أنثــى قـاتلـة ~
الحـــلقـة " 26 "
:: سحر ::
كانت تتصل بيا رنا كل دقيقة و تقولي اساااامة نلفوونه مقفل ليه يووووومين و كنت نقووولها ماافيشي شي عنده شغل في مدينة تاانية معنداااش تغطية بس .. و كل مرة نتسبل بحاجة
لحد ما فتحت فيـس و لقيت مسج من محمود
محمود : اخييييي ع دنياااااااا اخييي ع دنياااا صااحبي مااات وسااااااااااااام خللااااااني خووووي مااات ياسحر
سحر : محموود انت شن تقوووووول رنااا بتهبببل رنااااااا لتوااااا متعرفشششش انه في مستشفي اصلاااااا محموود تبصر انت و لاااا ؟؟؟؟؟ رد علياااااااااا رد علياااااااااا .. رناا متعرفش انه مدااااير حااادت كيف بنقووولهاا ماااات فهمني ؟؟؟؟؟؟؟؟؟ كله بسببگ صااحبتي ح تنصصصصصدم بسببك ليش خليتنييييييي ندس عليهااااا !!!! وووووينك رد عليااااااااا كييف ماااااات و رناااا رنااا كيف بنقوووووووولهااا .. افتح قوووولها انت اني مش ح نقدر
# كنت نكتب و نرعش و نبكي كيف ح نخبر صاااااحبتي انه حبيييييبه ماااااااات ياربي ليش من يووووووومي في مشااكل ليش ديما بمعاناتي اااه يارب فرجها يارب .. اتصلت بياا رنا
رنا : الووو غلاي
سحر بضوووت يبكي : ا الو
رنا : خيره صووتك شن في
سحر : اه شي محمود يبي يكلمك شوفي
رنا : سحر في حاجة ؟؟؟؟ تعرفي وساااام مكلمنيش مفرووض حتى لو مفيش تغطية ف مدينة تانية كان يبعت مسج .. و الله لما يرجع لما نتعارگ معاه ح يشووف يخليني مشغولة عليه و مش معدل بكل !! افف
سحر تبكي : رنا
رنا : تي خييرك تبكي توا جاية نشكيلك هممي تزيدي تنكدي علياا
سحر : رنا كلمي محمود
رنا : علااش شن يبي لالا وسااام يغاار عليااا لما يرجع ح يهزبني ..شن بنكلم صااحبه
سحر ؛ رنااااااا كلمي محموووووووود يبيك
رناا : لااا منقدرش وساام يزعل لما يرجع وساام نسأله قبل
سحر : خلااااااص يا رنا افهميييي قتلك وساااااام مهنااااااش
رنا تبكي : سحر بالله عليك قوليلي وسام صايرتله حاجة ؟؟ تكذبو عليا تقولولي مساافر !!
سحر تبكي : رصيدي بيفصل :-(
ووواه ياربي محمووود مش ح يفتح نت لان صاااحبه تووفى مش فااضي بيااا شن نقدر نديررررررررررررررر .. قاعدة بين نااارين .. كان لازم نكلم محمود بأي طريقـة .. أطريت لأول مرة في حيآتي أني ناخد رقمه من فيس و نكلمه .. لأول مرة فــي حياتي حد ح يسمع صوتي في موبآيل و كنت نقول يلا عذر و فدآه صاحبتي رنااا حبيبتي لاااازم نكلمه لازم نخليه يقول لرنا قبل ما يدفنوه .. مش ح نقدر ندس اكثر من هكي .. لاااااااااااااااامتى خلاااااص ولد ماااااات :-(
كنت في لحظة هذيـ محتاجة نكلم محمد و نبكيله و نشكيله ع كل همي .. و هيهآت ~
اتصلت بمحمود و قلبي ح يطلع من مكآنه رنا تتصل بيا منردش عليهآ ~
اتصلت بمحمود مرة و اتنين .. و 100 !
بعتت مسجاااات و لااا حياة لمن تنادي .. رد عليا بمسج و قالي منقدرش نكلمك صوتي مبحوح و مش رايق .. و قفــل موبايله !
و رنــــا !
حقييييير خلآني في موقف بيني و بين أعز ناس ،، كيف نخبرها بوفاة حبيبها ! و كيف نقدر نزيد نكذب عليـــها !
تمنيت الموت .. تمنيت نرتمى في حضن محمد و نبكي و نقوله شووووووف شن صااااااااااااااار بعدگ :-(
تمنيت نهرب معاك و مندخلش في ولا حاجة في دنيـا إلا انــــــت ~
تمنيت نحكي معاك و نقولك محمد انـــي نحبك هلبااا متموتش و تخليني .. زي ما وسام خلى رنا .. :-(
وواااه ياربي .. كان لآزم نقول لرنـا اتصلت بيـها لقيتها تبكي ~
رنا : اني حاااسة انه وساام صايرتله حاجة قولي الحق
سحر : رنا اهدي و اسمعيني زين
رنا : قوووووليلي بسرررعة وسااام وين
سحر : وسام دار حادت
رنا في نوبة بكاء و تحكي بكلام متقطع : انتي شن تقوووولي شن صااارله حاله بااهي توا ؟؟؟
سحر : هو ... هو ...
رنا : شن صااااارله احكككككككي
سحر : هو حالته خطيرة هلباا
رنا : انتي تبصري اكيد تبصري .. خلاص سحر هذا مش وقت براادة
سحر : منبصرش
رنا تبكي : ااه ياربي كنت حااااسة كنت حاااسة نبي نشوووفه
سحر : رنا :-( صبري روحك
رنا : ح يعيش و لاا ؟؟ قوليلي انه بيعيش ؟؟؟ مستحيل يموووت مستحيل يخلييييينييي
سحر تبكي : رنا خليك صبورة
رنا : ماات ؟؟؟؟؟ كذاااااااااااااااابة مستحيل مستحيل هو واعدني ح يخطبني هو قالي أنه ح يوصل أمه و يكلمني .. هو قاالي ح نوصل عزووزتك تواااا .. هو يحبني مستحيل يخليني
سحر تبكي : البــقاء لله ، عظم الله اجركم
رنا : طووط طووط
قدش ماكانت كلمات واااااااااعرة اااه .. قداش ما الفقد يووجع .. يدمر فينا يدمر في كل أحلآمنا و أمآلنا يلي عايشين عليـها ..
قلتلهآ عظم الله أجركم و مسمعتش غير تنهيــدة و فصل الخط ..
حاولت نتصل مرة و اتنين و نلقى فيه مقفل .. كان خاطري نكووووون جنبهاااا نواسيهاا نحضنهاا .. ربي يكون معاها و يصبرهآ .. :-(
فــاتت أيآم رنا عاشت حالة كأبـة كنا نحاولو نطلعوآ فيها من حزن يلي قاعدة فيه بس كان مسيطر عليهآ .. ضحكتهآ .. برآدتها .. دمهآ .. كله أستحشته .. ❤
بعد اسآبيع قدرت تضحگ بشوي شوي و عيونهآ كــــــانت تحكي في كل شي من حزن و تخفي فيــه بس عيونهآ مفضوحة ❤
بعد أسبوع رن ع موبآيلي رقم .. مني !
اممممممممم محمود !
رديت عليـه و قلت يلا عيب و لازم نعزيـه .. و لأول مرة كآنت قبل حتى مايشوفني !
سحر : الو
محمود : ...
سحر : عظم الله اجركم .. ربي يرحمه و يصبركم
محمود : يارب .. سحر حاس دنيا ضايقة بيااا صااحبي دفنته بأيديااااااااااااا
سحر : خلاص محمود هذيـ سنة الحياة ربي كاتب هكي و لا اعتراض عليه :-(
محمود : يارب اغفرله ..
سحر : يارب
محمود : تمنيت نسمع صوتگ ب فرح مش في موت حد
سحر : أمنيتگ كانت مستحيلة .. لاني اتصلت بس باش نعزيگ و الفرح ميهمش اكثر من حزن !
محمود : يعني متبيش تحكي معاي ف موبايل
سحر : قتلگ انت حصلت رقمي بس ع خاطر وسام
محمود : باه تسف اني اتصلت نسكر
سحر : سكر !
محمود : لأمتى ح تقعدي هكي .. اني محتاجگ
سحر : شن نقدر نديرلك ؟؟ تحتاج تحكي معاي احكي ع فيس .. موبايل لا
محمود : نستأذنك
سحر : سلام ..
فاتت أســابيع ع العزي .. :-( .. و كنت نواسي في محمود من جيهة و صآحبتي من جيهة تانـية .. و يــــــا غيبتك يا وسام يوم قتلي لو مرتحتيش وعد مني معاش يكلمك ..
وسام انـــي مرتحتش و انــــــت متت قبل ما توفي بالوعد !
شن نقدر ندير حااسة روووحي مخنوقة و منبيش نحكي مع محمود .. كنت نساير فيه و خلاص ..
رنا و اميرة و سروور كانو يقولولي ولد محترم و مش ح تلقى زيــه .. افف اني منبيش زيه اصلا !
رنا تقولي ياسحر متخسريشي كويس .. متندميش بعدين
مش ح ننـــدم هو قاعدة غمة ع قلبي .. كــــــانت قرارات صاحباتي تأثر عليآ و إصرار محمود أنه يشوفني ..
محمود : وسام مات
سحر : ربي يرحمه و يجعل مثواه جنة
محمود : يارب ،، كنت ح نجي معاه لحتى يشوف رنا و نشوفك
سحر : الله غالب
محمود : حاليا نبي نشوفك بدون ما رنا تشوف وسام !
سحر : خايفة رنا تضايق ..
محمود : رنا كلمتهآ و هي قتلي تعالى خلااص ربي كتب حااجة و لا اعتراض و بعدين صاحباتك كلهم يبوني نجي ليش مسكرتيها !
سحر : براحتك تعالى .. بس زي ماقتلك مش ح نسلم و لآ ح نوقف عليك
محمود : انتي مش واثقة فيآ ؟
سحر : اني واثقة في روحي شن ندير .. و اللي عندي قلته
محمود : تمام غدوة جاي
:: محمود ::
كــــــنت نبي نحط سحر في أمر وآقع و نمشي نسلم عليها .. و مش ح نسمع كلآمها ان نكتفي بس بشوفتها من بعيد .. هذيـ تحلم ههه !
:: سحر ::
انسـانة عنيدة انـــي .. و لو فيه حد ح نضعف قدآمه أكيد تعرفوه !
محمـد ~ و مضعفتش .. ههههه من ولاا محمود بش نضعف قدامه .. ميهمنيش .. جي للثآنوية و شفته كآن أسمرآنـي و رقيق هلبـا شكله كآن ميوحيش أنه مواليد 87 كان يبــان أصغر بهلبا " سن مراهقة يبان "
فجأة لقيــته جايني !
الاتفاق اللي بينـا وين .. !
ع اساس انه ح يشوفني من بعيد !!!!!!!!! هذااا يحسااااابني نبصر .. او يبي يحطني في امر وااقع .. ههههههههههههههههههههههه انت متعرفنيش ! ;-)
جي محمود و مدلي يده و بيســلم عليـا ..
سحر : نزل أيدگ و امشي مش ح نسلم
محمود : متحرجنيش قدآم ناس تشوف .. سلمي عليا !!!
سحر : ههههههه حرجت روحك بروحك .. بآي
خليــت أيده ممدودة و مشيــت بدون مانسلم عليه ~ كيف تبوني نسلم عليـه بنفس الأيـد يلي شدت كتف محمد لاول لقآء بينا !
بنفس أيد ! .. منخونش ايديآ و لا نخون روحي بآش نرضي حد .. اتفاقي كان واضح و موفآش بيه و كان مسؤل ع آي تصرف منـي ;-)
:: محمود ::
خلـتني واقف و ماد أيدي قــدام ناس ! تكنطيت و خلتني في موووووووووقف محرج !
ياربااه قدش ما كــــــانت انسـانة عنيدة و شخصيـتها قويــة !
صح نعرف بنات و مداير علآقات .. بس كل الممنوع مرغوب !
و هـي كــــــانت صاعبة و مرغوبــة !
:: محمــد ::
صفاء كــــــانت أقرف من مر بحيآتي .. من أسلوب و شخصية .. كانت رخيصة .. كل شي كنت نقآرن فيه مع سحـر ~
صفاء كانت تقولي ابعتلي رصيد !!!!
و سحر كنت نترجى فيهاا انها تاخد كرت !!
صفاء كانت تقولي نبي نحكي معاك صلي بعدين
و سحر كــــــانت تقولي متحكيش معاي نين تصــلي !
صفاء كانت تقولي دخن نحب شباب يلي يدخنوا !
و سحر كانت تقولي في كل باكو تاخده مش مسامحاتك عليه !! و كنت نحاول مناخدش ..
صفاء كانت تقولـي معاش تاااخد شي لأهلگ انت مش ملزوم بيهم انت ليا اني بس طلبآتي بس
و سحر كــــــانت تقولي لو مفيكش خير في اهلك مفيكش خير في ناس
واااااه الفــرق الفرررررررق كبيررررر .. خليتي في قلبي فراغ قآعد يستنى فيك !!!!!! نحبك يااغــلى ما في حياتي ..
كنت نتمتم في كل صلآة انـــه ربي يجمعني بيک و عارف انه مفيش امل بس كنت نكذب ع رووحي و فرحآن !
و يَحْدثَ أنّ أبْتَسِم فَجأَة بَعْدَ لقَاء دَار بَينِي و بَينَك فِي مٌخَيِلَتي .. ❤
يتبع
