العودة

الجزء 11

.مرت اسابيع ورامي مامنو خبر وماقعد اجي الجامعه عرفت انو. جمد السنه يوسف بوصلنا انا وريم الجامعه كل يوم

امي قالت لريم عيشي معانا واجر شقتي بس ريم رفضت

الامتحانات قربت بدينا قرايه دريه بقت ماقعد تقعد معانا نهائي

-في الجامعه

-عااني دريه ياتقوى بقت كيف شايفاها لابسه شنو

-اجي كضااااابه دي دي دريه مستحيل طبعا

-الفسخ وما ادراك مالفسخ بقت مزه لكن.

-هي مش كانت محجبه

-هههاي مالك يابت هسه محجبه ماشايفاها لافه الطرحه

-حجاب شنو دا ياااخ شايفه الاسكيريت عامل كيف

كوركت ليها في الاول عملت ماسامعه

تاني جات

ريم:دريه شنو الافتراء دا بقيتي مزه ياصحبتي عااد تاني مابترجعي

-ضحكت هههه الزمن بغير ياريم بعدين تغير بسيط

-دا كل بسيط حليل زمن الخمخمه

-دريه:هههههههه "ضحكه مايعه"وعاينت لي بطرف عينها تقوى كيفك

-كويسه الحمدلله انتي كيف

-كويسه الحمدلله يلا لبعدين عشان رامي والشله منتظرني

-ريم:رامي هو الزول دا لسه عايش

-اي قاااعد ومتواصل معاي ليه انتو ماقعد اتكلم معاكم وكانت بتعاين لي بطرف عينها

-لا لا ابدا حتى هو وتقوى قطعو علاقتهم

-هااااا ليه لكن ماكنتو كويسين

ريم :تقولي شنو بس اختلفو

انا:عاادي يادريه مافي شي بس انا ورامي اكتشفنا انو نحن مابننفع لبعض

دريه مشت مننا

ريم:شفتيها بتعاين ليك كيف

-اصلا ما اول مره عارفاها

ريم:انا كلمتك البت دي كعبه قلت لي مسكينه ومتاكده هي الشلبت رامي منك

-يازوله اي زول بياخد قسمتو وشبيهنا واتلاقينا

'"في سري'الحمدلله انو بعد مني"

(انا من النوع الما بحكي سري لزول نهائي ريم صحبتي من الاساس بس برضو ماقعد احكي ليها اي شي)

الامتحانات جات وامتحنا

في الييت

-يا امي انا قررت اخطب

-ايووو يووووي خبر السرور شاور علي اي بت وانا امش اكلم ليك امها

-لا لا يا امي ماانا خلاص لقيتا

-منو?

-ريم صحبت تقوى

-امي سكتت متاكد ياولدي بس دي مازوقك

-هههته نفس رد تقوى لي والله يا امي البت دي عجبتني وتقوى كلمتها وقالت مواافقه

-ايوووي يوووي والله ريم بت السرور مافيها كلمه وزين ما اخترت

كلمت ابوي

وقررو اعملو ليهم خطوبه بسيطه نعزم اهلنا واهل ريم القريبين

ضربو لاام ريم قالت مابتقدر تجي وقالت ارسلو ليها الصور

وابوها نفس الشي

ريم قعد تبكي لامي وقالت ليها انا ماقادره اتخيل كيف امي ماتحضر اجمل يوم في حياتي

امي قالت ليها ولا يهمك من الليله انتي بتي التانيه

يوم الخطوبه♥

ريم لبست فستان محجب واصلا هي حلوه وطلعت مزه

انا كنت لابسه فستان ومسرحه

يوسف ما اعترض عشان اصلا كنا بنات بس

الرجال براهم♥

يوسف لما شاف ريم لبست حجاب حسيت بيهو عايز ابكي من الفرح

بعد الخطوبه يوسف قعد مع ريم شويه

واتفقو العرس حيكون بعد تخلص السنه

وتمت الخطوبه وريم سافرت دبي لامها

يوسف من وقتها اتغير بقى اضحك واهظر يعني ملتزم من غير تعقد

دريه سافرت الجزيره

عشت حياتي عادي وافتكرت كابوس رامي انتهى

لغايه مافي يوم لقيت منو اتصال الساعه10ونص بالليل

مارديت

رسل لي رساله انا تحت لو مانزلتي برسل الفديو ل اخوك هسه دي وشايفو متصل الان

.بس الوقت متاخر ياارمي مابقدر اطلع

-يازوله اتصرفي عندكم باب صغير كدا انا وقفت العربيه جمبو مع عربياتكم انزلي مستنيك

-بس يا...

وقفل الخط

يتبع......