أنثى قـاتلة
الحلــقة " 14 "
و في نفس اليــووم قعمزت في كفيتيريآ ع طآولة بروحي نحكي معاك ..و كنت نستنى في اختي نور .. و جنبي طآولة تانية فيهآ ثلآتة ولاد هههه كنت نسمع فيهم شن يحكوو و نقولک .. فيه وآحد منهم معجب بوحدة و يحبهآ و الولآد يقنعوو فيه أن يعترفلهآ و يقولهآ نبي نتعرف عليك هههههههههههه سخفني
ولد حشومي و كان يقولهم لالااا و كان ترفضني !! .. بصرآحة كان خاطري نحط أيدي ع كتفه و نقوله تعالا نقنعوها ❤ ههههههههه و الله دعيتله من كل قلبي أن بنت توافق ان تتعرف عليه .. و حتى انت سخفت عليه هههه و قتلي ان شاء الله تكلمه و تتعرف عليــه ❤
- بس المصــيبة أنه لمآ وآفق أن يمشي يعترفــلهآ أن معجب بيهآ .. جــــي وقف عليآ انـــي ! :O
ولد : اهلين لو سمحتي ممكن نقعمز معاك شوي ؟؟
سحر : :O :O اه نعم لاا تفضل خوي ؟؟
ولد : نبي نحكي معاك شوي عادي
سحر : لا اسفا لو عندك شي قوله
ولد : اني معجب بيك .. و خاطري نتعرف عليك :-) عادي
سحر شادة ضحكتها : تعرف ياوخي و الله من بكري نسمع في صحابك يقنعو فيك :-( و شفت موقفك قداش ما متحشم و الله نسمع فيكم و نقول يارب تتعرف عليه و مترداش هههههههههههه بس منحسابش دوة عليا :-( :-(
ولد انحرج : ااه اسف مكنتش نحساب صواتنا عالية
سحر : وخي و الله أسفااااا هلبااا بس منحبش نتعرف :-(
ولد : لييييش ؟؟ مخطوبة
سحر : اه اي اي مخطوبة
ولد : اني عارف انك مش مخطوبة ليا هلبا نشوف فيك و ملآحضتش انك مرتبطة .. عموما ربي يهنيك .. سلآم
سحر : شكرا :-\
:: سحر ::
ههههههههههههههههههههههه ياارووووحي :'( و الله موقف بايخ جداا :-D
كلمت محمد ع فيس لقيته بآعتلي هلباا و يهزب ليش منردش .. و قالي بلكي ولاد ثلاتة عاكسوووك هههههههههههه طبعاا و حكيتله اللي صاار .. انصـدم
محمد : بجديااات تتكلمي
سحر : و حق ربييي تعرف مووووقف بااااايخ
محمد : 😡
سحر : خيرك
محمد : دعيتله أن البنت توافق ! و طلعتي انتي
سحر : هههههههههههه عاادي حتى اني دعيت منحسابش روحي اني خلااص فووت
محمد : قاعد في طاولة اللي جنبك
سحر : اي
محمد : خشي لداخل
سحر : لااااا مخاطريش جو حلووووووو برا
محمد : طبعاا بيكون جو حلوو ماهوو لقيتي لمن تبتسمي جنبك
سحر : مصحككككككك كان نبي نبتسم راهوو كلمته .. دقيييقة اهو جاي هو من جديد
محمد : نوضي !!!!!!
~
ولد : باه ممكن شي تااني ؟؟؟
سحر : تفضلللل ؟؟؟؟؟؟؟؟
ولد : ايميلك ع فيس بوك
سحر : اسفا معنديش
ولد : من بعيد مركز ع تلفونك انك فاتحة فيس ع فكرة !
سحر : واضحة منبيش نعطيه يعني .. و لا كمل تركيزك من بعيد بلكي تلقط الايميل -.-
ولد : شكرا
سحر : عفواا
~
محمد : ردييييي عليااااااااا .. اتكلمي فيه ولاااا تواا .. عارفك لاهيه معااااه .. بااهي خودي رااحتتتتتتتتتتتتتتتتك
سحر : اولا انت تعرفني كلمة براحتك منحبهاش و تانيا ولد كان قدامي كيف تبيني نرد عليك و هو واقف علياا ؟؟؟؟ و تالتا ..
محمد : اصصصص خلااص خشي داخل بعدين قولي اللي تبيه
سحر : باه اهو نضت
محمد : ثقة
سحر : و الله ثقة هههههههههههه
محمد : هههههههههه خلااص شن كان يبي ؟؟
سحر : ايميلي فيس
محمد : عطيتيه !!!!!
سحر : لاا طبعاا
محمد : ايوااااه .. و بعدين اسبووع جااي عرس اختي عائشة اكيدددد بتجي ❤
سحر : اي بنجي
محمد : و كوووورس
سحر : قدااش مرةة قتلک بعد غدوة آخر يوم ><
محمد : اه ايه تعرفي و حق ربي متشوق نشوفك اكثر من فرحتي بعرس اختي ..
سحر : هههههههههههه تحساابني بنطلعك بنسلم عليك ؟؟؟ احللللم
محمد : نحلم عينك فطووووري انتي ح اديريه و حوايجي انتي بتحدديهم و كل شي نبيه ح نطلبه منك انتي اختي منار بتكون لآهيا
سحر : هههههههههههه حتى اني بنكووون لآهيااااااا
محمد : اي بتكوني لآهيا بطلآباتي يلي مش ح تكمل
سحر : ...
محمد : وينك ؟؟ هذا كله تكتبي من بكري جاري كتابة !!
:: ســحر ::
نكتب و نمــسح .. :-(
مش قآدرة نرفضلک شي .. نبي نديرلک كل يلي قلت عليه .. نبي نكون لآهيا بطلآباتك بس .. قداش ما نحبگ ❤ حاسة روحي تآعبة .. في حبگ
مانتحملش فيک شي .. رغم بروودي قدآمك :-( .. كنت مستعدة في أي لحظة تقولي نحبـــك نهزبگ لأنگ تأخرت فيهاا لان تعبتني قبل ما تقووولهااااااااااااااااااااااا كنت نبي نهزبك و نلومك ليش مقلتهااش ممن قبل و في اخير نرد عليگ حتـى انـــي ❤
أمتـــى ح تكووون كلمة هذيـ !
آي تآريخ مميز ح يكون .. اي وقت ..❤ .. نبي نشووفك و تشوفني .. نبي نتأملگ و نبتسم نبي نشوف ضحكتك يلي ح تكون ليآ ح تضحكهآ ع خاطري اني بس .. بعد مآكتبت و مسحت هلبآ مرآت قررت نرد عليگ هكي
سحر : ان شآء الله غير نوصل شرق طرآبلس .. ح نديرلك اللي تبيه بس ح نعطي لحد يوصلهآلك .. قتلك مش ح نشوفك إلا صدفة .. مش ح نحآول ندير موعد لآن مافي شي بينا بش نتفقو وين نتلاقو واحني اقارب .. صدفة بس ح تجمعنا ! :-)
:: محمد ::
كــــلامگ قاسي :-) ليش كل ما نحآول نتقرب منك تصدي فياااااا !
صح انسآن بآرد بس معدلتش ع حد غيرك .. يوم اللي درتك قريبة مني .. قطعت كل علآقتي بأي بنت كنت معتبرها اختي .. بأي بنت صديقة بأي بنت نعرفهآ .. يوم ااااااااااااااااااالللي درتك قريبة مني نسيت كل شي !!!!!!! يوووووووووووووووم اللي درتك قررررررررررررريبة مني أي شي نكره حبيته ع خااااااااااااااااااااااطرك
يوووووووم اللي درتك قريبة مني حبيت حياااااتي يلي كنت نكرهااا يلي كنت نشرب بش ننساااااااهاااااااااااااااااااا هذا كله يوم درتك قريبة مني :-)
و اليوووووم نقولك نبي نتقرب منگ و تقوليلي صـــدفة !
ههه تعبتيني .. و الله تعبتيني :-( لييييش اديري فيااااا هككككككي !! كل كلآمك معاي مدة فوق 7 شهور و 24 سآعة نتكلموو في اي وقت و اي مكان .. معقولة تكرهيني !
بعد كل هذاا ! بااااهي لووو متكرهنيش ليش اتعذبي فياا ! معمريش فكرت بانسان اكثر منك .. مستعد نديرلك كل شي .. خليتيني أعمى حآولت نكلم بنات ممكن ننسآك و نحب وحدة .. حآولت نكلم بنت بس متقبلتش حد بعدك .، متقبلتش أي انسانة بعدگ .. رغم علآقتي معاك تحت مسمى " صداقة أو قرآبة أو أخوة " سميهاااا كيف تبييييي بس ح نسميهاا تحت مسمى " كبريآء " كل هذا في داخلي و نكآبر عليك .. كل هذآ نفكر فيه و نكاابر ع حبي ليك .. كل هذاا و نقوول زيها زي غيرها و كلمة مش راضية تطلع مني لأنك مش زي غيرك .. فيه كلمة أكبر من نحبك ؟
لأن كلمة نحبك لكل نآس .. و انــــــتي أميرتي قآتلة مش زي نآس ❤
حآولت نغير موضوع و رديت عليك
محمد : لوقتهآ يصير خير بالصدف متآعك المهم قريتي للأمتحان نهآئي
سحر : هذاا كله بش تقوووووولي قريتي للامتحان نهااائي !! ليك ربع ساااعة تكتب روحت للحوش و بدلت و انت تكتب هههههههههههه
محمد : تعرفي خاطري في شي
سحر : شن هوووووو
محمد : خاطري نعلق عليك نعطيك طريحة بآهية
سحر : شررر ياكبدي شن بيطلع منك نحسابك بتقول خآطري تجي نطلعك و لآ ناخدلك شكلااطة و انت فآلح غير في اجراام >_<
محمد : ههههههه لو نطلعگ معاش نروح بيك
سحر : اي عاااااادي منبيكش ترووح بيااا ارفعنا اني و مناااار و نوور اختي و حنان بنت عمتي لوين ماتبي
محمد : اني بنرفع اللي نبي بسسسس :-P و بنرفعك انتي بس مش خاطرك تمشي لبر شرق طرابلس ؟؟؟ نرفعگ
سحر : هههه لالالالالالالا شكرا نبيش بروحي
محمد : ههههههههههههههههههههههه اني معاااك
سحر : ههه شكرا لا 😰
محمد : ايوة خليك في طريحة احسن و لاا ههههههههههههههههههههههه
سحر : مبرررررردك هههههههههههههههههههههههههههههههههههههههه
محمد : وتي رووحگ للامتحان مش ترقدي !! اقريييه هو امتحآن و خلآص و لو نجحتي في امتحآن و نسبتگ فوووق 85٪ عندي ليك هدية ❤
سحر : هههههههههههه شن هيااااا ح نجيبهاا نسبة
محمد : باه لما تجيبيهاا تعرفي شن هدية
سحر : ووووووردة ❤❤
محمد : اي في عرس اختي لمآ تجي ح نعطيگ وردة مس مش هادي الهدية
سحر : اي اي و اقاربنا في شرق طرآبلس يسيبو عرس و عروس و يلهووو بينااا
محمد : ههههههههههههههههههههههه خليهم يلهوو بينااااا من زيك ^_*
سحر : لالالالاااااا فكني ناقصني دوتهم و دوة العزآيز انت صورهآلي و هيا في يدك و كأنها وصلت ^^
محمد : هههههههههههه قصدك كأن الورد منك لياا *_^
سحر : خلآص كل حد يحسها من تاني ❤ هههههههههههه
:: سحـر::
الحب العميق الذي وصل لدرجة أعلى ، لم يطلق الناس عليها إسماً بعد ..
و هي أعلي من درجة العشـق ❤ أحبك فلا ادرك أي معنى في الخياة سوى ذاك الحب
أعشقك فلا تتمايل في نفسي سوى نسمآت الشوق
أدرك بـــعدي و أحس ببـعدگ رغم قربنآ
أحبگ يا عابث !
أنت لـــــي كــل الــورود .. ❤
يتبــع ~
