/Дууссан/ 💋 Миний бяцхан гаж донтон 💋

-10-

Одоо дөнгөж 15:30 мин болж байна. Гэвч Кай Инбинь хоёр хэн хэн нь гэртээ ирсэн байв. Хонх дуугарахад Кай хаалга тайлж өглөө.

Кай "өө Чой ахаа юу болсон бэ?"

Чой туслах "Маргааш захирлуудын зөвлөгөөний маш том хурал болно энэ хурлаар хувьцаа эзэмшигчдэд таныг албан ёсоор зарлана. Харин олон нийтэд зарлах тал дээр одоо болтол тов нь гараагүй байгаа магадгүй та хоёрыг албан ёсоор компаниа өвлөж авах өдөр л олон нийт мэдэх байх" гэв.

Гэнэт хэлсэн энэ мэдээд Кай нэлээдгүй цочирдлоо.

Кай "Бид тэгээд маргааш хурал дээр юу хийх ёстой юм? хувьцаа эзэмшигчид олон зүйл шалгаагаад байвал яах болж байна? би лав группийн ажил төрөл тал дээр юу ч мэдэхгүй. Бас компаний ажилчид мэдсэн бол хүмүүс ч бас мэднэ шүү дээ" гэхэд

Чой туслах инээмсэглэн "Зүгээр дээ таныг сайн мэдэхгүй болохоор эртхэн суралц гэж таныг албан ёсоор танилцуулж байгаа юм. Бас маргааш та хоёр группийн шинэ бүтээгдэхүүний нүүр царай хэмээн зарлаж аваачиж байгаа болохоор санаа зовох хэрэггүй хувьцаа эзэмшигчдээс бусад хүмүүс мэдэхгүй. Харин хувьцаа эзэмшигчдийн хувьд тэд хаана амаа хамхиж явах тухайгаа маш сайн мэддэг хүмүүс байдаг юм. Бүгд аавын чинь болон Пак захирлын итгэлт хүмүүс. Та хоёр ч гэсэн эртнээс өөрсдийн гар дор ажиллах итгэж болох хүмүүсийг бэлдэж эхлэх хэрэгтэй" гэв.

Кай "Намайг зарлана гээд байх юм. Инбинь яах юм?"

Чой туслах "Түүнийг аль арван жилийн өмнөөс бүгд мэднэ. Бас Пак авхай арван жилийн өмнөөс группийн дотоод ажилд оролцож эхэлсэн. Таны дэргэд тэр бол бизнесийн Акул л гэсэн" гэхэд

Кай нүдээ томруулан "тэгээд би яагаад мэдээгүй юм?" гэж гайхан асуухад

Чой туслах "Магадгүй та түүнтэй үерхэж эхлээгүй байхдаа түүний юу хийдэг яадаг тухай анзаардаггүй байсан байх л даа. Тэр үнэхээр ухаалаг бүсгүй. Яг одоо группийг өвлөж авсан ч болохоор маш туршлагатай ажилчин байгаа юм" гэв.

Кай гайхсан чигтээ "Мм тийм байх нь ээ" гэж амандаа зөөлөн шивнэхэд

Чой туслах "Түүнийг балчир хүүхэд байхаасаа эхлээд жүжиглэсэн байж яагаад ТОП зэрэглэлд орох жүжигчин болж чадаагүй тухай бодох л байж дээ. Үнэндээ Пак авхай жүжиглэхээс илүү бизнесийн тал дээр чадвар нь маш өндөр, товчхондоо тэр группийн ажлын дундаар зүгээр л хоббигоороо жүжиглэдэг юм. Тэгээд ч танай хоёр гэр бүл группээс хамааралгүй амжилт гаргах ёстой гэдэг биз дээ? уг нь бол Пак авхай аль хэдийн амжилт гаргасан. 2015 онд гарсан нөгөө алдарт төслийг чинь Пак авхай хийсэн юм шүү дээ" гэсээр инээмсэглэв.