في العطار
-اووه تقوى ازيك ليك زمن يااخ وين مختفيه كدا
-انت عارف ماعندي طلعات في الاجازه دي بطل كلام اديني الكريم
-اتفضلي ياستي
شلت كريمي ومشيت لريم صحبتي بعيده شويه مننا ركبت ركشه
اول مادخلت لقيتا مولعه الشيشه ومعاها بنات وعاملين قعده جمبه 😍 وكان معاهم وداعيه اول ماجيت داخله بقت تعاين لي ساي عينها ماشالتها مني
سلمت عليها وقعدنا واتنوسنا
-اولع ليك
-ههه لا لا ياخ انتي عارفاني مابشرب
-يابتي اشربي ساي حتقتلك يعني
-والله ياريم ياخ الشيشه دي مضره شديد انتي عارفه ان حجر الشيشيه بعادل كم سجاره و...
-يابت هووي ماتخنقيني دايره تشربي اشربي مادايره اقعدي ساي
-قلت ليها على كيفك يازوووله بكره بتقولي تقوى قااالت
"الوداعيه تشيل وتعاين لي وترمي الودع وتعاين لي
ريم انتبهت ليها
-اجي اجي مالك ياصفاء بتعاين ليها كدا شايفه فيها شنو
"وبقت تغني ست الودع 😂"
-صفاء ماردت ليها بس بقت تعاين لي وبتحرك خشمها كانها بتقرا كلام بسرها
-طبعا خفتا شديد
"صفاء دي النوع البتحسي بوشو منور كدا ملامحها بريئه على عكس ستات الودع"
-اوووب االليله الساعه10امي بتقتلني وضاربه لي70مكالمه
-هههههه والله امك دي بتباااالغ عدييل ياخ
-اي عارفه بس من خوفا بتعمل كدا خاصه وان انا بتها الوحيده
"الوداعيه لسه بتعاين لي وتقرا"
-انتي ياريم دي بتعاين لي كدا ليه
-بري ماعارفه تكون شافت فيك شي
"بدستوركم😂 "
ريم انتي وربي مانصيحه
-
بعد شويه كتبت لي ورقه دعاء
"اللهم صلي على سيدنا محمد النور الزاتي والسر الساري في سائر الاسماء والصفات"
وكميه من الادعيه
وادتني ليها
وقالت لي اقري الدعاء كل صباح ومساء
بس بقت تعاين لي لغايه ماطلعت
-طبعا مارديت ليها بس قلبي بقى ادق شديد وخوفتا
-شلت الورقه وركبت ركشه ومشيت
في البيت
-لقيت امي لابسه توبها وقاعده جمب الباب
