أنثــى قـاتلـة ~
الحــ29ـلقـة قبـل الأخيـرة ..❤
محمد : هههههههههههه قاعدة قصقاصة
سحر : :-D
محمد : لانك احسن منها
سحر: ربي يبعتلك وحدة احسن مني ❤
محمد : فوتي موضوع و احكيلي شن درتي و مع من هدرزتي و كل خطوة درتيها
سحر : .... ألخ ❤
بدينآ مرة بعد قداش نحكوآ مع بعض .. بعد ما كنا قراب كان فيه حدود بيـنا ~ مش زي قبـل
و الأغلـب كـان هو يحکي معآي .. لحد فات شهر بدون مآ يحكي استغربت و قلت ممكن يستنى فيا نحكي معاه ! اممممممممم
نور : يماا صاارلك بتمشي عرس
فاطمة : ايه بنمشي
بابا : اني عندي شغل مش رافعك راهو
فاطمة : لا عابية ع وليدي معتز يرفعني شرق طرابلس
نور: ايح عبي ع الله
فاطمة : غير كان اضمي فمك انتي تو يرفعني
نور : و من بيمشي باهي
فاطمة : بنرفع اختك سحر و انتي اقعدي مع بوك بلكي يبي حاجه
نور : لواااه خيرهاا هي
فاطمة : هي كيف كملت امتحانات خلي تتنفس شوية
سحر : اي طبعــا من حقــي :-P بس شن في
فاطمة : بنمشو شرق طرابلس عرس
سحر مصدومة : بجديااات حق
نور : احم احم
سحر : يسس شـدت 😍
نور : هههههههههههه بشوية عليك هذا غير خلااص و ليكم سنة معاش تهدرزو
سحر : فترة هذي بدي يحكي معاي مرة بعد قداش
نور : اشي اشي و رجعت حليمةة لعادتها
سحر : لا في بينا حدود .. مش واخدين راحتنا زي قبل و بعدين هيا مرة في شهر !!
نور : امتى اخر مرة كلمک
سحر : شهر اللي فات
نور : هذا يستنى فيك تكلميه فوتي تو يكلمك بذات عرس بعد غدوة
سحر : اي مش ح نكلمه .. مش ح نبادر ب شي اصلا باش منعشماش
نور : ايه و اخيرا بديتي تفكري بعقلك
سحر : هههههههههههه هذا كله و نفكر بقلبي هههه لو نفكر بقلبي راهو مش هكي بكل ❤ تعرفي بنهبل موبايلي درتله سوفت وير معاش بي يخدم اغاني و صور كلهم امتسحووو :-( ابعتيلي
نور: معنديش راحي سناء اهو شوي تاني بتجي تجيب معاها لاب توب فسطه اللي تبيه
سحر : قصدك حمووووودي بيجينا ❤ بااه تو نشوفهااا
نور : اهووو نسمع في صووتهاا شكلها جت
سحر : اووووو غزااالي ❤
سناء : اهلين بنااات شن جووكم
نور :حمدلله
سحر : تمام عطيهوووووووولي فرخ هني ❤ و جيبي لاب توب
سناء : بتقتلهولي ولدي و انتي تشفطيلي فيه تحسابيه بمبلة
سحر : ههههههههههههههههههههههه متخافيش عليه ❤ طيري
قعمزت نلعب في محمد و فتحت لآب ننقل في اغاني لموبايلي ~
و قعدو يضبحو عليا فملحقتش انسخت الملف فيه 400 اغنية و قلت بعدين تو نمسح يلي ميعجبنيش .. و نضت تغديت معآهم
فاطمة : راهو عمتك ماشية معانا للعرس بعد غدوة
سحر : علاااااش من قلت سيارات يعني
فاطمة : اص و شن فيعا كان مشت اسكتي بتجي هيا و بنتها سرور
سحر : ووووه مبردهاااااااا بنتهاا قصدك بنقعد معاه ساعتين في طريق !! ووه منتحملش اني -_-
فاطمة : تحشمي ع وجهك يابنت اقعدي كنهذا
سحر : ابنمشي شن نقعد سيارة سيارة خوي و الله -.-
فاطمة : مكسح راسك لمن طالعة بس
سحر : لبابا ❤❤
فاطمة : نوضي من قدامي مجماج
سحر : :3 مدايرتلك الغدي كسكسي و تقوليلي نوضي
~
فتخت فيس و لقيت مسج من محمد ..
محمد : سحر قوليلي لومتبيش تحكي معاي متخلينيش نجري وراك و نحكي و انتي مش معبرة
سحر : كيف مش معبرة اني نرد عليك ديماا لما تحكي
محمد : تردي لما نحكي بس عمرك ماكلمتيني تسالي عليااااا
سحر : منبيكش تتعود
محمد : يعني اني خليتك تتعودي !
سحر : اي انــــــت
محمد : تمام في جديد .. قوليلي كيف حالك
سحر : الحمدلله
محمد : وقت غدي هو سامحيني
سحر : لا عادي درت غدي و تغديت
محمد : انتي درتي غدي
سحر : اي اني :-\
محمد : متاكدة انتي
سحر : اي لهدررررجة بايرة اني !
محمد : و اكثر هههههههههههه غير قولي شن طيبتي
سحر : كسكسي
محمد : اوووو هذا كله في غيابي
سحر :هههههههههههه تعلمت تطييب و بديت نعرف نطيب كل شي الا بازين ❤
محمد : اوووو خلاص صاار .. اممممممممم املا تعلمي حتى العصيدة
سحر : اع منحبهاااااش مستحيل
محمد : مهم اني نحبها .. و حتى بازين لان نحبه هلباااااا ❤
سحر : بازين ناكل فيه بكاشيك بس رح نتعلمه حتى انا ناكل فيه :-P
محمد : لما تتعلميهم قوليلي بش نجي نخطب قبل بنخطب و متحشم منك متعرفي اديري شي بايرة لاكن باهي تعلمتي
سحر بتلقيح : ههههههههههههههههههههههه ان شاء الله راجلي يطلع يكره بازين و عصيدة باش لما تجي انت و مرتك نعزمكم ع كسكسي مش بازين :-P
محمد : ههههه ان شاء الله .. قوليلي بتحي للعرس ؟!
سحر : اممممممممم مش عارفة منضنيش
محمد : ليش ؟؟ غيري جوك انتي كيف طالعة من امتحانات
سحر : لا مش جايه
محمد : تعالي
سحر : لا مستحيل مخاطريش ..
محمد : براحتك ....
سحر : نستأذنک توا سلام
محمد : سلام ديري بالك ع روحك ❤ و اقري اية كرسي و معوذتيين قبل ماترقدي ❤
سحر : ان شاء الله سلام ❤
~
كنت بنمشي للعرس بس محبيتش نقولـه و يستنانـي ..
