب منك تمسحي شعرك بزيت الزيتون "ويستحسن. تقصيري شعرك. وتستحمي بمويه سدر وتشربي ملعقتين عسل على الريق وخلي اخوك دا يومي ارقي ليك بالليل وتعالو لي بالنهار
-طلعنا منو شفتا ليك كديسه سوداء واقفه بعيد وبتعاين لي "نفس الكديسه"
بس المره دي جرت مني
المهم بقيت اقرا الورد الكتبتو لي صفاء وخفيت شديد. مع الرقيه والعلاجات الكوابيس اختفت لمده اسبوعين
-يامي انا بكره لازم انزل الجامعه عشان غبتا كتير
-بتقدري لكن
ابوي:كويسه خليها تمش. جهزي للجامعه ويوسف بكره حيوصلك
وفي الجامعه
دريه اول ماشافتني اتخلعت وقالت لي هي انتي كويسه وسلمت
بعد المحاضرات ضربت لي عشان نفطر سوا لقيتا قاعده ومعاها رامي اترددت بس ماكان عندي حل
رامي اول ماشافني ابتسم ابتسامه عريضه
-اوووه تقوى ليك وحشه ياااخ وشينه منك انا عيان وراقد مستشفى في شماسه ضربوني في راسي ليه مابتسالي مني
-كان عندي مشاكل في البيت
دريه كانت بتعاين لي عين ماحلوه "غيره"
مشيت منهم رامي لحقني حاولت ازوغ منو بس قال لي لمصلحتك اسمعيني عايز اقول شنو والا ماحيحصل طيب
يتبع.....
