أنثــى قــاتلـة ~
الحلقـة " 27"
:: محمــد ::
.. كل شي كنت نقآرن فيه مع سحـر ~
صفاء كانت تقولي ابعتلي رصيد !!!!
و سحر كنت نترجى فيهاا انها تاخد كرت !!
صفاء كانت تقولي نبي نحكي معاك صلي بعدين
و سحر كــــــانت تقولي متحكيش معاي نين تصــلي !
صفاء كانت تقولي دخن نحب شباب يلي يدخنوا !
و سحر كانت تقولي في كل باكو تاخده مش مسامحاتك عليه !! و كنت نحاول مناخدش ..
صفاء كانت تقولـي معاش تاااخد شي لأهلگ انت مش ملزوم بيهم انت ليا اني بس طلبآتي بس
و سحر كــــــانت تقولي لو مفيكش خير في اهلك مفيكش خير في ناس
واااااه الفــرق الفرررررررق كبيررررر .. خليتي في قلبي فراغ قآعد يستنى فيك !!!!!! نحبك يااغــلى ما في حياتي ..
كنت نتمتم في كل صلآة انـــه ربي يجمعني بيک و عارف انه مفيش امل بس كنت نكذب ع رووحي و فرحآن !
:: سحــر ::
ووااآه قرفـانة من حيـاتي .. في شخص في حياتي مش متقبلآته !!! كيف نقدر نتنفس .. كنت نحآول بأي طريــقة نتبعد ع محمود بس كيف !!
وســام ووووووووووووووينك قلتلي انه ح تخليه يفوتني بدون احراجاات .. :-(
ليششش مشيت .. لييييش
محمــد أستــحشتك موووت كــــنت نقآرن فيك محمود ع كل شي و منتقبلش غير رآيك .. منتقبلش حد يشاركني ضحكتي غيرك و لا حزني و لآ فرحتي حد غيرگ .. مش مستعدة نحكي حيآتي لحد غيرك .. ووووواه قداش مانحبك و نكــابر ..
اكثر شي ملزم تصدقه غصب عنك .. نصيب .. اكثــر حآجة تقتلك و مجبر أنك تعيش .. اكثـر عذآب في دنيآ و أنت مظلوم ~
أكثر من دمعة تنزل و تقول يآرب الحمد لله .. و غصــة في قلبك
.. أكثر من كبت دآخلك و تبي تفجره .. و ينفجر دآخلك .. كأنه مش حآس بيك حد .. هو صح مستحيل يحس بيك حد غيـر اللي بعده عليـك النصيـب ~
الحب مني و نصيـب لغيـري !
و لآ الحب منك و نصيب لغيرك !
كيف ممـكن تعآيشوآ مع كلمة نصيب في دنيا ! .. و هو الدنيآ كلها ؟
كيف ممكن ننســوا و نقولوآ نصيب .. مستحيل من قلبك تطلع كلمة نصيب ..
تــــوجـــع .. :-) ~
توجع لمآ نسأل ع أحوالك .. توجع لما نسأل ع احوآلك و نلقآك تتعذب .. رغم إيماني بعدم وجود حب قوي .. إلآ اني شفت أقوى حب في عيونه .. ❤
و بعديــن !
خـاطري انطلع كل اللي في دآخلى .. خآطرى نحزن قدام الناس ! و معاش انمثل اني قوية ! .. اقل شي ممكن يتنح عذآبك بينى و بين نفسى
كيف نديـر .. مش مستعدة نحكي حيآتي لحد غيرك .. مش مستعدة نحكي مع ناس تانية ع أدق تفآصيلي
مش مستعدة نضحک و نحس بالأمآن مع حد غيرك .. و مش مستعدة نرآضي حد غيرك
ميلــزمنيش حد غيرك .. عارفتك مضآيق .. عارفتك تدعي نكون نصيبك .. و عآرفة ..
شن نقدر نــــــدير بش نطلعك من أحزآنك! .. نقولك نحبك و اني عآرفة أن نصيب لغيـرگ ؟
نقولك نبيـك لياا و أني عآرفة ان نعشـم فيك ..
ايه صح اني نحبك .. لآكن عآرفة مش نصيبك ..نكآبر و نبكـي .. و مفيش غير هکي ~
انت نصــيبي ..في جنـــة .. ❤ 😌
- حــــاليـاً فكرة وحيدة يلي مسيطرة عليآ أنه محمود يطلع من حياتي لا اخ و لا صديق و لآ حبيب بعد محمد ~
كنت ندير في ايميلآت وهمية و نضيف فيه بس بآش نكلمك .. :-(
و مكنتش تقبل في أي ايميل بنت :-( .. خشيت ع رسآيل بعتت طلب مرة و اتنين و تلآتة و كــــــان رفـض .. آه لو تعرفني أنه اني نفسهآ سحر يلي تكابر قدامك نفسها يلي ادير في ايميلات بآش تكلمك ! ..
~
محمود : سحر نبي نقولگ حاجة
سحر : تفضل!
محمود : قداش لينا نهدرزو مع بعض
سحر : مش عارفه :3
محمود : اربع شهر -_-
سحر : باه
محمود : اممممممممم بنقولك
سحر : شني
محمود : نحبك !
سحر : .....
محمود : نحبك هلبا
سحر :شــكـــــراً
محمود: شني !!!!!
سحر : شكراا !!!
محمود : حق فياااا سلام
سحر : عهههه شن متوقع
محمود : معقولة محبيتينيش
سحر : لآ معزتك عادية
محمود : في حد في حياتك ؟؟؟
سحر : لآ
محمود : كنتي ع علاقة
سحر : لا
محمود : املا ليش انتي هكي
سحر : منخونش تقة اماليا
محمود : يعني ع سبب هذا ؟
سحر : اي
محمود : انـــي و يشهد عليا ربي ما لآعب بيك و اصلا وحدة زيك كل يتمناها مستحيل نضيعگ
سحرى: هههههههههههه اني مش كورة باش تلعب بيا ;-)
محمود : تؤمني بالله متعرفتش ع بنت زيك قبل
سحر : لااااا إله الا الله هههههههههههه :-D
محمود : باه شن توا
سحر : قتلگ لا
محمود : ح نخليك تفكري
سحر : بآه ..
~~~
اميرة : حقاااا
سحر : اي
رنا : وشن رديتي علييييه
سحر : شكرا
سرور : شني
سحر : شكراا
اميرة : بجد قالك نحبك قلتله شكرا
سحر : ايه
رنا : واااه قداااش مابااردة
سرور : انـــــتي انسانة مش طبيعية ع فكرة
سحر : انـــي قاعدة نقارن في كل شي معاه بمحمد و ملقيتش و لآ صفة أحسن من محمد .. لو بننخطب ننخطب لحد افضل من محمد مش أقل منه
رنا : انتي تفكري ف محمد هدااا ليش هكىىى
سحر : مش حتى محمد بس بجد مرتحتلاش
اميرة : وبعدين
سحرر: مستحيل ناخد قرار يرضي ناس و يدمرنى !
رناة: حبيبتى سحر انـــي معاك في كل كلمة
سحر : :-(
رنا : فوتيه لو مرتحتيلاش انـــي عارفه الوعد يلي وعدهولك وسام و مات قبل مايوفى بيه :-( و انـــي ح نكمله مدام متبيشي خلي موضوع عليا
سحر: يــــــاريت :-( ❤
~~~
روحت للحوش و خشين انـــي و نور نغسل في مآعين ..
نور : اها و انتي قلتي شكرا يعني متبيشي
سحر : طبعا
نور : انتى شن مشكلتك
سحر : منعرفش يانور
نور : تحبي محمد قاعدة !
سحر انهارت بالبكي : اي اي مش متققققبلة حد بعده حااستهم كلهم مقرفييين مش متقبلة اي بنى ادم غيييره .. نحااول نكون عادي و نضعف ديمااا اااه يـــــاربي :-( شن نديرررررر نبي نكلمه نبي نحكيله اللي فخاطري
نور : خلااص سحر اسكتى مفيش حل باهي بديري
سحر : نبي نفتككككككك من محموووووود و نحكي مع محمـد :-(
نور : بعد ماكبرتي في كل هذاا و ليك 9 شهوور محكيتيش معااه تضعفي ؟؟؟؟؟ خليك قوية زي مانعرفك
سحر : تعبت و انـــي ندير ف روحي قويةةة تعبببت
نور : ربي يفرجها :-(
::مــحمد ::
كــــــانت تحكى معآي صفاء ديما ومنردش و حصلت رقمي و منردش و كنت نهزب فيها و لا حياة لمن تنادى .. لحد ما هددتها و قلتلهااا ح نديرلك ار و نكلم خوتك و يشوفو كل مسجات و حقاراتك اللي تبعتى فيهآ .. و أخيـــرا بعدت و معاااش سمعت سيرتهآ ~
و اخيراااا فرحااان انه الغمةةة فتكيت منهااااااااااااااا 😍
كل مرة كنت نطمن ع سحر و ااه قداش ماخايف انها حبت انسان تانى قداش ماخايف انه حد ياخدك رغم عارف انك مش ليا بس كنت انانى منبيش نشوفك مع حد غيري :-(
::سحر::
الــــحمد لله رنا كلمت محمود و قتله انه سحر مرتحتلكش و فوتهآ و بعد اصراااااره و كلآمه الا انها حاولت تفهمه ان منبـــيشي "كل شي بالسيف الا حبني يابنآدم "
كلمني محمود و قالي ..
محمود : ليش مقلةليش انتى ليش رنا
سحر :محبيتشتطي مني دوة
محمود : قصدگ كنت ثقيل عليك
سحر : اممم
محمود : باهى عادي نقعدو اصدقاء
سحر : مفيش صداقة بعد كلمة نحبك
محمود : يعني متبيش تعرفيني بكل
سحر: ايه
محمود :وقحة
سحر : اني ؟؟؟؟؟؟؟؟؟؟؟؟؟
محمود :اقل شي جاملينى
سحر : لا منجاملش .. منعيشكش ف وهممم ع فااااااضي
محمود : لو مش مصدقتينى نجيب امى غدوة
سحر : ههههههه لاا مش قصة مش مصدقاتك بس انـــي محبيتكش افهمهاا
محمود : نقولك حاجة
سحر: نعم
محمود : كسرتيني هلباا
سحر : علااش!
محمود : لاني جريت بهلبا بنات و درت علاقات و يوم حبيت جرت بيا
سحر : اني جريت بيك ؟اني من بداية انقولك صديق فقط و نحاول نكررلك فيها !!! بعدين ممكن تكون هذي جزاتك للبنات مكسورات منك !
محمود : اممممممممم منورة
سحر : نور نورگ
محمود : خلااص؟
سحر : ايه
~
و أخيـــرا نهيتهاااااااا ❤ محمود كان مرة مرة يكلم فيا ع اساس يقهر فيا و هكي كلم بنات و يحسابني بنغار ههههههههههههههههههههههه درتله حظر و كان أحلى حظر نديره في حيــاتي 😍
حسيت نص حياتـي رجعتتتتتتلي ❤ وووووواااهاااع :-D
يتبع
