العودة

الجزء 08

.وصلت بيتنا

انا لو دخلت لو البيت في حالتي دي امي حتخاااف لازم اهدا شويه

عندنا حمام خارجي دخلتا استحميت

"المويه بتخفف التوتر "

لبستا عبايتي وختيت مكياج خفيف

دخلت البيت لقيت امي وابوي ماف

سلمت على يوسف وقال لي امي وابوي طلعو

دخلت غرفتي واتزكرت رامي

ياااربي حصل ليهو شنو وقعدتا ابكي وابكي

-يوسف دق لي الباب. قشيت دموعي وفتحت ليهو الباب

يوسف بدا اسالني الجامعه كيف والقرايه كيف وكدا

وليه جيتي برااك كان تضربي لي اوصلك انتي وريم

-اممم ريم مش ?

عاني ماتعايني لي غلطان انا البجي اتكلم معاك

-دقيقه دقيقه يايوسف. انا عارفه ان ريم عجبتك صارحني انا اختك

-والله ياتقوى ما اكضب عليك انا البت دي من اول ماشفتا دخلت قلبي عايزك تحكي لي اي شي عنها ومرتبطه ولا عشان لو مرتبطه. الله كريم علي

-مامرتبطه يايوسف ريم طيبه وكريمه ومودبه بس امها وابوها منفصلين وكانت قاعده مع حبوبتها وهسه ماتت وقاعده براها

-لاحولا ولاقوه الابالله كيف اخلو بت في العمر دا براها

-لكن ريم دي ما النوع البعجبك

-ههههههه قصدك في اللبس يعني والله ياتقوى انا زاتي ماعارف انا حسيت بيها بت طيبه وامكن لبسها دا عدم الولي

-والله يايوسف ماعايزه احبطك بس مابترضى بيك انت متشدد شديد يا اخوي

-سكت مساااافه اي عارفه ياتقوى في بدايه التزامي كنت متشدد شويه بس الله كريم والعندو قسمه بياخدا هسه قومي صلي واكلي لبعدين ان شالله

كلام يوسف فرحني شديد اول مره اجي اقعد معاي واكون صريح حتى شكلو متغير مهذب لحيتوو وعيونو بتبرق وكان هااادي ورايق

-بقيت افكر كيف اقنع ريم تحب يوسف

ونمتا

اشوف ليك نفسي في مقااابر وعريااانه زي مالله خلقني وجمبي نسوان سماان وسود ولابسات تياب بقيت اغطي نفسي بيدي في مره قالت لي لوكنتي سترتي لحمك ماكان حصل ليك ومسكتني من شعري وحلقتو لي بقيت. اكورك فكوني فكوني

-بسم الله يابت قولي بسم

-صحيت مخلوعه لقيت امي ويوسف وابوي جمبي

امي بدات تقرا لي قرااان لغايه مانمتا

-يا امي دي اول مره تكورك كدا

-لا لا والله كدا اكتر من مره

ابوي:البت اكيد معمول ليها شي ولا عين

-قد يكون يا ابوي لازم رقيه شرعيه

ابوي:خلاص نوديها جامع ....

-بس يا ابوي دا صوفي و ..

-ياولدي الشيخ دا بعالج بالقران والسدر والعسل لو كان صوفي ولاسني بتفرق بشنو في النهايه كلنا مسلمين وبجمعنا دين واحد دي كلها افكار متطرفه مشكلتنا بنحكم على الصوفيه بعمايل الجهله والداجالين

-خير يا ابوي طالما انت شايف انو شيخ كويس ربنا يكتب ليها الشفاء على يدو وطلع

امي:شفتا يوسف بقى هادي اتناقش معاك بادب اول مره ما اكورك واتعصب

-اي صاااح لاحظتا كانت بتحكمو افكار متطرفه وربنا هداهو

امي:الحمدلله

انا صحيت زي الساعه10ونص كدا دخلت الحمام عشان اصلي اول مابديت اتوضا وقعت وكورتا ابوي جا على صوتي. ورفعوني

-والله يامي في زول جراني من كراعي ووقعني ودي ما اول مره

-امي قولي بسم الله وعاينت لاابوي "اكيد فيها حاجه"

يتبع.....