The Coldest Heart

Chapter 27.

Chapter 27.

Laarni's's POV

Monday. Pagpasok ko sa room. Ang ingay ng mga classmates ko. Kanya-kanya silang tingin sa mga phone nila habang gulat na binabasa ang naroon. Ano naman ang meron? May alien na bang pumunta sa Earth? O di naman kaya may concert ba si Hatsune Miku dito? O baka naman nabuhay si Michael Jackson? Ang creepy naman.

Nilapag ko ang bag ko sa upuan. Napatingin naman ako sa katabi ko, wala pa pala si Abrylle. Napangiti ako ng maalala ko ang nangyari kahapon. Parang buong weekend lang magkatext kami ah. Ano ba 'yan, kinikilig ako.

"Arni! Have you heard the news?" tanong ni Leicy sa akin. Nagtataka naman ako lumingon dito. "I guess you're not, look!" hinarap niya sa akin ang phone niya at pinabasa ang headline sa internet.

The inheritors of Aickman Group and De Mesa Food Corp. engagement

"Oh? Sino namang mga inheritor 'yan?" tanong ko sa kanya. Mukha namang nagulat siya sa tanong ko.

"Ano ka ba, it's Courtney and Abrylle!" sigaw nito. Para namang di nag-sink in sa utak ko ang sinabi niya, o sadyang ayaw lang dinggin ng tainga ko ang sinabi niya.

"Ano?"

"Si Courtney at Abrylle ang nasa news!"

Natulala naman ako sa sinabi niya. Ano daw? Hindi ko nakuha pang magsalita matapos ng sinabi niya, pakiramdam ko para akong nahulog mula sa rooftop ng building na 'to.

"Hey Arni! Okay ka lang ba?"

"Hindi ko alam—"

"Lexter!" napalingon ako sa tinawag ni Leicy. "Narinig mo na ba ang balita?" napatingin ako kay Lexter, nagkatinginan kami. Seryoso ang mukha niya habang nakatingin sa akin. Parang puyat din siya at lutang ang isip.

"Oo Leicy." Maikling sagot nito at naupo na sa upuan niya.

"Anong masasabi mo? Totoo ba 'to Lexter?" pangungulit sa kanya ni Leicy. Tumango tango naman 'to habang tulala. "Okay ka lang ba? Para ka ring si Arni ah." Nagaalalang sabi ni Leicy sa kanya. Napalingon naman 'to sa akin at nagbanggaan ang aming mga tingin.

"Alam mo na?" seryosong tanong nito. Kapag ganito ang mukha ni Lexter, para akong natatakot sa kanya. Usually kasi masayahin siya, kaya naman nakakapanibago kapag ganito siya. "Ayos ka lang ba?" dugtong nito.

Iniwas ko ang tingin sa kanya. Ayos nga lang ba ako? Natigil naman ang pag-iisip ko ng magkaroon ng ingay ang buong klase. Napatingin ako sa tinitignan ng lahat. Lahat silang nakasilip sa bintana.

"Gosh, totoo nga ang balita."

"Sila na nga?! I can't believe this!"

"Oh my gosh, Courtney win the crown!"

"Nakakainggit naman!"

"Ugh, I wish I was her"

Gusto ko sanang tignan, kaso may kung ano sa paa ko at hindi ko makuhang makatayo. No Arni, kailangan mong tignan. Lakas loob akong tumayo at sumilip sa bintana. Pagsilip ko, para akong pinana ng limang daang sundalo sa dibdib sa nakita ko. Gulat at nagpipigil ng luha. Sandali? Bakit naman ako naiiyak? Arni wala ka namang paki di ba?

Nakita kong magkasabay na naglalakad papasok si Abrylle at Courtney habang nakahawak si Courtney sa braso ni Abrylle. Umupo na ako at tulala lang dahil sa nakita ko.